我真係唔知佢諗緊什麼
上年 9 月，我回到 4 年前我做過的公司，去左一個新的 department，佢就係我的其中一位同事，叫阿詩。我們其實 4 年前已經見過面，不過大家印象唔深。本來我自己就冇咩野野0既，做野都相安無事的，不過一路咁做，我自己就有 d 問題啦，我覺得自己開始緊張佢，佢比我上司為難要處理一 d 佢處理唔到的事情時，我會義不容辭咁幫佢搞掂(幸運地我每次都搞得掂)，我發覺自己係開始喜歡上佢，唔想佢受到傷害，起初佢都頗抗拒我咁樣幫佢，佢應該知道我係鍾意佢，而佢亦都有意無意之間比我知道佢有男朋友，當時我真係好頹，覺得唔知點好，其他朋友勸我唔好咁樣等，冇前途。(這時候我同我女朋友出現左問題，大家拉拉扯扯左幾個月，我自己都處理唔到)。我自己曾經下定決心要對佢死心，就係咁過左半年，期間發生左唔小事令我同佢的關係好似好親密，大家會互相照顧。今年 7 月，佢放完長假返來，我發覺情況有 d 變化，首先佢好有趣，如果我唔帶飯 lunch，佢一係就同我一齊 lunch，一係就大家一齊去四飯盒；如果我帶飯 lunch，佢就一係一早買定三文治，一係就帶埋飯，總之唔會自己一個人式者同其他人出去食，試過佢的朋友冇帶飯，想叫我同佢一齊出去食，我帶左飯，佢就同佢朋友講我帶左飯，佢都買左三文治食，唔去啦，總之我們好似孖公仔咁。而佢對我亦開始無所不談，包括埋佢同男朋友的關係，有晚做到好夜，佢男朋友不停催促佢去吃飯，我叫佢走先佢就死都唔肯，係要等我做完叫走佢先走，仲同我講佢男朋友成日埋怨佢工作夜，唔體諒佢做咁夜，我當時都唔知點好，只懂陪笑，心裡想著如果係我就唔會咁啦，我一定會去等佢收工，陪佢 dinner，唔會埋怨，當時一路諗自己都好想笑，覺得自己好傻。我有時都幾想下定決心去忘記佢，唔諗佢，但每次當我咁諗，就硬係發生一 d 事令我要去面對佢同處理，搞到我自己都唔知點做好。
昨日，佢同我講佢決定今日自己去處理一 d 事情， 我諗左半日，究竟我好唔好陪佢去好呢？結果臨收工之前，我問左佢明天係咪一個人去，佢話係，我就問佢駛唔駛我同妳一齊去搞呀，有多個人去好 d 喎，佢只係問我你明天係咪得閒先，我話我自己都有野要出去搞，都方便，佢就應允比我陪佢去搞，之後就再同我講我夠佢處理左那些事情之後，就陪我去處理我的事情。於是今日上午就係咁樣渡過啦。
有時我真係好想知佢諗緊乜，本來一星期前佢已經同我講要做今日去做的野，我都話過陪佢去搞，不過佢話佢男朋友有野要佢幫手搞，佢同佢男朋友講唔得閒約左人時，佢男朋友追問佢同邊個時佢完佳唔知點講好，因為佢 d 朋友佢男朋友都識，結果佢決定唔去做那件事幫佢男朋友處理事情，直到今天先成事。
我自己就真係有 d 迷茫，究竟應該點處理同佢的關係，不過我更想知係佢而家個心諗緊乜，究竟我同佢的關係係咩野？我自己就真係唔知啦。 有女朋友就唔好心多~人地有男朋友就更加啦~現階段你兩個唔會係D乜野~只係朋友~~而已:o Originally posted by 孫中謝拉特.奧雲 at 2005-7-23 10:52 PM:
有女朋友就唔好心多~人地有男朋友就更加啦~現階段你兩個唔會係D乜野~只係朋友~~而已:o
睇我簽名就知我係咪心多啦。 Originally posted by Chris_Webber at 2005-7-23 23:03:
睇我簽名就知我係咪心多啦。
總之諗都唔好去諗:o 你同你女朋友分左手未呀 Originally posted by AirKID at 2005-7-23 11:31 PM:
你同你女朋友分左手未呀
冷戰中 Originally posted by Chris_Webber at 2005-7-23 23:43:
冷戰中
個人意見：先安內，後攘外 Originally posted by 沉睡的藍 at 2005-7-23 23:46:
個人意見：先安內，後攘外
:icon075::icon075:要追都要先搞掂自己果筆先 唔好理果個女仔住...
你對佢死左心就更加唔好理佢...
始終自己個gf重要d...:) Originally posted by 孫中謝拉特.奧雲 at 2005-7-23 11:17 PM:
總之諗都唔好去諗:o
日日咁對真係好似人生交叉點咁！:(:( Originally posted by 沉睡的藍 at 2005-7-23 11:46 PM:
個人意見：先安內，後攘外
Originally posted by 源．京一 at 2005-7-24 12:52 AM:
:icon075::icon075:要追都要先搞掂自己果筆先
Originally posted by 海神航 at 2005-7-24 02:51 AM:
唔好理果個女仔住...
你對佢死左心就更加唔好理佢...
始終自己個gf重要d...:)
已經知道左答案啦，開始步入冷靜期。 Originally posted by Chris_Webber at 24-7-2005 10:39 AM:
已經知道左答案啦，開始步入冷靜期。
識得冷靜就最好啦．不過．記住．
係你落任何一個決定之前．
都記住諗得清清楚楚．
如果唔係一定會後悔．
:icon017::icon017: Originally posted by Chris_Webber at 2005-7-24 10:39 AM:
已經知道左答案啦，開始步入冷靜期。
但佢一直搵你,點冷靜? 一關心我 已經 等於再殺死我 又係個句:
"係女仔都鍾意比人鍚,有人關心.
重會用好多方法去secure人地ge關心...
問題係佢想你用d咩程度同用咩身份關心佢je.." Originally posted by HackerWong at 2005-7-24 22:46:
又係個句:
"係女仔都鍾意比人鍚,有人關心.
重會用好多方法去secure人地ge關心...
問題係佢想你用d咩程度同用咩身份關心佢je.."
做仔既如果去得太盡，就好易佔下風lu... Originally posted by HackerWong at 24-7-2005 10:46 PM:
又係個句:
"係女仔都鍾意比人鍚,有人關心.
重會用好多方法去secure人地ge關心...
問題係佢想你用d咩程度同用咩身份關心佢je.."
都係架．．．．:icon075::icon075:
頁:
[1]