巴士情緣vol.13
一九九九年是我踏入大學門檻的第三年,在某一堂裡發現了一個樣子不俗的女同學.這一堂教授教得很沉悶,坐在我身旁的巴迪佬於是和我竊竊私語.“喂!果面個女仔都幾好喎!”巴迪佬說.
“我都覺.不過你而家有女朋友,斷估你都唔會對佢有興趣.”
“你認為我會係一個貪新忘舊既人嗎?話時話,你對佢有興趣嗎?”
“以佢既質素多數有仔架喇!溝黎都無謂.”
上天給了我機會,我在某個project內和她一組.而我沒有浪費這個機會,在第一次開會討論時我終於能夠和她聊天.
我帶點冷酷:“好高興能夠同你合作,請問點稱呼你呢?”
“人人都叫我Natalie,你呢?”
“叫我Henry得喇!”
“Henry,為左方便聯絡,你可唔可以俾你個手提號碼我?”
“好既.我手提號碼係94088317.”
“我手提號碼係92321886.”
為了做好project,全組人開會討論了十數次.就是這個原因,我和Natalie越來越熟絡,而我也不自覺地對她產生好感.
可是以我當時的能力,根本是”癩蝦蟆想吃天鵝肉”.所以我並不奢望甚麼,能夠和Natalie做朋友已經是很好了.
某日我和巴迪佬在學校圖書館內溫習.
“立哥,你同Natalie關係都唔錯喎!老實講,你係唔係想溝佢?”巴迪佬問我.
為了不想其他人知道我在想甚麼,我否認道:“邊有喎!冇咁既事!”
“人少少唔怕講喎!我應承你唔會同其他人講.”
“我……的確鍾意左佢,但係我同佢係冇可能……”
“唏!俾D信心自己啦!唔試又點知唔得呢?”
聽完巴迪佬這句說話,我決定嘗試追求Natalie.當年我每天乘坐五二九號線上學時差不多次次遇上Natalie,而她每次總是坐在巴士的左邊.平時喜歡坐在巴士右邊的我也開始偏向坐在巴士左邊,在巴士內我和Natalie有講有笑,而她還未察覺到我有意追求她.
可是有人妒忌我和Natalie這麼投契,而這個人就是和我同系的洪慶翔William.William在校內無人不識,皆因當年的歌唱比賽,他以五音不全的聲線和那惹人發笑的舞姿演繹Ricky Martin的She Bangs.那時台下的觀眾被他笑得合不攏嘴,就連有份做觀眾的我也不例外.當William唱完後,他說了一句:
”I already gave my best,I have no regrets at all.”
這句話一出,William在校內迅即走紅,成為校內第一笑匠.原來William也對Natalie有好感,有一堂小息的時候,他竟然厚顏無恥地當著全課室的人向Natalie說:
“Natalie,我愛你.”
Natalie愕然的說:”你傻左呀?”
“我真係好愛你,你接受我可以嗎?”
全課室的人無一不大笑起來.當時我和巴迪佬也在課室內,我倆對William的調戲行為看不過眼,忍不住喝罵William.
“接你老母呀!你係搞笑都唔好咁玩!”巴迪佬說.
“警告你以後唔好再騷擾Natalie,否則後果自負!”我帶點恐嚇的語氣說.
“多謝你地,頭先真係唔知點算……”Natalie向我和巴的佬說.
自此William視我為仇家.每當他看見我和Natalie有講有笑,他心裡的妒忌心便會湧現.而William竟然發現了我有追求Natalie的意欲,由於他對我恨之入骨,於是他便寫了一張匿名便條,趁小息時偷偷地放在Natalie的桌上.至於那張便條,內容是這樣的:
“Henry鍾意左你,你要小心.”
當Natalie看完便條,在課堂後找我問個究竟.
“Henry,你係唔係愛上左我?”
我立即否認:“冇咁既事!可能係有人玩野.”
這時Natalie想起便條的字跡和William的如出一轍,所以她說:”肯定又係William做既好事,佢真係無聊……”
幸好Natalie沒有發現我有意追求她,而我和她熟絡了半年後正式向她提出單對單的約會,可是Natalie拒絕了我.但是我沒有氣餒,我每星期均會嘗試約會Natalie,可惜沒有一次成功,她每次總會以不同的藉口拒絕我.
第三個學年完結,我和Natalie還是停留在朋友的階段.在第四個學年,我和Natalie沒有甚麼重大的突破,自問意志堅定的我開始灰心了.
我看看家中的月曆,還有一個月期終試便會開始.某天早上,我到達學校如常走進課室,而課室內只有我和Natalie.
這時我決定豁出去,向Natalie表白.
“我有D野想同你講……”
“講啦!”
“我同你有冇機會發展呢?”
“你既意思係……拍拖?”
“係……”
“對唔住,我已經有男朋友.不過我地仲可以做朋友.”
“Sorry,就當我咩都冇講過……”
由此至終,Natalie並不是我期待的她,而我不相信她有男朋友.直至考完試後的第二天,我不得不向現實低頭.那時我獨個兒在銅鑼灣逛街,過了一會,我看見前面有一個熟悉的女性背影.
不出我所料,她的確是Natalie.她和一個和馬德鐘有七成相似的男子手拖手的逛街,而他倆還當眾親熱.那時我的心情跌至谷底,而我亦對Natalie完完全全地死心.
如今我和Natalie再度會面,隨著我拉一下車門手柄打開車門,Natalie登上我駕駛的巴士.
“Henry,好耐冇見.”Natalie笑著說.
“係啊!近來好嗎?”
“我而家係葵芳村果間社區中心度做,前日先開始返.”
這時我恨不得向Natalie示威:”介紹俾你識,呢個係我同居女友Miki.”
“你好,我叫Natalie.”Natalie向Miki伸手.
Miki和Natalie握手:”你好,我叫Miki.”
說罷,Natalie走上巴士的上層.當我駕駛的巴士駛到觀塘地鐵站,Natalie下了車.
晚上八時,我將巴士駛回車廠後回家.晚飯後,我和Miki一起看電視.
“果個Natalie係你以前既同學黎架?”Miki問我.
“係啊!我地都冇見好耐了!”
“佢都幾靚女喎!老實話我知,我同佢邊個靚女D?”
“當然係你啦!我女朋友幾時都係最靚既……哎呀!個膊頭又痛……”
Miki見我辛苦了一整天,導致肩膀肌肉酸痛,她即時替我按摩.想不到Miki按摩也有一手呢!我頓時覺得自己很幸福,而我相信當我倆結婚後Miki會是一個好妻子.
一星期後,巴迪佬突然致電給我.
“立哥,下星期日有個大學同學聚會,你得唔得閒黎?”
“得!集合時間同地點呢?”
“六點Sogo門口等,到時見.”
沒想到這次聚會是惡夢的開始.
待續 而她每次總是坐在巴士的左邊.平時喜歡坐在巴士右邊的我也開始偏向坐在巴士左邊
巴士司機坐右邊 , 所以你鐘意坐在巴士右邊 ??:confused::icon101::icon101: 你又揸38號架
我個fd個老豆又真係揸38號架喎 :icon029:
頁:
[1]