小齊險成AK47下亡魂

Z_Ho

遊埃及驚人動魄
小齊險成AK47下亡魂




28/02/2007
文： 專案組





孫燕姿發生埃及驚魂，令藝人擔心出埠遭勒索成風！任賢齊（小齊）曾試過在埃及拍節目時，險命喪手持AK 47的劫匪槍下，令人震驚！
孫燕姿在埃及出事，令藝人擔心之餘，亦敲響警號，出埠工作要加倍小心，以免成為不法之徒目標。身在北京的小齊緊張地說：「燕姿好瘦削，弱質纖纖，令人擔心，好彩佢冇事！」小齊有感藝人乃公眾人物，易引人注目：「人身安全最重要，錢財都係身外物。」

原來小齊亦曾試過在埃及遇險，險成槍下亡魂：「幾年前我去埃及拍旅遊節目，出發時都知當地治安欠佳！記得我成隊人去到一個叫皇后宮地方拍攝，拍完冇耐一離開，就聽聞有劫匪手持AK 47打劫，搞到60幾人死傷，聽到都驚！好在一早安排當地警方全程保護我，先逃過一劫！」此後小齊每次出埠都請保鏢，以保人身安全。

松松遇恐怖襲擊
至於陳松伶亦曾在埃及遇恐怖襲擊警告，令她十分難忘：「十幾年前去埃及參觀博物館時，收到警方發出恐怖襲擊警告，話恐怖組織放置炸彈襲擊博物館，搞到大家好驚，我反而好鎮定，諗到生死有命，仲好開心咁同駐守士兵合照添！」幸最後未有發生事故。而曾在埃及拍節目的馮德倫，則不覺當地治安有問題。