估波朋友小圈子吹水區 13 之 醫師怒「射」拿臣迎接歐國盃
開定先:icon101: :icon101:1 高路斯 - 今屆o係拜仁表現有所滑落，但由於分組形勢大好，入四強機會甚濃既情況下，大熱門都要買。2 基斯坦奴朗拿度 - 如我之前所講，葡萄牙每場都係一兩球貨仔，攻力疲弱之下要揹飛既C朗拿度要成為神射手機會不大。
3 費蘭度托利斯 - 西班牙主力射手之一，頭頂腳踢都上佳，點熱都唔可以錯過呢個球員。
4 東尼 - 德甲神射手，今屆表現搶得好緊要，亦都係意大利必然正選，必買！
5 韋拿 - 射術走位爆發力狀態都fit，唔買唔得。
6 雲尼斯達萊 - 荷蘭主力射手，把握力特強，o係荷蘭咁強大既攻力之下入球量應該會高，不過同組對手強，冷敲可選。
7 亨利 - 狀態沉對手強，加上不嬲國家隊都腳軟，唔要
8 馬里奧高美斯 - 新晉德國射手，能力同狀態都幾好，不過要同古蘭爾搶正選，冷敲可選。
9 普多斯基 - o係拜仁雪到硬哂，有得出既時候表現都係一般，狀態不足之下可以唔揀。
10 伊巴謙莫域 - 瑞典前鋒殺手，岩岩傷好狀態未明；同組對手實力均等，以佢個人能力要入波應該唔難，神射手機會唔大。
11 賓施馬 - 如無意外應該係今屆法國隊既正選前鋒，本年度法國最佳球員，但未打過大賽之下發揮成疑；同組對手實力強橫，成為神射手機會唔大。
12 波歷克 - 季尾強勢復甦既多亞王，國家隊必然正選+主力，後上攻力特強，出線形容樂觀，必選！
13 亨特拉爾 - 各強旅虎視眈眈既阿積士射手，頭頂腳踢都不俗，不過冇正選打之下都幾難做到神射手，可以不理。
14 古蘭爾 - 德國頭搥王之一，勤力有餘既佢今屆應該會同馬利奧高美斯爭另一個正選位，同組對手甚弱，但個人把握力所限，我覺得佢唔會係神射手。
15 巴路士 - 上屆爆大冷以81倍成為神射手，今屆捲土重來，自從離開左里昂就一直都冇乜波踢乜滯，狀態成疑之下難以再爆冷。
16 迪比亞路 - 應屆意甲後上神射手，詢眾要求之下入選大軍，問題係會否搶得一席正選位置，三箭頭之中東尼同迪拿達利已佔其二，剩番就得佢同卡斯辛奴，哥利亞列拿，波里路搶一個位，正選席位難以確認既情況下唔揀。
17 卡斯辛奴 - 上屆最矚目既新星今屆又再番黎，o係森多利亞既表現十分可人，但同樣o係不能保証正選之下，唔揀。
18 尹佩斯 - 荷蘭4-3-3之下擔任可左可右既前鋒，射術及個人突破能力不俗，不過今季傷得太耐，狀態成疑之下信唔過。
19 列貝利 - 拜仁攻擊泉源及應屆德甲最佳球員，法國隊之中主要突破者，但要佢入幾球成為神射手似乎唔多似樣。
20 梅度 - 羅馬尼亞主力射手，外圍賽表現不俗，但礙於同組對手實在太強，可以不理。
21 紐奴高美斯 - 零零年起朵既射手，到而家都仲有得入選，狀態同實力都大不如前，可以不理。
22 柏歷 - 多蒙特主力射手，克羅地亞國腳，由於達施華傷左所以佢要揹起入球重責；球隊出線形勢樂觀，有望成為爭射手一份子，扒冷可選。
23 軒歷拿臣 - 瑞典國寶，退完又再復出既射手，今屆應該都會係同艾文達爭正選位；球隊攻力不俗，機會不俗。
24 迪拿達利 - 鄧納東尼麾下既必然正選，O係東尼開路之下應該會有一番作為，球隊出線機會算高，入四強機會都頗大，佢好可能係黑馬之一。
25 安歷卡 - 最Ｘ街既球員之一，應該冇正選既情況之下做神射手機會不大。
26 真高拿 - 捷克長人，友誼賽表現上佳，不過近季開始走下坡，成為防守焦點之下機會不大。
27 尼赫治 - 土耳其射手，射術出眾，同組對手實力均等，個人認為最有可能在分組賽爆出既前鋒，想大包圍既一定要買埋。
