原帖由 ~~冬之子~~ 於 2006-2-421:54 發表
好事一定多磨
我唔信今次咁順利:icon101:
暗病:icon101:
實掂既:icon101:
如果次次都留個咁ga尾,真係唔睇唔得:icon101:
原帖由 灰袍聖徒 於 2006-2-500:11 發表
如果次次都留個咁ga尾,真係唔睇唔得:icon101:
而家已經keep住追:icon101:
2005年8月8日
"喂，冇見你一日點解好似殘左咁多既？" 問我的是助手哥連。
"呃！冇乜野！" 唉尋日同比琳達"激戰"了接近一個小時，唔殘就有鬼到而家都仲好回味尋晚既經歷，雖然我的處男身被破了，不過感覺好正！尤其比琳達的裸體，真是百看不厭。
"尋日Havant and W既領隊拜拿特(Ian Baird)搵過你，佢應該想收購我地球員。我約左佢今日黎，喂喂，你有冇聽架？" 還在沉醉於昨晚的我已對其它東西沒有興趣了。
"呀係係...我有聽架。"
哥連皺眉頭，然後歎一口氣，似乎對我冇哂辦法。"我將d文件擺係度，你自已睇啦！"
過左兩個鐘，Havant and W領隊拜拿特到了。
"拜拿特先生歡迎你黎。唔知有咩事呢？"
"係咁既！我地球隊欠缺一個後衛，所以希招攬一名年青的中堅。我覺得你們隊韋特非常適合，所以我想提出購，我開出£4,000。請問你意下如何呢？"
韋特，其實佢能力只係一般，而我地中堅數量都算足夠，不過其實佢都算係唔錯既替補。所以我比較希望留住佢。
"多謝拜拿特先生對我地球員有興趣，不過講真我唔多想賣走佢住。"
"我睇過你個班底，我發覺已經有唔少中堅................"
"係！不過我仍然覺得佢係我既計劃中。而且球季流流長多一個人用都唔錯。唔好意思，暫時我實在唔想失去任何球員。"
拜拿特似乎唔多高興，而且心有不甘。不過都勉強擠出一個笑容。"咁好啦！既然呢個係你既決定，我會尊重。唔好意見浪費你咁多時間，再見。"
拜拿特走了，我歎一口氣，以為事情會完結。誰知約黃昏時，我地收到佢地球會正式開出£10,000的開價。
"唔係掛！£10,000！" 呢個數目實在太吸引了，而且我相信呢筆錢可以搵到更多比韋特更好既球員。問題在於我地只係非聯賽球員就算有錢都未必吸引到好球員加盟。我決定先考慮一日，再做決定。
夜晚係門口遇到比琳達，佢請我食晚飯。呵呵，美女邀約，我點可以拒絕。
入到去，我見到佢行路好慢，好似隻腳傷左咁。
"你隻腳係咪傷左？"
"唔係。"
"咁你點解................."我仲未問完，佢已經搶先一步講。
"都係你害啦，尋日咁大力，搞到我好痛！" 係喎，我都忘記左tim，呵呵呵呵呵....(天音：唔好得意忘影呀你)
"真係可憐，俾我睇下你個傷口好唔好？"
"你去死啦！"
"搞錯呀我都只係為你好。" 我扮出個無辜的樣子。佢笑到收唔到聲。
哈哈！有個女朋友真好！
2005年8月9日
今日返到辦公室，見到哥連心急既樣，我立即上前問個究竟。佢俾左今日分鏡報(Daily Mirror)俾我。"你自已睇下就知咩事。"
原帖由 Daily Mirror 於 2005-8-96:30AM 發表
Havant And W confirm White bid
Havant and W manager Ian Baird has confirmed they had make a bid to sign Maidenhead defender Dominic White.
The fee, thought to be around £10,000, was tabled to the Magpies official yesterday and Ian Baird said they hope they can reach the agreement with the Conference South's outfit.
