Sammi包機空降上海宣布千萬轉會
東亞娛樂打造大中華天后文： 音樂小組 26/05/2005
鄭秀文終落實以千萬天后價加盟東亞唱片！為隆重其事，加盟儀式將移師上海舉行，東亞更安排豪華私人包機接載這位大中華天后往上海！
天后鄭秀文（Sammi）將於下月十一日正式加盟東亞唱片，早前盛傳她因患重病而押後加盟事宜，其經理人郭啟華昨日在電話中澄清：「冇重病呢回事！東亞去年幫Sammi舉行演唱會，適逢Sammi同華納約滿，同時又要拍《長恨歌》，拍攝時間比預期長。」據了解，東亞是次以千萬酬勞打動Sammi，加盟儀式將移師上海舉行，適逢當地屆時舉行電影節，絕對是焦點所在！Sammi簽約東亞後，將致力發展大中華市場。
東亞娛樂老闆林建岳對Sammi加盟十分重視，為隆重其事，屆時將包下一架豪華私人飛機由香港出發，護送Sammi往上海出席記者會，據知該私人飛機每次航程需費近四十萬元！
歌影雙線發展
郭啟華承認Sammi加盟東亞唱片：「依家忙緊籌備上海場地，Sammi工作準則係以質取勝，以後推出唱片唔會好似以前咁密。」至於Sammi是否力電影發展，郭啟華說：「唔會，佢會歌、影一齊兼顧，好似王菲、張學友同劉德華咁，一年出一張唱片！另外，Sammi亦會一年拍兩部電影。（憑咩打動Sammi加盟？）以營運娛樂事業心態轉變去出發，並唔係單一化，係睇晒演唱會、唱片同電影大定位企劃！Sammi係全方位藝人，東亞會以全方位角度去經營Sammi。」
加盟東亞後，鄭秀文將會減少出碟，重質不重量。
東亞盛世:icon023:
建議使用微軟Internet Explorer 5.5 或以上版本及瀏覽解象度為 800 x 600
版權所有 © 2005 Orisun.com (HK) Ltd. All rights reserved.
頁:
[1]