杜琪峰炮打雙帝
杜琪峰炮打雙帝【東方日報專訊】導演杜琪在圈中乃數一數二敢言之人，對不少圈中事都持有獨特見解，對於日前劉德華(新聞 - 網站 - 圖片)之一番豪情壯語，笑說要五大影帝合作拍戲「救市」，杜琪直斥華仔的想法幼稚兼黐線，根本沒可能成事，有欺騙觀眾之嫌，更戲謔：「得話，我切個頭落畀佢當坐！」
廣 告
杜琪昨日為電影《黑社會》宣傳，提到近日多位巨星之救市言論，如成龍直斥香港爛片多、劉德華願意成副身家出來，請成龍、梁朝偉(新聞 - 網站 - 圖片)、周星馳(新聞 - 網站 - 圖片)及周潤發(新聞 - 網站 - 圖片)數位影帝合作拍戲救市，杜琪均有自己的見解，他表示：「因為我好鍾意電影，所以覺得應該出講，呢只係我個人見解，無傷害任何人意思，我覺得劉德華唔好出講欺騙觀眾，講番說話時候，佢根本無想清楚先講，完全無深思熟慮過，好幼稚同黐線！」
踢爆華仔開戲必蝕
杜琪更踢爆華仔開親戲都蝕本，他續說：「你請人，人就要拍喇？咁不如講話請妮歌潔曼(新聞 - 網站 - 圖片)、湯告魯斯(新聞 - 網站 - 圖片)啦，五個影帝拍套戲，點拍先？要籌備幾耐？唔通拍五個版本，然後剪淨一個版本咩？仲有觀眾呢？五十蚊張飛可以睇晒五個影帝，下一次又點可以降級淨係睇一個呢?!佢幕前唔係太了解運作，（華仔係電影公司老闆喎！）佢開親邊部戲都蝕錢！」
至於成龍指摘影圈不團結，杜琪亦大唱反調：「邊有唔團結？個圈不知幾團結，有事個個都行出幫手，唔通叫十個導演一齊拍套戲先叫團結？個個都有自己主見，點拍呀？唔通成日走出食春茗，就叫做團結？我同徐克、林嶺東成日都有茶，同劉青雲(新聞 - 網站 - 圖片)兩年無合作，大家都有出食飯，呢個圈面，大家都各有各忙，我有成間公司要理，都無時間，仲出食春茗咩！」
香港電影人太貪心
對於成龍早前公開表示香港多爛片，杜琪亦絕不認同，他說：「叫佢唔好拍先講啦，佢平時都唔識講，又唔了解市場運作，呢係市場調節問題嘛！有老闆錢出拍，就自然有人去拍；有觀眾入場睇，老闆就會繼續錢出拍，係一個循環，如果一個觀眾都無話，老闆自然唔會錢出，個圈就死喇！話韓國電影發展得好，係因為人創作空間好大，香港電影人太貪心喇，成日諗住內地市場大，就走入去內地發展，結果好多題材好似黑社會、鬼呀，全部唔拍得，結果咪損手爛腳咁行番出，而家香港電影處於一個迷惘期，若果投資者諗清楚先投資，唔好諗太多市場，令創作空間大番，先可以走出呢個迷惘期，香港影圈至會有第二春。」
遷就大陸失去特色
此外，吳思遠昨日談到劉德華擬邀請幾位影帝合作拍片救市一事，他認為不是一部片就可以挽救香港電影，最擔憂便是港產片為了遷就大陸市場，已經失去了香港的特色，以《七劍》為例，香港只有七百萬票房，大陸竟然去到近億票房。
吳思遠透露，前日香港電影工作者總會召開緊急會議，希望政府盡快成立電影發展局，拯救即將玩完的香港電影事業。
http://hk.news.yahoo.com/051004/10/1hbqm.html Originally posted by TinTin at 2005-10-6 03:25:
....吳思遠透露，前日香港電影工作者總會召開緊急會議，希望政府盡快成立電影發展局，拯救即將玩完的香港電影事業。
成立左就有救:confused::icon049::icon091:
阿杜果然敢言:icon111: 講到而家..............個個都仲串緊成龍:icon101: 根本香港電影圈係冇得亡
唔係姓向的人又點洗黑錢？ 講得幾中
不過華仔可能講下姐..靠卡士救市根本不可行
杜sir不用太認真
至於成龍..簡直是廢話
電影是市場導向
人地唔睇你套電影應該自我檢討而唔是罵香港人
果然最會推卸責任的男人
:icon9: Originally posted by 李喂凸 at 2005-10-6 23:41:
講得幾中
不過華仔可能講下姐..靠卡士救市根本不可行
杜sir不用太認真
