今集係咪特別多bugs?

muchampion

係度成日見有人話個game有問題(bugs), 近日我又發現一個, 唔知算唔算.

我玩熱刺+曼聯, 前者踢歐協, 後者歐聯, 第一次開game, 無問題, 踢左一季, 想由頭玩過, 再開新game, 就出現以下情況:

通常個game有意無意間安排全季英超程都會出現兩隊波同一日作賽, 明明會有週末週日, 甚至週一賽程, 但無論我玩邊兩隊, 甚至三隊, 成季都可以編到係同一日比賽.

都無問題, 照踢者, 不過再開新game就搞野, 明明連calender都寫住歐聯逢週二,三踢, 歐協逢週四踢, 但唔知點解到賽程出時, 歐協同歐聯竟然係埋同一日週三踢, 就算歐聯週二有賽程, 我隊曼聯都一定編左係週三, 撞埋熱刺一齊.

當然照踢者, 不過有時只想一次踢一場, 家陣就一定要連續踢兩場, 無咁過癮者.

阿靚

一次用兩隊球會...仲要同級
唔會好亂咩?

muchampion

原帖由 阿靚 於 2008-2-20  12:48 PM 發表
一次用兩隊球會...仲要同級
唔會好亂咩?

一隊以巨型班, 另一隊以中型班姿態玩, 可以同時用唔同級別的球員, 另有趣味架.

尤其係兩隊對疊時, 一邊玩死守, 一邊玩全攻型, 又或排到兩隊勢均力敵黎互相駁火, 都幾好玩.

但就係次次都要同一日比賽就無咁過癮囉