李斯特城王子復仇記

henryay

以前打CM, 因為當年聯賽杯神勇表現, 同埋十分喜歡當年一對中場連儂&艾錫既關係, 之後次次新CM一出都係成日用李斯特城. 重拾FM09之後玩左2年利記熱下身. 再開個新既李斯特城玩下先.

今時今日見李斯特城淪落甲組真係唔爽. 一開GAME, 隊波其實都有幾個球員係用得過的, 以下幾個球員, 打左2季一路殺上英超都依然在陣, 下圖既能力, 係現時打上英超位列中游的狀況.


英格蘭未來主力 --- Joe Mattock
呢個好多玩開既人一定識. 小弟死都唔賣, 用咩陣都o岩打, 一路由甲組打上英超, 必然正選, 年年穩定, 印象中好似未傷過, 勁好用, 但上到英超張約就完, 唔肯續約, 如果冇歐洲賽資格應該留佢唔住, 頭恆!



威爾斯穩陣新人 --- Nicky Adams
見圖, 唔算超勁果類球員, 但勝在輪流上陣都唔會表現太差, 打上英超搵唔到人頂佢個位, keep住用佢都仲ok. ,下圖能力應該已經升到最盡了.



麻煩友變聽話契仔 --- Max Gradel
印象中佢係陣中第一個要求加人工的年青球員. 濕水欖核型球員, set 高個attack同自由度, 經常沿底線獨闖盤球入波. 經過2年幾既調教, 依家已成大國腳, 兼十分聽指示的球員.



高速忠實新人邊鋒 --- Ashley Chambers
因為之前驚升唔到班, 年齡又太輕, 一路都唔敢比佢打主力, 只係副選, 攪到佢一路都入唔到u19, 但依然都年年入幾粒, 又唔嘈唔計較. 上到英超都仲可以keep住.



天份不足的年輕領袖 --- Harry Worley
連續2年既升班功臣, 可惜佢已經升到盡, 否則一定係未來的隊長, 上到英超, 其能力不足已經慢慢浮現, 下年應該會放佢走了, 唉.....



威爾斯新人分波中場 --- Andy King
打甲組&英冠時, 其實相當好用, 經常後上入波又有助攻, 可惜控球及停球及強度不足, 問題上到英超開始浮現.



澳洲傷殘中場 --- James Wesolowski
能力其實不差, 但只可作為分波型防守中場, 不能打壓迫式踢法, 否則一定會傷, 配一個身材高大打壓迫式的防中配佢一齊打, 效果會十分好.



慢版奧雲 --- Matty Fryatt
走位好, 執死雞, 但活動能力十分不足, 打反擊絕對不能依賴佢去衝, 一定要分波去左右翼球員去跑, 佢會走位上去接應, 能做到呢點, 佢會入唔少波. 小弟買左Man City既 Daniel Sturridge 配佢打雙箭頭, Daniel Sturridge 會經常係左路盤球拉開d後衛傳波出黎比佢射入, 佢又會間唔中傳直線比 Daniel Sturridge 係中間殺入禁區. 當然, 上到英超呢條form開始唔係好work, 都仲入到下波頂得住. 但睇怕都係遲早要放佢走.  

美斯仔

多謝分享先xD

kobeboy

我之前都有玩 李斯特城
玩到第6季 就無玩
joe mattock 係我隊波既captain~

flowlau

好正!
我岩岩新開左leicester
睇完你個post,幫到我點set d球員 =]