至於成龍..簡直是廢話
電影是市場導向
人地唔睇你套電影應該自我檢討而唔是罵香港人
果然最會推卸責任的男人
:icon9:
杜琪峰可能睇完阿嫂先至咁樣講:icon101:
話說回頭,一張飛平均都五十蚊,一家大細去睇都唔講得笑;宜家VCD/DVD愈來愈快出,又平,買返黎幾時睇都得,令唔少人唔去戲院睇戲
我倒欣賞劉華屢敗屢戰的態度,呢套童夢奇緣令佢搵番唔少成功感,呢d先至係真正的港產片:icon112: Originally posted by TinTin at 6-10-2005 03:25 AM:
杜琪更踢爆華仔開親戲都蝕本，他續說：「你請人，人就要拍喇？咁不如講話請妮歌潔曼(新聞 - 網站 - 圖片)、湯告魯斯(新聞 - 網站 - 圖片)啦，五個影帝拍套戲，點拍先？要籌備幾耐？唔通拍五個版本，然後剪淨一個版本咩？仲有觀眾呢？五十蚊張飛可以睇晒五個影帝，下一次又點可以降級淨係睇一個呢?!佢幕前唔係太了解運作，（華仔係電影公司老闆喎！）佢開親邊部戲都蝕錢！」
中哂pt~~
咁多(唔同類型既)影帝~~
點寫劇本呀~~
我唔想睇周潤發做笑片lor~~
亦唔想睇周星馳做慘情戲lor~~
跟本係個市場問題~~
而家除左hk仲邊有人會睇粵語片架~~
與其你而家咁樣不如面對現實把啦~~ Originally posted by 射手shooter at 2005-10-6 07:16 AM:
杜琪峰可能睇完阿嫂先至咁樣講:icon101:
我係杜琪峰既話,睇阿嫂會想打人
比佢有呢班人,至少都拍到部槍火出黎 :icon101: Originally posted by TinTin at 2005-10-7 05:52 AM:
我係杜琪峰既話,睇阿嫂會想打人
比佢有呢班人,至少都拍到部槍火出黎 :icon101:
杜SIR可能覺得黃精甫有潛質,撚得好,兼堅持淨撚鏡......:o 報紙最叻就係煽風
俾佢寫一寫個tone就唔同晒:icon101: Originally posted by jason4284 at 2005-10-7 03:29 AM:
中哂pt~~
咁多(唔同類型既)影帝~~
點寫劇本呀~~
我唔想睇周潤發做笑片lor~~
亦唔想睇周星馳做慘情戲lor~~
跟本係個市場問題~~
而家除左hk仲邊有人會睇粵語片架~~
與其你而家咁樣不如面對現實把啦~~
周潤發 80 年代做不少笑片:o 精裝追女仔:icon032:
唔好意思, 我認為以周星馳的演技, 我絕對希望佢做慘情戲:o Originally posted by FlyingDonkey at 2005-10-7 08:42 PM:
周潤發 80 年代做不少笑片:o 精裝追女仔:icon032:
唔好意思, 我認為以周星馳的演技, 我絕對希望佢做慘情戲:o
周星馳的演技一定有
只不過又係先入為主問題 , d人一見到佢個樣 , 就想佢攪笑 , 想佢無喱頭 Originally posted by FlyingDonkey at 2005-10-7 08:42 PM:
周潤發 80 年代做不少笑片:o 精裝追女仔:icon032:
係囉,我都覺得周潤發d片幾好笑wo:icon101: Originally posted by FlyingDonkey at 2005-10-7 08:42 PM:
周潤發 80 年代做不少笑片:o 精裝追女仔:icon032:
唔好意思, 我認為以周星馳的演技, 我絕對希望佢做慘情戲:o
江湖最後一個大佬-型:( Originally posted by FlyingDonkey at 7-10-2005 08:42 PM:
周潤發 80 年代做不少笑片:o 精裝追女仔:icon032:
唔好意思, 我認為以周星馳的演技, 我絕對希望佢做慘情戲:o
咁而家既周潤發同周星星會唔會再接哩d戲係一個問題~~
周星星~~而家所有既導演都買佢怕~~
頁:
[1]