攪錯呀！佢竟然公開左件事，分明想用傳媒壓力je！拜拿特你好野！:icon083:
此時突然而有人拍門，係韋特同佢經理人，佢話想同我傾d野。我都知佢想傾咩啦！
"做咩事？" 果然佢經理人擰左一份鏡報出黎，指住果篇報導問我"呢篇報導係咪真架？"
"係真的。" 我冇辦法唔講了。
"點.....點解唔同我講呀，領隊？" 韋特雖然問得好小心，但睇得出語氣中帶有怪責和憤怒。
"係因為我地尋日黃昏先收到開價，我地又未決定好，所以領隊先冇同你講。" 哥連幫我解圍，不從韋特同佢經理人面容就知，佢地唔多相信。
"咁韋特你覺得點，你想唔想去？先講明我非常希留你留隊。"我特別將"非常希望"四字語氣加強，希望佢能夠明白我既心意。不過似乎冇乜用。
"領隊我希望你能夠先俾機會我同佢地傾。"
"唔好意思係未同意價錢之前你唔可以同任何球會傾。" 我一定要俾球員知道冇一個球員大得過球會。
"係咁冇辦法了，領隊！我決定要離開！"頭先果句說話可能激怒了韋特了。
唉冇辦法啦。"咁好啦，不過講明要有球會滿足我地要求我地先會放你！"
"Havant and W出左幾多錢？" 他的經理人突然問道。
"£10,000"
"咁仲唔夠？一間conference South球會可以收到咁多錢你都可以話唔得！你分明唔想俾佢走！"
"球員的價值是由我們決定！不是你！"場面陷入一個疆局。
"算啦！我地走！"韋特同佢經理人怒氣地離開了辦公室。
"點算呀領隊？"
我冇回答到佢，只係歎一聲。
突然收到電話，係主席盧靴利，佢話要開臨時會議，要我同哥連出席。我諗大多數都係講韋特呢件事。
其實都係第一次去開會，有d緊張。去到會議室，有幾個新面孔。主席指左個位俾我坐。
"好！今次臨時會議主要係商量韋特的轉會問題。先講講，岩岩我地收到佢本人要求轉會的信。丹尼爾，你拎去睇。" 講野既係球會既President派利臣先生(Jim Parsons)。我接過封信，跟住佢繼續講，"而且佢仲將呢件事告知了傳媒，我地應該點做好？"
係我隔離既副主席侯西開左部電腦，俾左BBC篇報導我睇。
原帖由 BBC 於 2005-8-93:20 PM 發表
White hand in transfer request
Dominic White agent has confirmed that his client has handed in transfer request in order to push his move to Havant and W.
The 23-year-old is not a regular part in the friendly match and BBC Sport understands he has a major bust up between him and his manager, Daniel Sanz, in the dressing room.
唉，又用傳媒壓力，呢個世界真係....................
"丹尼爾，你係球隊領隊，可唔可以講下你對呢個球員既評價？"
"杜文歷雖然能力一般，不過勤力，而且性格樂觀，我覺得佢都算係唔錯既球員。雖然佢唔會係球隊正選，不過我會比較想留住佢。"
"佢操練既時候好勤力架！唔少球員都讚佢既工作效率。" 哥連附和我。
"咁我地而家應唔應該接受Havant and W既開價呢？"
其中一個Committee member格芬(Peter Griffin)："我覺得應該賣，£10,000呢個價錢好難得，我地唔可以浪費呢個機會。"
另一個Committee member杜加(Will Tucker)："係囉！反正我地已經有五個中堅。"
的確，其實只要果位拜拿特唔好搞咁多事，我可能已經同意左放人。不過而家我唔多想咁快放住。
"不過佢而家分明玩傳媒壓力，如果我地咁易放人俾佢，會俾人覺得我地好易俾呢d野影響到，日後可能會變本加厲。" 哇！講出了我的心聲，說話的是總監查特拿。
另一位Committee member主席個細佬史堤芬盧靴利(Stephen Loughrey)："冇錯，而且我地而家財政非常好，唔需要金錢。" 。
派利臣沉思左一陣 "唔...咁我地應該點做？".........
to be continued.......
