鄭嘉穎黃宗澤送色魔
鄭嘉穎黃宗澤送色魔周麗淇南丫島跳水預祝生日
文： 專題小組 30/08/2005
今日牛一的周麗淇，昨日一早便與鄭嘉穎和黃宗澤拍跳水戲，兩個大男孩明「恰」她不懂泳術，還異口同聲說要送一個南丫島色魔給壽星女做生日禮物。
鄭嘉穎、黃宗澤（Bosco）昨日與周麗淇（Niki）為無新劇《天幕下的戀人》拍落水戲，劇情講述兩個男人為爭奪Niki，跳落水池鬥閉氣，之後再由Niki跳入水中勇救昏迷的Bosco。
未埋位時，嘉穎在池中玩按摩，Bosco在池邊歎早餐，不懂泳術的Niki被嚇得大叫起來：「快埋位啦！好驚呀！我唔識跳水！」結果當拍完跳水的鏡頭後，她開心得高舉勝利手勢，並得戚地說：「好彩水掂到地，都OK！」
事後Niki笑說：「正常係英雄救美，今次掉番轉，講我救人。不過佢兩個好衰囉！拍之前已經嚇我，嘉穎話識得人工呼吸，Bosco就話識心外壓，慌嚇我唔死。」
願望有工開
對於劇中同獲兩名靚仔垂青，Niki卻自嘲一番：「講真現實生活面我冇咁大吸引力，冇兩個男人去爭我囉！但係拍戲就滿足到。話時話，玩閉氣咁高危，咁犧牲我都唔想喎！」
至於今日生日的Niki，Bosco和嘉穎笑言會送一個南丫島色魔給她，Niki說：「佢咁衰，好彩媽咪同阿姨話入食海鮮順便探我。其實冇得慶祝都唔失望，有工開係好事，呢個都係我生日願望，反而冇諗是非，我同關心妍單新聞唔算是非，只係謠言。」
頁:
[1]