28 雲達華治 - 荷蘭進攻命脈，不過要同史尼達分一個波用，以分組形勢黎講要出線都幾難，要成為神射手機會不大。
29 古爾沙 - 當紮西甲神射手，成隊馬略卡比佢一個人帶到上爭歐協席位，不過國家隊有韋拿同托利斯在陣之下就應該冇乜機會出，機會不大
30 阿歷山大費爾 - 瑞士主力射手，有主場之利，個人能力不俗，不過球隊實力平平，個人估計最多都係八強止步，所以可以唔買。
31 曉高艾美達 - 葡萄牙唯一一個可靠少少既射手，頭搥上佳，把握能力都可以，球隊出線機會大，係扒冷既好選擇。不過要考慮既係葡萄牙一向入球量都唔多，會成為暗湧之一。
32 奧歷 - 克羅地亞首席前鋒奧歷，由於達施華既受傷令到佢呢次大賽可以擔正成為前線頭號殺手，今屆o係漢堡踢到曉飛，再加上球隊出線機會上佳，扒冷要諗下。
33 大衛施華 - 近年西班牙冒起得好快既翼鋒，入球量一向不俗，不過要o係射手&入楔高手林立既西班牙做到入球最多果位就未必得喇，可以不理。
34 史奈達 - 荷蘭進攻中場，應該會係必然正選，但係狀態就真係麻麻，不過遠射好得人驚，分組面對法國同意大利既防守分分鐘就靠佢遠射破密集，不過要入到成為神射手，機會不大。
35 艾文達 - 態沉既圖盧茲射手，球隊出線機會一般，入球相信都唔會多，賽事不多情況之下機會不大。
36 基卡斯 - 上年德甲神射手，今年表現平平，o係希臘國家隊入波都唔多，賽事不多情況之下機會不大。
37 柏夫里約真高 - 俄羅斯首席前鋒，外圍賽入球量不俗，要同瑞典同希臘爭出線，同樣係賽事不多情況之下，機會不大。
38 洛賓 - 荷蘭左翼，季尾個態番左九成，如無意外佢應該要同雲佩斯爭正選，一向入球量唔多既佢成為神射手機會不大。
39 古積特 - 荷蘭右翼，入球量一向唔多，選得佢入去應該有正選，加上分組對手甚強，就算入到八強都入唔到咁多波，可以不理。
40 沙保沙 - 睇番分組形勢，其實對手唔算話太強，但都有一定既實力；以葡萄牙前鋒一向唔夠力黎講，中場就成為佢地既入波泉源。沙保沙(即係森馬奧啦)佢o係國家隊既正選位置其實都幾穩陣，面對住瑞士同土耳其應該會有D表現，入球黎講就真係都幾睇當然情況，個人覺得葡萄牙通常都係開細既貨仔，入波唔會多得去邊，而森馬奧本身亦都唔係多產既球員，所以極其量都係一兩球貨仔。
41 端基 - 分組黎講基本上都係爭次名出線之後比人淘汰果堆；個人黎講真係睇唔出佢有咩能力成為神射手，你話佢頭搥勁又唔係，射術精又唔及拍擋尼赫治，可以不理。
42 查列斯迪斯 - 上屆希臘冠軍主要功臣之一，老左四年既佢已經唔會o係國家隊場場打足，以佢既身高同能力要o係同組對手入波應該唔係問題，不過由於佢地陣中既入球能力分佈得好散，所以即使佢地能夠殺入八強都唔太睇好呢位２８歲前鋒。
43 卡蘭積卡 - 克羅地亞要出線應該唔難，克羅地亞既主要射手達施華因傷不能出席，入球重任應該會落o係多蒙特前鋒柏歷身上，遠射不俗既卡蘭積卡應該會拎到一至兩球，但一定唔會係神射手。
44 普格恩耶克 - 辛尼特拎歐協冠軍既主要功臣(艾沙雲呀)，係俄羅斯既主要keyman，但係分組賽佢入球不多加上頭兩場要停賽，要成為神射手應該係冇可能。
45 馬高史達拿 - 瑞士光頭佬前鋒，個人實力平平，而且唔算係射手果類，唯一暗湧係有主場之利，不過瑞士出唔出到線都成疑問。
46 施莫拿歷克 - 波蘭翼鋒施姆拉域，個人能力不俗，但礙於球隊整體實力不及同組對手，都係最多兩球貨仔；如果入到次圈，可以扒冷
。