[ 本帖最後由 JohnTerry 於 2006-2-503:16 AM 編輯 ]
好多謝大家支持
希望各位有睇既都留個言支持我
你地既支持對我好重要。:icon112:
仲有情慾鏡頭我會加d落我呢篇文度既
不過希望大家唔好only focus係呢d野度
始終重點係講足球嘛。
Support support, but don't suddenly lose your interest and stop
加油~~
原帖由 JohnTerry 於 2006-2-502:23 發表
好多謝大家支持
希望各位有睇既都留個言支持我
你地既支持對我好重要。:icon112:
仲有情慾鏡頭我會加d落我呢篇文度既
不過希望大家唔好only focus係呢d野度
始終重點係講足球嘛。
仲以為你會post相:icon101:
原帖由 hehe0114 於 2006-2-503:53 AM 發表
仲以為你會post相:icon101:
你提供lor:icon101:
原帖由 JohnTerry 於 2006-2-502:23 AM 發表
好多謝大家支持
希望各位有睇既都留個言支持我
你地既支持對我好重要。:icon112:
仲有情慾鏡頭我會加d落我呢篇文度既
不過希望大家唔好only focus係呢d野度
始終重點係講足球嘛。
冇鏡頭架,得情節only:icon101::o
遲早變甜故:icon101:
好好睇
繼都靈黑與白後
另一個我會追ge故仔
2005年8月10日
原帖由 Maidenhead official website 於 2005-8-198:50 PM 發表
PRESS STATEMENT ABOUT DOMINIC WHITE SITUATION
Contrary to the media report regarding a transfer bid made by Havant and W and the transfer request made by Dominic White. Our club can confirm that we have received a bid but the offer is rejected.
We can also confirm the transfer request has turned down by the club.
個會議開左接近兩個鐘，結果係尋日接近九點決定公開我地決定。我對呢個決定非常滿意，我諗我都要多謝查特拿一直堅持住呢個意見，因為有唔少人希望即賣的。不過最後都決定拒絕，我地絕對唔可以就咁認輸。
今日韋特冇返到黎操練，我決定罰佢一星期周薪。佢始終仲係我地合約球員，佢應該理行我地合約！同埋都俾其它球員知道：冇一個球員大得過球會。今日係球場見到球員特別落力，我都好安慰。三日後聯賽就正式開！我地唔可以俾呢d事影響到！
下午，收到Chelmsford City領隊鍾斯(Paul Jones)既電話。
"請問有咩事呢？"
"咁既！我希望收購你地球隊既泰亞，我想問問你想幾多錢先肯放？"
泰亞基本上已經冇可能係度會有前途。"£3,000！"
"太貴了....................."
"£2,000啦咁！" 即刻降價，一開始係佢黎求我點解而家好似我求返佢咁架= =
"£1,000啦！"嘩，佢玩野咩！
"唔得！"
"哈哈，好啦£2,000啦。" 終於傾成了，不過呢次傾談好似係度玩咁，仲係佢玩我tim:icon083:。真係.............................好唔爽:icon083:
算啦，返屋企執正個樣，聽日要出街見人。
2005年8月11日
"唔.....咁問時應該咁講......咁問時應該咁答....."
兩日後我地會主將對Thurrock，今早下午會有賽前記者招待會。由於我係第一次面對呢d場面，所以額外緊張。如無意外韋特既問題會係佢地既重點之一，當然呢個我早有準備。不過其它我真係捉唔到，唉算啦，隨機應變啦。
"哈哈哈，唔洗咁緊張喎。" 盡量想俾信心我的是哥連。
"唉，唔緊張就假啦！"
"哈哈，你今日裝扮都幾好呀，估唔到你咁識裝扮。"
"呃........." 梗係啦，今朝比琳達捉左我化左一個鐘頭妝= =
"放心啦，問咩答咩就得架喇。"
終於黎啦。出到去，記者只得兩、三個，心諗我地又唔係高級球會，梗係少d人黎採訪啦。
問：你已經加入了球會一個月啦，感覺如何？
答：非常好。無論球員、球會同助手都對我非常支持。
問：從問有任何工作經驗而且只得23歲，要教隊護級分子，會唔會感到壓力？
答：一定有架喇！不過人就要係壓力中學習先得到成功。我享受在壓力下工作。
問：關於韋特的轉會問題，有冇呢件事既最新進展？
答：冇！最新既就係我地尋日發出既聲明啦！"
問：會唔會考慮賣佢？
