曼聯簡評(防守篇)
打左五場英超,一場歐聯,本人認為係時候做一個短暫既曼聯今季簡評(集中講曼聯防守既漏洞)(雖然本人讀文科,但文筆不是太好,呢點要向ohcl多多學習)
一,新兵來投
在這不談曼聯既買人方針等等,事實上內部營運有太多野我地呢d球迷係唔知,可能佢有佢既難處,所以,談來也無謂…
今季簽了兩位猛將,一位係卡域克,我想大家都知道佢係一個中場中而唔係防守中場,曼聯現時最大既問題係中場中失利,第一,欠缺一個防守中場,第二,有球在腳時無人hold波,史高斯不是一個控球在腳型既球員,費查表現飄忽,交波時好時壞,我地仲有邊個中場中? 哦,是奧沙,佢既表現,等我o係下面再講. 所以, 卡域克既來臨,是可以增加曼聯中路既創造性,最記得曼聯開始由高峰跌落黎,都係每場波偶有一個中路one-two或一腳直線而贏波的, 卡域克但防守方面,大家亦明白不能依賴卡域克,卡域克既出現只能為曼聯增加創造力和掌握比賽節奏….
而古斯錫既來投,本人十分不滿,不滿既唔係佢既實力,而係需要性. 古斯鍚上季o係西布朗打出身價,多次上身,雖然臨世界波前失了一球世紀大膠波,但佢既質素係有既,但最大問題係,我地有侯活,有科士打,點解要外借兩位,而再借古斯鍚番黎呢?(雖然而家只係借,但其實大家都知好大機會借一年後再收歸旗下吧)
轉會市場結束後的防守陣容
龍門: 雲達沙古斯錫希頓
後防: 加利仔 布朗里奧維迪斯維斯達軒斯艾華
中場:費查奧沙
二,曼聯防守漏洞
防守上既問題,或者以今場大戰黎做評論既基礎會較好,起碼呢場波多人睇,曼聯今季既毛病亦大部分o係呢場度出現….
曼聯對阿仙奴出場陣容:
門將:古斯錫
後防:加利仔, 里奧, 布朗, 斯維斯達
中場:費查, 史高斯, 奧沙, c朗拿度
前鋒: 沙夏, 朗尼
對今場陣容既看法:
1. 雲達沙胃痛,週中格硬踢,倒不如真係比佢休息下好過
2. 出斯維斯達而唔出艾華真係有點意外
3. 四個中場同我估既差唔多,或者卡域克傷癒就連踢幾場,體力不足,o係今場要搶中場黎講真係唔太適合先發,所以出奧沙亦無可口非
4. 前鋒好正路,雖然朗尼無態,但蘇斯克查打後備會好一點
其實,賽前我有講過下,阿仙奴今場唔係真係咁易輸,因為阿仙奴贏唔到,或多或少都係因為對方塞死中場,以佢地既踢法真係猜唔到入去,反而對曼聯,空位一定較多,阿仙奴恐怖既反擊亦較有威脅,而事實證明了一切….
二．一 奧沙的控訴
或者場場波我都狂插奧沙,仲改埋佢花名,但無拎出真憑實據去插佢,似乎有點欠缺說服力,而家,就來一個對奧沙的控訴!!
身高腳長,形容既球員有三:
1. 韋拉
2. 斯素高
3. 奧沙
前兩者憑體格上既優勢,再加上勇悍既打法,波到人到,nice tackle連綿不絕,為球隊既中路取得壓到性既優勢,亦減輕了後防既負擔,但奧沙,卻不善用上天給你既一切,打法上唔係波到人到,如果前兩者係主動型防中,佢就係被動型防中,主要既打法係捕位為主,但企位實在太深,大家有踢開波既都知道中場推順左個波係好難去搶佢個波,亦容易被扭過,但奧沙卻沒有汲取教訓,往往對方中路控球,佢既企位就係禁區頂對出五碼,以捕位而言,亦不見得佢能捉到對方既傳球路線,成功截球,結果便形成了防守不足,成了隱士. 佢所謂既打法,攪到場場隱哂形,亦令曼聯未能搶得中場, 每每在網上看到有網友稱讚佢有表現, 係純防中時本人立即反駁, 亦只因以上既理據.
