無聊小故---第二集
第二集到左球場之後,換好晒衫,收拾心情,踏足呢一片屬於我o既草地,每次當我聞到呢一陣清新o既氣味,
都會覺得好舒服,起碼舒緩左我依家緊張o既心情先啦,其他人未到,我自己就做足熱身先,再跑左兩個圈,
生理同心理上都準備充足,澎馬流浪o既職員都到左,選拔都隨即展開........
"李家豪..."
"到!!"
終於都到我,第一樣野考我掃把腳,對我黎講完全無問題,第二樣野斬波,自問都ok,第三樣野射門,
射三球都入左兩球,有一球射高左,第四樣野頭球,都勉強合格(呢樣我偷睇到個職員張分紙,哈哈...),
第五樣野折返跑更加難唔到我,基本技術我諗我應該合格o既,但真正考驗依家至開始------分組比賽
上次o係南華會衰就衰o係度,基本上上次o係南華會o個場分組比賽,我只係掂過一,兩腳波......
上半場,我比澎馬流浪o既職員安排踢中場中,呢個位對我黎講印象真係好深好深,初初o係校隊o個陣,
我打o既係清道夫,有陣時比人笑自己屎波,無技術,同埋當時自己覺得得到別人讚賞o既就只有前鋒,
記得o個年我不斷練波,終於變成一個有速度,有射術同入球能力高o既前鋒,但校隊o既教練始終都唔肯安
排我踢前鋒,所以之後o個年我被安排踢中場中呢個位,第一場係友誼賽,亦都係我第一次踢中場中呢個位,
我入左一球波,但除左呢球入波之外,我成場波一腳波都未掂過,呢一年o既學界,我踢得好差,我好唔慣呢個位,
而我地校隊莫講話出線,什至一球波都入唔到,諗起上黎,我要負o既責任都好大..........
之後無論同邊個踢波,我都係打前鋒,而且普遍黎講都踢得幾好,所以o係我o既思想上就只有前後之分,中場
呢個位o係我腦入面根本就無出現過.............
直至我去到私校同其他新識o既朋友仔踢波,我發現中場呢個位o既重要性,因為佢地有d係唔多識踢波,
識踢o個d就淨係識o係前面等波到,一比波佢就斷纜o個隻,而我算係o係一個半被迫o既環境下,嘗試去踢呢個
位,當初都覺得好辛苦,走位唔識點走,分波唔掂,最重要o既係體能唔夠,但經過自己不斷咁努力,去跑步,自己
一個去練波,慢慢就慣左呢個位.................
開波lu,一如上一次南華之行,其他人只係識表現自己,一拎到個波就自己死去,就算對住幾個球員包圍住都唔
肯交個波比人,唉...!!不過其實我好耐之前都係咁,一味死去,從來都無理人地感受,之後改變左好多,無之前
咁獨食,但遇到一d獨食o既人始終都控制唔到自己o既脾氣,所以成日就同人嗌交,因為咁亦都嚴重影響自己o既
表現,可惜今日企o係球場o既自己已經唔係當日臭脾氣o既我,因為我已經成熟左好多,學識冷靜,學識忍耐...
我o係自己禁區頂截到個波,第一時間交左去右翼o個邊,打右翼o個位人兄推過一個,但第二個已經到,我衝左上去,
好大聲咁叫佢比波,佢無理我,最後個波比對方踢左出橫邊界外,個右閘上黎開呢個界外球,個波比左我,我o係中圈
已經有兩個球員招呼住我,我好自然咁轉身過左,第一時間一個直線交上前,個波咁o岩o係兩個守衛之間過,打前鋒
o既隊友o係右面攝入,掃把腳一熨,地波遠柱入網,1:0.......................
場邊o既澎馬流浪職員點左一下頭,"呢個中場球員幾冷靜,雖然掂波機會唔多,但總覺得佢o係球場上與別不同咁.."
(完) 依個故冇人理既?
我覺得都幾好丫
係最尾應該係(待續)唔係(完) 依個故冇人理既?
我覺得都幾好丫
係最尾應該係(待續)唔係(完)
可能D人睇到個標題"無聊小故"所以唔睇 :icon064:
但我都覺得ok~ :icon007: 唔差
但不要爛尾
:icon116:
頁:
[1]