日本對北韓賽後小結
1. 日本隊o既後防出現o左好嚴重o既問題,宮本恒靖o係中間,中澤佑二打左邊中堅,問題出晒o黎,中澤係o個o的正宗中堅o黎o既,擺佢o係一個咁孤立o既邊線位(因為三都主係唔會番o黎o既),會令佢受好大壓力,而北韓o係好早(當中澤帶波出界之後)已經係咁o係日本o既左路突破,個人感覺中澤係個好好o既中堅,但係佢o既位置流動性好低,警覺性亦低(有乜理由o個球會夾硬扭腰解先得o架,梗係清出去底線外嘛),宮本恒靖打中間中堅位亦受制於機動打法,發揮唔到o的咩出o黎,反而田中誠就中規中舉.好心薛高就快快定實常任三/四個中堅啦,(由左至右)松田,中澤,宮本先係王道!!!!!2. 中場遠藤保仁都算做到防中o既工作,既攻既守尚有分寸,但福西就真係隱o左形,真係大家唔講我都唔知佢踢o左90分鐘!小笠原其實都唔係好沉,但係佢冇o個種帶起攻勢o既能力,同本山一樣都只係右中場o既材料,要做playmaker真係爭一截(本山o既playemaker潛質仲強過小笠原,小笠原想學中田做後上遠射,但唔太成功),再係咁落去國內冇晒可替代中田/中村o既人物,好唔穩陣!
3. 兩隻翼......加地亮可能太過突出,又或者係冒起得太過快,北韓次次都搵兩三個人招呼佢,乜都發揮唔到,不過o係咁o既情況都出到幾個過得去o既斬中,好過冇貨賣.至於三都主,唔該永久禁止佢代表日本國家隊,都唔知點解對住兩個好氣好力o既北韓球員,明知一定過唔到都要扭一腳,同我去食屎!
4. 兩個前鋒,其實唔算太差,我睇到玉田係有o的進步o既,護波o既決心大o左,就算pk都要護住個波,不過今場都好難有o的咩貨賣,大黑都一樣,因為中場都畀唔到波前鋒,兩條友一樣都唔會有貨賣.
5. 北韓好明顯用緊901戰術,入完一球就同你玩機動,到上半尾段就901,戰術成功得好緊要,日本成場都老鼠拉龜,下半場一開始就注定輸. 擺三都主打晒成條左邊好有問題... Originally posted by Liverman at 2005-8-2 12:47 PM:
擺三都主打晒成條左邊好有問題...
之前打左閘又唔得,宜家打左翼又唔得...:icon110: Originally posted by 講野無point的人 at 2-8-2005 03:04 PM:
之前打左閘又唔得,宜家打左翼又唔得...:icon110:
三都主好明顯水準下滑...
頁:
[1]