二．二 為費查平反
而以費查及奧沙相比,本人係比較認為費查較適合打防中的.為何?雖然大部分網友一直認為費查身體質素差,傳波差,係一個普通料,但佢亦有佢既好處,就係體能好,夠勤力. 如果一位球員會企定定係防守,而另一位球員四圍走係搶波既時候,大家會選擇邊一位做正選呢? 可能後者未必真係可以有五成以上既成功tackle率,起碼球賽觀感上,佢既勤力係值得被稱讚的. 再者,費查被插既另一原因,係因為被編於右中場,過人技術低,斬波亦非獨到,但本人認為,曼聯球迷只係睇得太多碧咸了,standard未免set得太高,而且,如果有關心曼聯預備組既網友便會知道費查曾堪稱為曼聯近代最有創造力既青訓,而佢o係預備組既位置,正正係中場中,要一個中場中材料係打右中場,亦因此被多加批評,會不會對他不公呢?被批評既應該係無奈既費查還是將他擺在右路既所謂契爸---費格遜呢? 請各位消除對他的誤解!!!
二．三 中場佈防之問題
講番場波,普爾既誤判,令曼聯先失一球十二碼,好在古斯錫將功補過,力保不失. 正當曼聯球迷以為大難不死,必有後福時, 曼聯既毛病又再次發生. 四強之中,以阿仙奴既用波能力最佳,但曼聯竟然將佈防位置設於禁區頂, 兩位中場中企位處於禁區頂對出, 希比,法比阿斯以及路斯基可以o係中場任猜,似乎老費既戰術運用,已經將曼聯推向斷頭台, 如非多哥希望既質素所限, 最終比數會是零比一嗎? 承對奧沙之控訴一段, 曼聯球員今場一有機會便作出飛剷,多次瓦解對方既攻勢,但奧沙卻萬綠叢中一點紅,當隊友搏命飛剷時,佢仍然十分有性格地捕位,捕位and捕位,我想大家今場亦可發現,奧沙亦再一次在球場上消失…..
二．四 中堅的企位
其實,除左中場中防守力不濟外,中堅們既企位及mark人亦存在著問題,里奧自以為是,認為自己係世界級中堅,但卻多番失誤,布朗雖比上季較穩陣,但意識上要學既野實在太多. 曼聯中堅頭鎚不佳,已經不是新聞,里奧不是擅頂,曼聯中堅當中最擅頂既維迪經常受傷,布朗mark人不緊,結果每每高波不能清脆解圍,結果做成多次險象. 暫且不提先後被c7同奧沙既死亡回傳玩死, 以失既一球而言, 大家似乎過多集中於扭失波既c朗拿度了,雖然佢呢球波真係要付責任,但其實今季係的確係進步左,少左好多無謂既扭波,雖然有人會認為佢浪射,但如果唔係佢既存在,曼聯真係可以做得咁多攻勢出黎咩? 對於呢一球失球, 我要鬧既人係----布朗,c朗拿度中場扭失,法比加斯控球在腳,法比加斯一傳,反彈後有運地再次落在他的腳下,法比加斯再來一個直線,多哥希望終於快腳一篤入網. 但以上既情節並非在一秒內完成的,從慢鏡來看, 布朗與多哥希望一直有大概兩個身位既距離, 最後多哥希望一個走位,根本布朗係無可能追到的,如此鬆散既mark人,布朗是否要做罪人呢?
二．五 兩閘表現
O係防線上,仲有一個人既表現係好壞差半,個位就係艾華,毫無疑問,佢既表現係愈打愈好,但其實佢既防守意識實在…..o係呢咁多場波入面,艾華多次以速度剷走對方既皮球,但其實艾華經常比對方既右中場太多既空位,艾華失位後再去攔截係今季多番見到既現象,其實,如果艾華肯企得較接近對方球員的話,曼聯既左路一定會更穩固….除左艾華外,曼聯既左閘還有軒斯和斯維斯達,軒斯長期受傷,復出後表現會點都係一個謎,呢處無謂去談住. 斯維斯達雖然屢次腦部hang機,但放左o係左閘既危險性無咁大,如果講穩定,大家也不會忘記未踢中堅時既斯維斯達助攻助守,以力量計可能佢同軒斯有過之而無不及,問題就係老費會唔會再次放番佢打中堅呢?以今季老費既排陣同後備換人而言,暫時我地都可以放心吧,斯維斯達似乎會打番左閘….右路不談了,隊長表現愈來愈成熟,攻守兼備,右路不是一個大問題…就算隊長受傷,都有布朗頂替,此子可能因為右路既企位要求不如中堅般大,防守方面反而尚可接受
三 完結
總括而言,雖則有謂進攻是最佳既防守,但曼聯現時防守錯漏百出,根本連皮球也搶不到,怎能說去控球在腳,從而進攻呢?雖然本人既批評係過份苛刻,但作為強隊,要求自然會較高,而家只係希望軒斯以及維迪既復出可以解決防守上既問題吧...
