無聊小故----第九集
第九集終於都開波,我地班波o既位置全部都同返上次一樣,守門員仍然係劉健威,後衛鄺浩楠同劉志峰,中場係楊家樂同鄭梓傑,前鋒仍然係鄭先波........
"我打埋中場啦..."
企o係中圈o既我縮後左幾步...
至於對方,戴住黑色膠框眼鏡,著晒龍門波衫呢個就係伍家峰,廋廋地矮矮細細呢個就係呀銘,而企o係佢側面高過佢著住曼聯波衫呢個佢叫呀俊,係呀銘個細佬,再後d呢個高高大大,長頭髮就係呀堅,企佢隔離o既叫呀志,全場最矮而膚色勁黑呢個就係黑仔,而淨返最後呢個當然就係-----------------------黃永強
大致上好似下面咁:
劉健威 伍家峰
劉志峰 鄺浩楠 呀堅 呀志
楊家樂 VS 黃永強 呀銘
鄭梓傑 我 黑仔 呀俊
鄭先波
------------------------------------------------------------------------------------------------
我地先開波,首先O係後面搓定先,但人地無一個有意識去迫我地,只係降下降下咁,鄭梓傑O係右路推過半場,交左個波比中圈O既我,我無控到第一時間彈返後,呢一刻我承認我無信心,我無信心可以HOLD到個波扭上去,楊家樂接應,大腳放上前場禁區頂,鄭先波護住個波,但對住呀堅根本就連郁o既機會都無,呀堅個身好似石頭咁硬,而且佢身材高大,鄭先波決定轉身格硬去,呀堅襯佢轉身已經出腳將個波搶走,而且順勢手肘打落鄭先波塊臉度,鄭先波掩住塊臉,但呀堅無理到,推前一步地波比左中圈o既黑仔,黑仔第一時間彈比黃永強,即刻自己走位,黃永強彈返個斜線比黑仔,好靚o既一個one-two,黑仔推到左手邊邊線,對住劉志峰,揚兩下假身,但呃唔到劉志峰,黑仔唯有將個波交返後,呀銘衝前準備接應,鄺浩楠緊隨其後,但呀銘一溜,所有人都比佢呃到,突然黃永強殺到禁區頂對出少少右腳施射地波近柱,睇住入硬咁滯,楊家樂飛身一剷,個波彈落佢隻右腳到彈到勁高,可想而知個波射得有幾勁,最後彈左出底線.................
呀銘走左去開角球,右腳內彎近柱落,呀堅衝前,我成份埋去頂住佢,但佢身位實在太好,加上佢衝前,蝕底o既只有係我,我成份比佢撞開,好彩佢跳早左,只係"扇"到個波,個波落左遠住o個邊,劉志峰一頭頂出不遠,突然......
"砰!"
個波中門楣彈出,原來係黃永強o係禁區頂一次窩利,如果唔係我地有運,我諗我地已經輸緊兩球啦.....
之後優勢都係o係佢地o個邊,同上次保安道球場o個場一樣,比人壓住半場黎踢,但佢地似乎都未出真實力咁,只係係咁搓波,我,鄭梓傑,鄭先波係咁標波,希望可以偷到雞,就好似玩馬騮搶球咁,可惜都係唔成功......
"家峰,到你表演啦..."
黃永強笑左一笑,將個波交比守門員伍家峰....
我衝向龍門,但始終都係伍家峰執起個波先,我無奈咁行返後,伍家峰向著我開呢個生球.....
"砰!"
個波省落我個後腦到,我掩住個頭,覺得有d暈,其實佢都唔係第一次咁做,以前我o係度踢波都試過好多次....
"佢專登o架,佢專登o架....."
我好嬲,不停咁同自己講呢句說話....
(待續) 我衝向龍門,但始終都係伍家峰執起個波先,我無奈咁行返後,伍家峰向著我開呢個生球.....
"砰!"
個波省落我個後腦到,我掩住個頭,覺得有d暈,其實佢都唔係第一次咁做,以前我o係度踢波都試過好多次....
:icon062::icon062::icon062:
頁:
[1]