(轉載)香港樂壇七大殺手 2006
講得好中point出自網絡blog界好多人識的北歐人小奧手筆:icon112:
轉載自 : http://www.littleoslo.com/cnt/home/?p=832
TVB，獨裁統治
做無線歌星的話，兩規必守。一要簽約：不能亮相他台，亮相他台而說漏了廣東話者，輕則警告、重則封殺。二要聽話：上台表演，唱歌為次，玩無聊遊戲才是正經事，以獎作餌，乖乖拍劇拍特輯，幫手做主持。由每周勁歌金榜到年中優秀選，漠視歌曲質素及受歡迎程度，以人為先，一律奉行缺席者不得有賞的政策，得獎歌曲數目更可隨意更改，得啖笑的賽果淪為歌星、唱片公司及無線電視三者關係的寒暑表，在旁熱血狂迷搖旗吶喊與否，不礙溫度升降。無怪乎音樂節目的收視率連年下跌。慘在一台獨大，亙古常理，不競爭、毋進步，既然兵馬盡握，其他電視台無局可行，更加有持無恐，看準大小歌星別無西家可打的選擇，一於盡情玩弄。
經理人，隻手遮天
經理人和歌手，好比花農與花。一個要錢，一個要紅，互利互惠。無奈經理人總有一副生得你出便得萬事聽我的家長心態。先來出碟爭獎開個唱，再而接戲搵錢拍廣告。一手捧上天，一個反掌亦可掉落地，一聲不續約，甲的機會便為乙的工作，全在一推一讓的頃刻之間。栽花有心，摧花更狠，對經理人而言，音樂再好也不及搖錢樹響。
雷頌德，混淆視聽
多得商台矯枉過正的推動樂壇原創十多年，收窄樂迷口味之餘，更讓雷頌德有機可乘，在重量不重質的計獎制度之下，十年內八取叱咤樂壇作曲人大獎。驟覺以為才華洋溢，曲風多變、曲種多樣的背後，連年遭聽眾揭發涉及抄襲偷竊的作品不勝枚舉，奈何利之當頭，關係為先，有錢齊齊搵，一眾歌星甘於為其開脫，指鹿為馬，同業相互包庇，歌曲照翻、電台照播，名聲誠可貴，版稅價更高。
林夕，戀棧名利
見好就收，當後輩黃偉文宣佈減產，縱橫詞壇廿年，雄霸十載有多的林夕卻孜孜不怠，以年逾百多二百首歌詞談情說理，樂此不疲的為大家作情感代言人。然則創作不是工廠倒模定期出貨，十隻手指有長短，素質必然參差，粗製濫造為人所詬，冒著自損金漆招牌之險，要人百思不得其解，是財不嫌多、貪得無厭，還是要償的人情債根本太長，休寫不能？前浪乏力而見白頭，後浪又無風推上，結果了無生氣，死水一潭。
903，愚樂大家
以為拿播放率高低作獎便是公平公正公開之舉，實是當今樂壇最大的愚民政策。手掩半邊嘴說會推動樂壇，肚裡又盤算如何跟唱片公司交待周旋、買賣交易，作為名副其實的商業機構，門面要靚，又要有米落肚，失了分寸便招來話柄，單看年底的「903 專業推介」小動作多多，惹人失笑，為了計掂盤數來吻合年終賽果而出盡法寶，到頭來自毀公信。DJ播歌的自主權可有幾多？聽眾的參與能有多少？枉費三五成群的歌迷大噴口水，個個禮拜在各大討論區為了排行榜的上落而吵得面紅熱耳，無謂，只好感嘆這場遊戲反映不了民意，卻醜得漂亮。
唱片工業自身，不思進取
年年狂推新人上場，不為帶來新聲音，只為新鮮感，捧人像賭博，投機多於投資，歌手如衣服，賣不好的請摺埋放在倉底。一盤生意，歌者緊記，唱歌是娛樂，出碟求人氣，歌藝不精便學耍雜技，搞緋聞、博出位，總之別讓樂迷忘記。包裝勝於一切，唱碟要大份，加首新歌又新版，唔怕你鬧，只怕你唔買。大嗌生意難做，終日沉緬於唱片銷量最好的九十年代不醒，遲遲未將產品行銷數碼化，醒來後卻只懂高呼下載音樂堅持要刑事，網誌播歌是侵權，一句講晒，要錢，不為音樂，而是繼續打造娛樂圈的富貴榮華。
報紙雜誌，同流合污
香港報紙雜誌何其多，中肯的樂評卻難覓一小片容身之所。曾幾何時，洋洋灑灑有份量的千字可會是萬千樂迷的唱片指南，如今若肯在版面上撥出一角來談小眾音樂的話，那必然是編輯對自己良知所築起的最後堡壘。向現實低頭，向廣告部同事低頭，鱔稿當道，只准唱好。所謂的樂評由撮寫新聞稿而來，再加悅耳動聽、旋律優美，值得一聽等放諸四海皆可的字詞而成，百字一篇，五星評分制以下最少給三顆。不然下期冇稿落的罪名，誰擔當得起？要作樂海明燈，恐怕只會照出浮污漾漾。
插圖：陳大文
[ 本帖最後由 李喂凸 於 2007-1-103:51 AM 編輯 ] 枉費三五成群的歌迷大噴口水，個個禮拜在各大討論區為了排行榜的上落而吵得面紅熱耳，無謂，只好感嘆這場遊戲反映不了民意，卻醜得漂亮。
哈哈,coolman?
