想講下大賽後對各熱門隊感覺...
睇完晒,好多o野想講.先講巴西.整體o黎講,巴西發揮得唔係太好,所謂o既4大天王冇咩火花,個人亦屈唔到機,朗拿度屈唔到速度,阿祖屈唔到左腳,朗甸屈唔到扭波,打得最好只係被屈打防中o既 薜.羅拔圖.
彭利拿選人,排陣一路都冇驚喜,4-2-2-2.4人防線只有祖安算係新力軍,打出o黎都ok,合格.其餘兩位老閘睇在年齡份上,都勉強可以接受.兩防中,艾馬臣稱職,薜.羅拔圖出奇地好,守攻有序.卡卡水準演出,分波攻門,恰如其份,但唔知係唔係雙攻中太難打,影響球王o既發揮.而前線兩個箭頭都好似冇咩活力.
其實彭利拿都已經睇到問題所在,有心去作出改變,對法國隊將阿祖收起,用P.祖打中場,將朗甸推上去.咁o既改變,在我而言我覺得合情合理,希望籍此解放球王係好理想.可惜,理想唔等於現實,面對防守力強大o既法國,巴西再一次受制.
打完3場分組賽,我已經講,巴西死球防守好弱,估唔到,真係輸球死球俾法國,不過最估唔到,係巴西都會進攻無門.遇著法國,我只能講,唔好彩.
講開法國,就講法國先.世界盃開戰前,我自己曾經諗,法國係隻黑馬,因為佢有三個我最欣賞o既中場馬基列尼,韋拉,施丹,一個專守,一個攻守兼備,一個專攻.三位都可稱世界第一.
但係,當我知道冇選古利同皮利斯,又睇完對墨西哥熱身賽之後,我真係即刻打退堂鼓.睇完三場分組賽,我更加肯定,法國欠缺o左足球最基本元素-創造能力.施丹老化,馬路達,列比利等人未夠班...
點知,佢地又威俾我睇,隨住施丹打番起,成條中場打番生晒,不過攻擊力都係有限.一路打入決賽,都係靠死球,12碼.
個人發揮方面,真係好想鬧亨利,o係國家隊,佢再扮唔到大佬,因為先有佢阿仙奴"前大佬"韋拉,又有老馬有火o既大佬施丹,加埋後防大佬杜林.唔講其他,起碼都有三個人資歷地位在佢之上.大佬唔做,行行企企依舊,有個好有趣o既講法,大賽之前,施丹從未o係國家隊助攻俾亨利,有人覺得好不可思義.我就覺得一D都唔奇.
施丹作為中場o既偉大之處,就係佢可以掌握自己隊友o既走位,作出最致命o既傳送.而先訣條件係,你要"走位",即係基本上,只要你不停走位,絕對有可能接應施丹o既妙傳入波.按照呢個邏輯,對於施丹從未助攻俾亨利,我可以得出一個結論,冇錯!就係亨利唔肯走位!o係阿仙奴,佢扮大佬,爭晒波o黎踢,要自己做,都算,國家隊,都係唔走,有時就企o係越位位散步,我本人就真係睇見到火,我就唔知D教練點忍佢.
我絕對唔認同亨利係世界其中一個最強射手,唔係因為佢o既爛控球,唔係因為佢埋門一腳亂咁o黎,,而係佢本身踢波o既心態,意識.
唔經唔覺打o左都打o左大段,遲D再講意大利,德國,阿根廷,英格蘭,西班牙,葡萄牙,荷蘭. 巴西人太仲意各自為政，互不服氣，各個都以為自己球王 等你講意大利 我反而想有人破例入黎講holland............ 原帖由 AC米仔 於 2006-7-1212:31 AM 發表
我反而想有人破例入黎講holland............
.......................好難夠留意荷甲的人精闢... 我又唔覺死球防守係弱 只係輸左次唔集中... 原帖由 AC米仔 於 2006-7-1200:31 發表
我反而想有人破例入黎講holland............
吹水講左啦:D 原帖由 Fantasista 於 2006-7-1200:54 發表
吹水講左啦:D
世足既"普通"member又點知講荷籣不是在世足:sacchi: 遲d可唔可以講埋墨西哥 & 捷克 :icon021: (雖然唔係咩熱門...) 原帖由 Bilo 於 2006-7-1202:20 AM 發表
遲d可唔可以講埋墨西哥 & 捷克 :icon021: (雖然唔係咩熱門...)
