無聊小故----第三集
第第三集踢左無耐,大家都好似領略到足球唔係一個人踢晒,雖然未至於組織到好靚o既攻勢,但總算大家都叫做肯比下波,
可能係經過上次南華會o既經驗,我踢得放左好多,無咁緊張,講起緊張,我其實係一個心理質素極差o既球員,
記得以前踢波,o個日開始得順o既話,就全日都順,唔順o既,點踢都係唔順,其實呢個只係一個心理作用,但我
始終衝破唔到,仲經歷過一段黑暗期,記得o個陣o岩o岩轉踢中場o個陣,乜都唔掂,而且完全唔慣,自己個心其實成
日都不斷咁掙扎,發揮唔到水準,連自己本來應有o既踢法都好似無埋咁,就算對手係幾咁弱,自己都會有一種脅o既感覺,o個陣真係好想放棄足球,總括黎講,每次踢親波都會好大壓力,好迷網同好無奈............
但事情總會有轉機o既,當時我自己一個人到球場練波,我遇到一個大約三十幾歲o既呀叔,佢教左我好多野,
除左技術之外,佢教左我踢波要笑住黎踢,要盡情咁去享受,起初我都不以為意,後來同佢o既日子耐左,我漸漸
學識左呢樣野,慢慢我亦都走出呢個谷底,一步一步咁向上爬............
可惜我始終都係一個人,壓力唔多唔少一定唔有,而我上次o係南華會我o既壓力就通通出晒黎,奇怪o既係今日
o係呢度,我一d壓力都無,緊張起初都算係有少少,但踢落之後已經再無緊張,總之唔知點解,呢一刻o既我平靜得
很,種感覺就好似o係一大片草地上,欣賞緊夜空o既星星一樣,非常寧靜,非常舒服,唔通呢d就係享受足球......
場邊兩名澎馬流浪o既職員交談著...
"呢個叫李家豪o既人睇起黎都只係一個平平無奇o既球員乍喎,點解你比咁高o既評價佢,
你睇下,同佢一齊踢中場中o個個黃永強仲起眼過佢,你睇佢又扭過幾個,起腳都起左三次,
全部中龍門,有球仲中柱添,左右腳都得,而呢個李家豪真係比下去................."
話口未完,黃永強o係三十碼度一個遠射,個波直飛左上角入網,將紀錄改寫成2:0,呢個時候候,
上半場亦都打完,雖然紀錄係2:0,但其實兩邊真正有威脅o既攻門真係無乜,中場混戰居多,係我o個隊把握到兩個機會咁解o者...........
休息完之後,兩隊都換左好多人出黎,我好好彩,無比人換走,而表現出色o既黃永強就換左去隔離o個隊,即係話
下半場我要同佢直接較量,都幾大考驗.......
"咇..."
下半場開波,唔知係唔係換左人o既關係,兩邊o既攻勢都到肉左好多,對方一黎就一個三角短傅,轉眼間個波已經
交到右翼位,我地o既左閘唔夠佢快,比佢落底出到個波,十二碼點落,黃永強跳起準備迎頂,而我死纏住佢唔放,
但始終比佢頂到個波,好彩最後守門員反應快,飛身救到個波再中柱,守衛再加一腳解圍,果然係一個好強o既對手,我o既壓力開始黎,我o既寧靜比呢一個黃永強徹底咁破壞左......................
無幾耐,又係黃永強黎一個遠射,呢次同上半場佢入o個球差唔多,但今次又係我地個守門員撲出底線....
之後我同佢幾次碰頭都輸比佢,因為咁,我o既壓力開始愈黎愈大,無左之前o個種冷靜,的確佢o既技術真係比我高..
對方又施展三角短傳,又係o個三個,直覺話比我聽佢地三係識o既,而且仲一齊踢波添,下半場佢地三個,加埋
黃永強,我o個隊係完全涯打,好彩守門員表現出色,如果唔係,我地已經輸緊波....................
好難得咁我再次截到個波,但o係我面前黃永強已經趕到,我應該點做,過佢定比波呢,最後我選擇過佢,我連番o既
假動作都無辦法過到佢,慶幸o既係我仲護到個波,我第一時間轉身斬個波去左面,但黃永強收唔住腳,踩正我左腳
上下五寸,我本能反應係大嗌左一聲,應聲倒地,真係好痛,我痛到眼淚都流左出黎,呢種痛同女人生仔一樣,無辦
法形容到,澎馬流浪o既軍醫抬左我去醫療室,但佢地只係可以做到減低我o既痛楚,最後都係打九九九送我去醫院!! 去埋醫院 :eek: 點解成日咁多亂碼ge...?
頁:
[1]