--------------------------------------------------------------------------------
(成報)自從波士文條例出現之後，球員地位當堂大大提高，不過有d球員行為的確係好令人氣憤，里昂中場艾辛，為逼球會賣佢去車路士，竟然用罷踢要脅里昂，有讀者話里昂千萬唔好屈服放人，艾辛真係咁想去車仔，就罷踢到合約完先至好走，實行「寧為玉碎、不作瓦全」！
筆者一向對球員轉會都存在開放態度，好似之前費高由巴塞隆拿去皇家馬德里、蘇甘保由熱刺加盟阿仙奴，覺得佢地都係在自己可以選擇範圍之內行動，蘇甘保更加係完成晒合約之後先自由轉會，因此唔存在「背叛」成分，反而最近艾辛、尼爾美、洛賓奴罷踢罷操，上季艾馬遜扮抑鬱症等等威脅球會賣走自己行為，就真係令人非常反感。
就用番艾辛做例子，里昂唔希望佢離隊，不過亦都話如果車路士肯用3200萬英鎊加一個球員交換，佢地都會答應放人，依家車路士唔肯俾，艾辛用罷踢威脅里昂將佢「平賣」，筆者認為絕對係唔可以接受。但係現實始終都係現實，球員通常都係最後贏家，球會為唔想人財兩失，就算唔願意都要賣人套現，筆者認為里昂可以留人機會唔大，不過就算最終俾艾辛轉到會，佢永遠都唔會成為一個受人尊重球員！ 唔講其他..不過就真係覺得里昂太狼死囉:icon101:
頁:
1
[2]