林夕今年明顯回勇 至於903,我既評價係「最好睇既頒獎禮」
都想睇下謝安琪上到903台
但係,都係得啖笑ga la,任何頒獎禮 條友真係不食人間煙火架喎:icon101: 原帖由 hehe0114 於 2007-1-112:22 PM 發表
條友真係不食人間煙火架喎:icon101:
人在異地,會有旁觀者的清晰 原帖由 ohcl 於 2007-1-112:59 發表
人在異地,會有旁觀者的清晰
唔可以否認係睇得好清
但係冷眼旁觀，有時未免忽略局內人既身不由己、環環相扣
甚至有離現實:icon101:
[ 本帖最後由 hehe0114 於 2007-1-102:07 PM 編輯 ] 慘得過各有市場je .... TVB又係衰D既.. 得商台矯枉過正的推動樂壇原創十多年，收窄樂迷口味之餘???
又關商台事??
只關d作曲人.....唱片公司老闆事o者 林夕都係殺手?:icon102:
唔覺:icon101:
"佢多產" 同 "無後浪上" 呢2樣野我睇唔到因果關係
邊可以話 "林夕作得多詞阻住其他人上位" 咁野蠻:icon062:
至於903
到呢個moment 仲要為頒獎禮而不服, 唔好咁naive 啦:icon101: just 遊戲規則
至於收窄口味, 不如佢又諗下擴闊歌路, d 偏門歌有無人聽仲好啦:icon064:
人地成盤生意o係度唔通為左個樂壇同你蝕咩~
佢d point有大半係嘈樂壇商業化, 不如又諗下點解有呢個現象先啦, 咪又係消費者口味問題
上網睇幾多人嘈twins 低能唔識唱歌, 佢地d碟咪又係賣到把把聲, 點解? ;) 原帖由 Cassano 於 2007-1-203:12 PM 發表
林夕都係殺手?:icon102:
唔覺:icon101:
"佢多產" 同 "無後浪上" 呢2樣野我睇唔到因果關係
邊可以話 "林夕作得多詞阻住其他人上位" 咁野蠻:icon062:
至於903
到呢個 ...
是的
最主要是樂迷同市場
但有時我覺得傳媒有一定責任同影響力的
好像903唔理咩咩排名
其實推動新聲音同擴闊樂迷眼界算不錯
早年的My Little Airport,AT 17林一風等等
其實玩既好簡單的音樂
但聽慣典型廣東pop的樂迷已算新事物
我睇開佢blog
唔用太認真
因佢講的樂評都是圍繞音樂多
呢篇都是著眼於音樂角度多:icon101: 原帖由 李喂凸 於 2007-1-203:41 PM 發表
是的
最主要是樂迷同市場
但有時我覺得傳媒有一定責任同影響力的
好像903唔理咩咩排名
其實推動新聲音同擴闊樂迷眼界算不錯
早年的My Little Airport,AT 17林一風等等
其實玩既好簡單的音樂
但聽慣典型廣 ...
mla咁快變左「早年」:icon101::confused:
的確,亦都係903頒獎禮受歡迎原因之一:icon032: 原帖由 李喂凸 於 2007-1-203:41 PM 發表
是的
最主要是樂迷同市場
但有時我覺得傳媒有一定責任同影響力的
好像903唔理咩咩排名
其實推動新聲音同擴闊樂迷眼界算不錯
早年的My Little Airport,AT 17林一風等等
其實玩既好簡單的音樂
但聽慣典型廣 ...
佢秋連秋紅都夠膽拎上黎~我已經覺得佢地冇得頂:icon032: 原帖由 疾峰 於 2007-1-212:19 PM 發表
得商台矯枉過正的推動樂壇原創十多年，收窄樂迷口味之餘???
又關商台事??
只關d作曲人.....唱片公司老闆事o者
係lor，擺明針對:icon101: 原帖由 Yoshiki 於 2007-1-208:04 PM 發表
佢秋連秋紅都夠膽拎上黎~我已經覺得佢地冇得頂:icon032:
擺埋你隊band d歌咁仲冇得頂 :icon101: 原帖由 馬豬 於 2007-1-209:20 PM 發表
擺埋你隊band d歌咁仲冇得頂 :icon101:
_:icon101: 原帖由 馬豬 於 2007-1-209:20 PM 發表
擺埋你隊band d歌咁仲冇得頂 :icon101:
咁你又幾時上組band呀~:icon101: 原帖由 Yoshiki 於 2007-1-209:23 PM 發表
_:icon101:
llnr 應該同組band時間有linkage ma:icon124: 閱。 :o 最憎D踩到人一文不值既文章
頁:
[1]
2