阿paul新專輯
http://www.beyondmusic.net/LexistPW.htm應該係27/7出 買左~
真係無咁行~
但幾好聽~
而且好多歌bass 都好重 get in kt...$72 $78~~>< $78~~><
我都買左 $78
nvm啦
係無咁rock，but d歌聽落好舒服，阿Paul作出好多新嘗試
同埋睇出佢好用心做好呢張唱片 我都買左 $78
nvm啦
係無咁rock，but d歌聽落好舒服，阿Paul作出好多新嘗試
同埋睇出佢好用心做好呢張唱片
ya....although the cover is not colourful...no goft..but this cd is really i wanna to find in hk...is heart...... 冇錢 :icon116: 有邊幾首歌特別值得聽? 有邊幾首歌特別值得聽?
成隻 :icon101:
如果講對社會o既
別輕視愛
天使
6000000
阿paul對結他o既感覺就
背起他
另外
我在存在
誰是幻象
比較講人性d野
最後一首
too many
整隻碟最行一首... 黃貫中解構新碟
大家一直期待o既黃貫中新碟《我在存在》終於推出﹗推出之前，MILK舉辦o左一個新碟試聽會，請樂迷同阿PAUL一齊率先欣賞新歌，同時即時將自己對新碟o既意見話俾阿PAUL知，同阿PAUL就音樂作交流，大家可以睇睇阿PAUL自己對歌唱o既介紹同埋究竟大家又點睇阿PAUL呢隻首次自資推出o既專集呢﹖
Paul親自介紹9歌
1<別輕視愛>
「護苗基金o既一套動畫搵o左我做插曲，呢隻歌係我第一次做o既動畫插曲。平時我錄歌係會根據DEMO重新錄一次，但呢隻歌好奇怪地連阿賢﹑遠仔(劉志遠)都彈唔番DEMOo個種感覺……其實都係有少少即興﹔於是呢首歌就咁KEEP留用DEMO來錄音。」
2<存在>
「今次監製遠仔用o左一o的好特別o既效果做出少少變奏，而我o地都玩得好開心；特別o既音樂配合埋歌詞將成隻歌曲o既意義推向更高屠次。」
3<背起他>
「最近我有一件好開心o既事，就係真正擁有一支完全屬於自己o既結他。我諗呢個係每個樂手o既心願，係無論你開幾多場演唱會都比唔上o既快樂。呢首歌就係我為一支結他而寫o既歌。所以歌詞亦都圍繞住結他﹑木頭，佢o地就彷如我o既左右手……歌曲編排方面，我係刻意追留o個種八十﹑甚至係七十年代o既感覺。」
4<天使>
「今次呢張大碟圍繞香港人o既主題特別多。呢首歌係我特別寫俾一班前線醫護人員，為o左SARS，一個o係舊年衝擊香港o既疫症而努力，佢o地十分之偉大。希望大家要留意歌詞，全部都係我真心說話。係我第一次唱到一個『愛』字而唔覺得骨痺。」
5<TOO MANY>
「係一隻張力比較大o既歌，呢隻歌有一個故事-有個來自外太空o既神的使者，o黎地球睇o下人有冇o野係唔足夠o既，發現原來人擁有o既野太多。又或者係睇番一o的第三世界o既人，佢o地唔夠食﹑唔夠水，乜都冇；相反香港人問題唔係唔夠，係擁有過多。」
6<誰是幻象>
「全隻碟唯一一隻情歌。係一o的比較PERSONALo既感受，我覺得唔需要多講。」
7<6000000>
「早o係一年前我o係某大頒獎禮上講o左一o的好似唔係好應該講o既野，o個時仲未到七· 一，但我已經深深感受到唔妥。不過我從來冇諗過七· 一會有五十萬人上街表態，一直以來我都覺得香港人好冷漠，但今次居然會咁齊心，令我對香港人o既睇法改觀o左。雖然有好多人同我講叫我唔好再o係音樂上搞呢o的咁敏感o既o野，但如果我o地對個世界再冇感覺，仲點可以再玩音樂﹖到今日我仲要特登將呢隻歌再玩好o的，有感覺，再融會貫通，先至有好o既音樂。」
8<我在存在>
「呢隻歌提供好多思考空間。可以單一個歌名已經諗酊好多o野，有o的人要證明俾自己睇我係存左o既，有o的又要證明俾自己睇我係唔存在o既，有o的人係要證明俾人o地睇自己存在抑或唔存在……加上編曲係好特別，要好多謝阿賢帶o黎o既新嘗試。」
9<季節>