[ 本帖最後由 Vincent_Chan 於 2006-9-1811:10 PM 編輯 ] 身高腳長,形容既球員有三:
1. 韋拉
2. 斯素高
3. 奧沙
前兩者憑體格上既優勢,再加上勇悍既打法,波到人到,nice tackle連綿不絕,為球隊既中路取得壓到性既優勢,亦減輕了後防既負擔:icon101: 原帖由 SamiHyyyyyyyia 於 2006-9-1803:21 AM 發表
身高腳長,形容既球員有三:
1. 韋拉
2. 斯素高
3. 奧沙
前兩者憑體格上既優勢,再加上勇悍既打法,波到人到,nice tackle連綿不絕,為球隊既中路取得壓到性既優勢,亦減輕了後防既負擔:icon101:
斯素高的確今季打得好好wor:D 原帖由 Vincent_Chan 於 2006-9-1803:25 AM 發表
斯素高的確今季打得好好wor:D
咁的確係有進步既
不過仍有很多學習的地方:icon017: 攪咁耐
終於修改完畢(如果大家o係3點25分前開始睇既,上面有一d修改的,請再睇過:icon101:)
今次愈打愈亂,打打下先發覺重寫防守上既問題,於是乾脆刪去進攻的一part,但奈何現在夜深,攪到上文好似曼聯既中場咁,毫無組織性,希望大家見諒:D 原帖由 SamiHyyyyyyyia 於 2006-9-1803:27 AM 發表
咁的確係有進步既
不過仍有很多學習的地方:icon017:
斯素高愈打愈好
好過o'shxt好多:D 貼去hkcm博好唔好 :D 原帖由 ohcl 於 2006-9-1803:29 AM 發表
貼去hkcm博好唔好 :D
你喜啦
雖然我覺得未夠篇文未夠完美 原帖由 Vincent_Chan 於 2006-9-1803:15 AM 發表
O係防線上,仲有一個人既表現係好壞差半,個位就係艾華,毫無疑問,佢既表現係愈打愈好,但其實佢既防守意識實在…..o係呢咁多場波入面,艾華多次以速度剷走對方既皮球,但其實艾華經常比對方既右中場太多既空位,艾華失位後再去攔截係今季多番見到既現象,其實,如果艾華肯企得較接近對方球員的話,曼聯既左路一定會更穩固….右路不談了,隊長表現愈來愈成熟,攻守兼備,右路不是一個大問題…
艾華個D係賭博性攔截,攔到就好,攔唔到就 :D 原帖由 ohcl 於 2006-9-1803:30 AM 發表
艾華個D係賭博性攔截,攔到就好,攔唔到就 :D
基本上佢出腳太魯莽
下半場有球伊古爾fake一fake已經引到evra出腳 原帖由 Vincent_Chan 於 2006-9-1803:27 AM 發表
攪咁耐
終於修改完畢(如果大家o係3點25分前開始睇既,上面有一d修改的,請再睇過:icon101:)
今次愈打愈亂,打打下先發覺重寫防守上既問題,於是乾脆刪去進攻的一part,但奈何現在夜深,攪到上文好似曼聯既中場咁,毫 ...
改返個開頭la咁:icon101: 全力支持
我都試寫利記先 原帖由 ohcl 於 2006-9-1803:32 AM 發表
改返個開頭la咁:icon101:
邊part:icon101: 原帖由 孫中謝拉特.奧雲 於 2006-9-1803:32 AM 發表
全力支持
我都試寫利記先
其實我想以利記既三防中同曼聯既係比較
不過初頭唔記得左
再加上而家好頭痛
所以放棄了 原帖由 Vincent_Chan 於 2006-9-1803:33 發表
其實我想以利記既三防中同曼聯既係比較
不過初頭唔記得左
再加上而家好頭痛
所以放棄了
全力支持你
要咩data隨時問我:icon8: 原帖由 孫中謝拉特.奧雲 於 2006-9-1803:32 AM 發表
全力支持
我都試寫利記先
全力支持你 原帖由 Vincent_Chan 於 2006-9-1803:32 AM 發表
邊part:icon101:
打左五場英超,一場歐聯,本人認為係時候做一個短暫既曼聯今季簡評,(集中講曼聯防守既漏洞)...
好似咁:D 原帖由 ohcl 於 2006-9-1803:34 AM 發表
打左五場英超,一場歐聯,本人認為係時候做一個短暫既曼聯今季簡評,(集中講曼聯防守既漏洞)...
好似咁:D
好:icon101: 原帖由 SamiHyyyyyyyia 於 2006-9-1803:34 發表
全力支持你
幫手啦:icon101: 原帖由 孫中謝拉特.奧雲 於 2006-9-1803:34 AM 發表
幫手啦:icon101:
只怕有心無力
依家無咁多時間:icon101: