李克勤獲派定心丸一哥不變
李克勤獲派定心丸一哥不變30/08/2005
李克勤國語碟《愛可以問誰》推出已兩星期有多，但宣傳卻少之又少。據知，因為前環球高級副總裁朱國禎離職，一朝天子一朝臣，加上唱片市道不景要縮皮，直接影響克勤的新碟宣傳，令其一哥地位動搖，引起克勤不滿。前晚在《太陽計劃閉幕音樂會》上，克勤扮「國王的花」，演出後更匆匆離場，不接受訪問，令人懷疑他出言寸環球。
記者向其經理人公司人員Ronny求證，他說：「克勤一早離場，因為佢係曼聯迷，趕住返屋企睇波。『國王的花』唔係寸唱片公司，只係搞氣氛，環球人事變動唔會對克勤有影響。」至於環球高層葉先生則說：「克勤最近因為要返內地做國語碟宣傳，先會少香港曝光，佢下一張碟製作費有成七位數字，係史無前例重本投資，一哥地位從來冇變。」
頁:
[1]