答：我地只會考慮賣俾可以合乎我地要求既球會。Havant and W係出過價，不過我地唔接受個價錢。
問：你地既要求係幾多？
答：對唔住！無可奉告。
問：據報韋特今日缺席操練。你個人對呢件事有咩意見？
答：我非常失望，一個球員有職責去理行佢所簽既合約，佢唔應該因為想走就用呢d方法。會方已經處罰左佢，如果佢一日唔返處罰會續。仲有就算佢咁做我地都唔會改變我地既要求。
問：今季你地都簽左唔少人。對今季有咩期望？
答：講真我覺得球隊有力爭升班的，不過保持中游已經好開心。
問：最後一個問題。兩日後對Thurrock，你點預測呢場波？
答：有信心應該贏到兩球。
呼，終於搞掂，講真都好輕鬆je，哈哈。
黃昏時收到泰亞通知，佢同意了合約。球隊再進帳£2,000
2005年8月12日
今日朝早返到辦公室就到桌子上一張fax，Woking開出£9,000收購韋特。£10,000都唔得更何況£9,000呢。拒絕！
諗住出球場睇下球員情況時，突然電話響起。聽到一把我好唔想聽既聲。係Havant and W領隊拜拿特。
"我可唔可以下午黎再傾過。" 我真係好唔想再見到佢。
"唔好意思，我好唔得閒！你想簽人就直接出價啦！" 即刻收左線，哈哈好型呀！
果然下午再次收到佢地既開價，£11,000。咁都唔夠我地要求。拒絕！
點知夜晚又黎，今次£12,000不過有£8,000要分24個月。拒絕！
我就黎俾佢煩死！
2005年8月13日
"終於到啦！今日終於到啦！" 等左好來啦，今日終於開始聯賽。我而家全手都充滿能量。
去到辦公室準備比賽時，突然有電話到，又係果個煩人。搞錯呀，佢唔使比賽咩。成日煩住哂！:icon083:
"今次我地開£14,000，你意下如何呀？"
"拒絕！" 講左兩個字就即刻收線，以防萬一連手提都關掉。真係，俾佢破壞哂d氣氛tim，算，準備今日比賽！
非聯賽南組第一場
http://www.confsouth.co.uk/maidenheadlogo.jpg Maidenhead United VS Thurrock http://www.confsouth.co.uk/thurrockbadge.jpg
揭幕戰！有200多位球迷入球，都算係咁啦。開賽初段我隊稍佔上風，不過多個機會始終不能入球，終於到26分鐘，格蘭一下23碼罰球直入右邊網仔，先領先1比0。其它羅賓遜有次單刀攻門，可惜佢把握唔到。就咁上半場領先一球。
下半場，對方仍然冇任何起色，結果我隊乘勢再入一球，68分鐘，拉姆辛右路傳中，尼高斯近處輕掃入網。之後仍然以我地攻勢較多，不過羅賓遜錯失不少機會。
揭幕戰我非常滿意！
Maidenhead(4-4-2): Harrison; Kersey, Dawson, Cunningham, Quinn; Rasmussen(Traynor 64"), Grant, Tomlinson, Smyth(Hughes 70"); Nicholls(Roberts 75"), Robinson
Thurrock(4-4-2): Knight, Goodfellow, Collis, Goddard, Mcfalrine; Carthy, Bowes, Harper, Heffer; Flether, O'Conner.
Final Score: Maidenhead 2-0 Thurrock
MoM: Mark Nicholls
2005年8月14日
今日再收到韋特的開，不過今次唔係Havant and W，係Farnbrough，佢地開£8,000，唔洗問啦，拒絕！
2005年8月15日
係作客Hayes的前一天，哥連報告韋恩昆尼傷了大腿，需養傷一星期。
其實佢既狀況我都幾擔心，佢始終比較易傷，而且左後衛我只剩兩個。所以我叫哥連幫我搵下新既左後衛。
to be continued......
原帖由 hehe0114 於 2006-2-503:53 AM 發表
仲以為你會post相:icon101:
你真係想我篇野被ban咩:icon099::icon101:
原帖由 古都 於 2006-2-502:19 PM 發表
好好睇
繼都靈黑與白後
另一個我會追ge故仔
你講關於祖雲達斯安察洛堤果篇呀嘛
我都有睇
講真多少少靈感係果篇野度黎:icon101:
有錢都唔要架:icon082:
原帖由 銀公主 於 2006-2-515:31 發表
有錢都唔要架:icon082:
佢都唔係錢既問題:icon101:
果一個鐘激戰一d描述都無架:icon092::icon092::icon101:
咁幾錢先肯放:icon101:
原帖由 灰袍聖徒 於 2006-2-507:16 PM 發表
咁幾錢先肯放:icon101:
唔怕話俾你地知
我set左£20,000以下全部reject:icon101:
[ 本帖最後由 JohnTerry 於 2006-2-507:43 PM 編輯 ]