曇花一現:( 原帖由 AC米仔 於 2006-7-1212:31 AM 發表
我反而想有人破例入黎講holland............
我唔覺得佢地打過一場好波(雖然好多其他球隊都係)
其實我想知條中場線係咪有更適合人選? 高古做過D乜? 史利達又負責做乜?
而史譚退隊後我不嬲唔睇好佢地條防線 巴西…真係輸唔集中
好似冇心踢咁…
法國…其實超額完成
中場好係key，不過我唔係好同意樓主講亨利
at least 係今個世界盃佢好左 原帖由 AC米仔 於 2006-7-1201:11 AM 發表
世足既"普通"member又點知講荷籣不是在世足:sacchi:
http://hkcm_forum.mysinablog.com/index.php?op=ViewArticle&articleId=200941
咁咪得:sacchi: 原帖由 FlyingDonkey 於 2006-7-1210:21 AM 發表
http://hkcm_forum.mysinablog.com/index.php?op=ViewArticle&articleId=200941
咁咪得:sacchi:
閱讀總數：169:sacchi::icon095::icon074: 跟住講下世界盃冠軍意大利.
最大功臣,納比.
從選人到排陣,基本上納比都冇令人失望.
選人冇咩驚喜,冇話要選D出人意表o既年青人但係又唔用,冇話要用一D名大於實o既老將,亦冇話一定要用咩契仔.
頭幾場波,踢得比想像中大膽,應該算係4-3-1-2.托迪,加拿甸奴,盧卡東尼合作攻堅.迪羅斯,派路同柏路達三中場.左閘哥素,右閘係烏龍金球王薩卡度,雙中堅同龍門係夢幻o既組合,大簡,尼斯達,保方.
後來,尼斯達傷出,迪羅斯被罰停賽,薩加度擺個大老烏,而佢亦發覺兩個箭頭唔係1+1=2,佢立刻改陣.
馬達拉斯替尼斯達,森保達替薩卡度,放多個中場甘莫蘭尼斯,重用派路o既球會拍擋加度素,收起加拿甸奴.
變成左右唔平衡o既4-4-2.感覺上仲好.
個人覺得,納比好識波,反應都幾快.
個人表現方面,派路同大簡打出水準,後者固守後防,前者派牌功力高強.雙閘有活力,冇咩留意薩卡度,但係森保達真係幾好.尼斯達唔好彩,造就o左風雲人物馬達拉斯.唔知係唔係佢個朵太臭,個個球證都有D針對佢,屈過佢一張紅,又屈過佢一球12碼,但係佢又衰唔晒,唔止一次成為入波功臣.各球員整體上發揮得唔錯,係尾場納比用伊亞昆達,叫佢o係邊線唔知攪乜,速度腳法佢又冇,波又唔識出.如果要o徒時間用多D迪比亞路好過.
意大利好多o野同巴西相反,巴西係進攻足球皇者,而意大利就係防守專家.巴西死球防守弱,意大利就死球攻力強大,派路係死球戰術重要棋子,無論傳同射都好有威脅.如果淨係問我,我會話佢先係整個世界盃打得最好o既中場.
好可惜,唔可以再一次睇到巴西對意大利o既決戰.
p.s. 值得一提係野人加度素一見球隊入波就衝埋納比度郁手郁腳,納比無奈個樣好攪笑. 原帖由 北倫敦之王 於 2006-7-1210:05 AM 發表
巴西…真係輸唔集中
好似冇心踢咁…
法國…其實超額完成
中場好係key，不過我唔係好同意樓主講亨利
at least 係今個世界盃佢好左
係好o左,我都覺,不過佢心態上好多o野改唔到. 原帖由 PENNYDIOR 於 2006-7-1217:22 發表
係好o左,我都覺,不過佢心態上好多o野改唔到.
的確係
希望之後做隊長可以train up 到佢la 原帖由 Fantasista 於 2006-7-1212:53 AM 發表
我又唔覺死球防守係弱 只係輸左次唔集中...
或者我應該咁講,唔係叫弱,而係佢地成班大佬mark 人o既意識好低,又mark 得唔緊. 原帖由 北倫敦之王 於 2006-7-1205:24 PM 發表
的確係
希望之後做隊長可以train up 到佢la
唉,o係阿仙奴佢係"王"呀,唔變本加勵已經算好. 原帖由 PENNYDIOR 於 2006-7-1205:22 PM 發表
係好o左,我都覺,不過佢心態上好多o野改唔到.
佢一向都係咁踢法
可能佢有苦衷:icon101:
頁:
[1]
2