無聊小故----第四集

魯爾~小明

第四集


呢一刻我訓o係醫院,望住個天花板,好彩隻腳仲未斷,只不過係d骨裂裂地咁,所以醫生同我打左石膏,
靚女護士叫我最好唔好落床喎,咁我梗係聽聽話話啦..............

"哇!乜攪到咁呀....."
"唉!今次仲衰過上次,我諗今次我都係考唔到o架啦...."
"平常心啦,拿!驚你悶,買左本雜誌比你睇呀...."
"哇,多謝晒喎,做咩唔帶疏蕉黎呀,話晒都叫探病喎...."
"咁多要求o架你,我一放學即刻趕黎啦.........."

劉志峰黎左探我,我地又o係度吹水,大聲講大聲笑咁.....

"喂!呢度醫院黎o架,靜d啦你地..."

有個護士好惡咁罵我地....

"呀..!呢度d護士雖然好惡,但d質素唔錯喎..."
"睇o岩邊個呀,我幫下你啦,我依家話晒都病人黎,嗌一聲就有護士到o架啦..."

呢個時候,有個護士行近左我間床...

"護士姐姐呀,呢位呀生問你今晚得唔得閒出黎食餐飯喎..."

個護士無理到我,走左去...

"喂!唔好走住先啦,留個電話呀..!"

劉志峰撞左我隻左腳一下,講左句"痴線o架咩你..."

雖然有石膏,但點都有d痛..........."呀..!救命.."

呢一日o既下晏我地就係咁樣講下笑吹下水咁過左....

------------------------------------------------------------------------------------------------
第二日,自己訓o係度呆下呆下咁,同圍望下咁啦,病房門外有一個女仔經過,我一眼就認得出佢就係方紫瑩...
我咩都唔理落左床,想衝出去,但隻左腳又痛一痛,我跌左o係地,當我起番身望下兩邊走廊,已經唔見左佢...
護士扶返我上床,我o係度諗,點解次次同佢見臉o既時間都係咁短暫.....

過左無幾耐,有個澎馬流浪o既職員黎探我....

"點呀,隻腳好番d未..."
"都ok o既,無之前咁痛,不過都要抖成個月..."
"哦,我今次黎o既目的係想講個好消息比你聽,我地o既預備組正式批准你加入..."
"下..真o既?但我依家...."
"唔緊要o既,到你好返o個陣先黎練波,而且o係度o既醫療費用我地會方一力承擔.."
"真係多謝晒你地..."
"咁我走先啦..."
"等一等,點解我無咩表現,仲攪成咁,你地都會選我..."
"我自己都唔知,不過教練話你比其他球員與別不同喎...."
"唔同,有咩咁特別呀我........"


(待續)

~~冬之子~~

好似得我一個睇咁
你下次ICQ俾我得喇   

〥Kiros〥

[QUOTE=~~冬之子~~]好似得我一個睇咁
你下次ICQ俾我得喇   [/QUOTE]
I also have see ga~.~

Key文

第三
我都睇架

DanielChuk

我都有睇ga