「係講一個鄉下人，望到彼岸o個個五光十色o既大都會，希臘他朝有一日無論點都要過到去，到時就可以享盡榮華富貴。終於都去到呢個大都會，的確係好靚，但慢慢發覺並唔係想像中o既模樣，好多現實，好多無奈，亦失去o左自我。望番去彼岸，原來鄉下o個棵大樹先至係我心目中o既天堂，用國語歌詞，我覺得更加能表達到意思。」
樂迷意見公開﹗
寶祺︰「最鍾意<TOO MANY>，好得意又好特別，未聽過阿PAUL有呢類咁o既題材；另外就係<天使>，真係講出香港人o係果個好似o地獄咁o既時期，聽到有o的想喊。」
海豚︰「<存在>呢首歌o的音樂好正，聽緊好似去o左天國；同時亦好喜歡<天使>o既唱腔。」
BILL︰「最恆o既<TOO MANY>，似乎要講好多o野；同埋<攻使>o既“哭腔”都好特別，有o的似<自由人>。<我在存在>入面o既哲理仲要慢慢掌握。」
MICHAEL︰「最鍾意<TOO MANY>，<6000000>一聽o個時就諗起香港個情況，不過聽<我在存在>亦都係唔多明…<季節>令我諗起離鄉別井o個種好慘o既感覺。」
RONALD︰「我最鍾意曾經o係LIVE聽過o既<別輕視愛>，令我聯想到一個老師點樣用愛去教學生。<6000000>好能夠感受到你o的火，似乎o的人鬧極都鬧唔醒，要用到『可不可以』o黎點醒人。」
阿浩︰「<天使>令我印象深刻，PAUL向來好似冇乜歌係以琴為主，歌詞都好深刻；<6000000>呢個歌名係完全代表到香港人，好到。」
PATRICK︰「我比較鍾意<別輕視愛>同埋<存在>，因為呢兩首歌好有連貫性，係一個好好o既開場歌曲。<TOO MANY>o的BASS好得意，幻想到用o黎玩LIVE可以好瘋狂﹗」
YUKI︰「<天使>聽到我毛管棟…其實我覺得逆歌唔單止講醫務人員，仲表達o左愛o既訊息。<存在>我覺得甚至有少少西藏o既音樂，整體都好平衡，咩類型o既音樂都有o的。」
杜偉倫︰「我好鍾意<TOO MANY>，勾起我睇《PLAY IT LOYD》演唱會唱<HIGHWAY STAR>個情境，好正﹗聽<6000000>覺得好認同，音樂實在可以表達唔同層面o既o野。<季節>表達o個種父親為工作離開屋企業管理o既辛酸。」
偉︰「聽完成隻碟比較鍾意<背起他>﹑<季節>，我都試過離家出走，真係會好掛住屋企。而最深刻就係<6000000>，好多音樂元素隻合埋一齊，o係中段加入少少CLASSIC結他聲，幾特別。」
WINNIE︰「<天使>﹑<我在存在>﹑<季節>我都鍾意。<天使>歌詞好到位，其中一句『心中雖牽掛，卻沒法歸家』好有感覺；<我>o既音樂好好，而<季>係一首國語歌，都好特別。」
TOBY︰「<TOO MANY>開頸戾戚PAUL一貫風格，但中間又會有靜態，整體幾特別，係PAUL新類型o既歌曲。<天使>全首用鋼琴都係特別；同埋<季節>唱腔竟然有少少嗲，係放輕聲音唱。」
CANDY︰「我對<我在存在>有另一番諗法，依家o的青少年對自己o既存在意義係o的咩﹖好認同<6000000>，我覺得香港人係時間要企出o黎啦。成隻碟聽得好舒服，曲詞都較溫和，本來同PAUL把聲唔係好夾，但竟然又配合到。」
WANNA︰「聽到<季節>，都會諗起有時去旅行都好掛住屋企人，歌詞好有意思，真係好表達到o個o的人面對五光十色o既城市o個種心情。六好鍾意<6000000>，PAUL能夠用歌曲大大聲表達自己想講o既o野出o黎。」
達︰「好鍾意<季節>，因為以國語唱出更能把當中的感覺表達出來，如果用粵話反而可能不太好。另外<背起他>寫出結他的關係和自己的理想，真的不錯。<在存>很好，不過實在太短了。」(阿PAUL回應LIVE可能會玩長一點)
PERRY︰「成隻碟o既感覺比以前冇咁ROCK，不過有o的係靜態突然間有幾下嘈咁係幾得意。我鍾意<存在>，但感覺可以玩長少少。」
LING︰「成隻碟我都好鍾意，但有o的歌詞唔係好明。」
COPYform beyondmusic forum...form milk 少o左份rock味
變得平靜o左
d bass真係好出~ :icon101:
頁:
[1]