47 舒切夫 - 俄羅斯奧雲，外圍賽表現平平，以出線機會平平黎講，入到次圈睇情況再買佢都未遲。
48 希斯寧基 - 荷蘭第五前鋒，有得出先算。
49 柯碧克 - 入選左咁多年大賽都未見過佢有好表現，今年既出場機會都唔會多得去邊，可以不理。
50 哈利艾天托普 - 土耳其中場，射術不俗，球隊只有一個尼赫治比較主力，入到次圈可以扒冷諗下佢。
首選：1 高路斯，3 費蘭度托利斯，4 東尼，5 韋拿，12 波歷克
次選：6 雲尼斯達萊，8 馬里奧高美斯，24 迪拿達利
扒冷：17 卡斯辛奴，22 柏歷，27 尼赫治
[ 本帖最後由 孫中謝拉特.奧雲 於 2008-6-111:08 AM 編輯 ] push to vincent:
SMITH 9: $220 原帖由 ThShevchenko 於 2008-5-3104:18 PM 發表 http://www.hkcmforum.com/images/common/back.gif
to vincent:
SMITH 9: $220
咁吸引:eek2:
而家英格蘭主場件衫香港係唔係賣好平:icon111: 個topic名明搞事姐:icon101: 你射乜春啊.醫師:icon101: :icon101: :icon101: 用唔到firefox, 一開就load死左係首頁:( 原帖由 garyi 於 2008-5-3105:18 PM 發表 http://hkcm.hkehost.net/images/common/back.gif
用唔到firefox, 一開就load死左係首頁:(
7 熱到晏覺都訓唔x到:icon092: 原帖由 ytosie 於 2008-5-3107:05 PM 發表 http://www.hkcmforum.com/images/common/back.gif
熱到晏覺都訓唔x到:icon092:
今日都熱? 原帖由 garyi 於 2008-5-3105:18 PM 發表 http://www.hkcmforum.com/images/common/back.gif
用唔到firefox, 一開就load死左係首頁:(
DEL左佢裝過囉..順便試下3.X囉..聽講好似好快:icon101: 南韓真係食x屎 ~!! 原帖由 giggs903 於 2008-5-3108:39 PM 發表 http://www.hkcmforum.com/images/common/back.gif
今日都熱?
有點焗既感覺
夜晚落完雨好好多:icon101: 頂...好彩有追post
唔係就唔明個topic既意思
孫中改得好:icon042: to 教宗：
幫你攪咗件艾達.....:onion1: 訓醒 原帖由 ThShevchenko 於 2008-6-101:50 AM 發表 http://hkcm.hkehost.net/images/common/back.gif
to 教宗：
幫你攪咗件艾達.....:onion1:
finished already?:onion41: 原帖由 Smithy 於 2008-6-108:13 AM 發表 http://hkcmforum.com/images/common/back.gif
finished already?:onion41:
the shirt is on hand, the printing is ordered.....:onion1: thomas我果d有未:icon065:
大家神射手有咩心水:icon090: 孫中好波