巴西友賽加納重召朗拿甸奴 卡卡落選

古都

巴西國家隊重召前鋒朗拿甸奴，參與下月在倫敦對加納的友賽。

31歲的朗拿甸奴，今年初返回巴甲投效法林明高，狀態不俗，15場聯賽攻入9球及有6次助攻。他沒有入選去年南非世界盃大軍名單，對上一次獲徵召是去年11月友賽阿根廷。

波圖前鋒侯克、皇家馬德里後衞馬些路亦獲重召，但另一名皇馬球員卡卡則落選。

古都

http://www.youtube.com/watch?v=eYpT4_NeB9A

Raul_Gonzalez

安德烈.山度士登陸倫敦加盟阿仙奴, 隨即落選無份踢巴西於卡雲農舍友賽加納一役
馬些路獲重召並踢正選 (五年前十八歲嘅馬些路 scored on his full international debut, 地點正係倫敦, 巴西概贈威爾士兩蛋 @白鹿徑)

對比今季嘅皇家馬德里, 哩隊巴西作為一隊理應玩波一流嘅勁旅而言, 配合效果仲係欠佳
或者哩瓣真係保守傾向主教練文尼錫斯嘅不足, 因為佢幾明顯只能求場上球員自己拆掂佢
夾得唔順, 場上各人自行上腳突破係好自然嘅事, 個別能力確係取勝, 但就未必一定喺賽果上有效反映
因而, 馬些路助攻上自由度仍大但果真不比佢踢我地期間, 巴西國家隊隊友夾得好一般之下佢自己發揮亦打咗折扣


我睇直播
就算巴西組織未夠理想, 佢地今場都仲有多人多次創造到入波餐士
雖則兩球助攻都唔係來自朗拿甸奴或早段傷出嘅根素 (唉! 又傷..佢今場好自然地要讓返 #10 俾前輩, 佢著 #8)

狂賀作賽自信可比史勒坦甚至上腳慢慢來表演扭波時意氣風發都近似嘅巴西國際右腳箭頭射手利安祖.達米奧首次為巴西入波!
佢上半場入咗兩球:
第一球詐糊, 尼馬禁區頂挑球直線妙傳俾佢挑射笠死出迎嘅加納門將阿當.拿臣, 但佢僅僅越位在先;
第二球終於成立, 費蘭甸奴睇準交直線成為助攻, 達米奧單刀右輔勁射地波遠柱入網, 一蛋(到完場)


Btw
加納門將阿當.拿臣? Adam Larsen 全名係 Adambathia Larsen Kwarasey
生於奧斯陸, 父為加納人, 母為挪威人
先做挪威小國腳, 再轉做加納大國腳
矮亨利 1 cm, 靈活反應系門將
下半場後段佢兩次撲出朗拿甸奴右腳細位妙射香蕉罰波 (去! 我想侯克射佢d重炮罰波, 但佢一球都爭取唔到嚟射)
全場尚算表現討好 (紐亞式討好, 我會咁講), 話唔埋英格蘭已經有球會睇中咗佢喎..佢踢緊斯特羅斯葛錫 (今季歐羅巴聯外圍賽被馬會淘汰)

cym

睇完那段細哨既個人精華, 見佢既精神面貌好左好多, 起碼有返D招牌笑容
雖然要佢去返一騎當千既境界有點困難, 不過係而家隊巴西, 佢只要帶領其他新星一齊玩波, 打返起個隊形已經搞掂
而且果兩腳自由球水準不俗, 期待細哨可以繼續發光發熱

另一邊廂, 卡卡國家隊命運唔知會點...

[ 本帖最後由 cym 於 2011-9-6  10:21 PM 編輯 ]