|
|
發表於 2011-10-31 14:42:19
|
顯示全部樓層
經歷英超打吡戰慘敗後, 曼聯於上一輪聯賽作客對戰陣容不整嘅愛華頓最後能小勝一球, 總算是成功反底吧, 一眾球員亦可以較開懷心情面重返週中歐聯戰場。
唔經唔覺自己嘅藏品內都收納了不少曼聯歐聯戰衣, 或者係呢道嚟個小小歐聯球衣展吧, 先嚟嘅係入手咗一段時間、購自官網的 2011 決賽作客球衣:
這件訂購自官網的球衣印字是選用膠字的, 跟正式落場比賽用的絨字是有所不同, 不過這套仍是 Sporting ID 出品的膠字品質亦不錯, 而之前為粉絲所垢病的印字歪歪斜斜問題, 亦幸運地沒有在我這件衫上找到; 印字主角是加盟後一直都人氣高企的 "小豆" 查維亞靴南迪斯, 雖然在那場歐聯決賽欠表現, 但始終他是繼 C7 後我所喜愛的另一名引援 (最緊要一樣嘢係官網訂歐聯戰衣無論係印咩 number 或者個名字有幾長都係一樣價)。
另一件歐聯戰衣是經典的 "單星":
這件一直是曼聯球衣收藏愛好者 "追擊" 的目標, 是由 1997 年開始使用 (單星用了兩季至 1999 年; 同款雙星再多用一季至 2000 年), 是曼聯球會史上首次有歐聯比賽專用球衣, 由於當時曼聯成績十分優異, 而 98-98 球季更震撼性地成為三冠王, 所以這款球衣的人氣一直高企, 小弟雖然追隨紅魔多年亦只是失禮地在最近才入手這球衣, 慶幸上手保存得很好之餘, 件衫亦預印了絕版的歐聯星章, 入手後到皇宮印字把它變成完全體, 這套雙層印字質素真的不錯, 出來有少許立體感; 印字球員方面揀咗已退役的加利佬這名對紅魔忠心耿耿的短袖衫黨代表。
最後要介紹的一件是 2009 年歐聯決賽球衣:
這件球衣相信有很多曼迷都擁有了, 小弟一貫後知後覺 (亦因為呢場波曼聯戰敗不想因為件衫勾起不快回憶), 這件衫亦是最近才攪成, 最主要是找到了越來越罕見嘅 Sporting ID C7 藍色曼聯歐聯絨字, 買了字後才著手搵衫, 要找這件白色作客歐聯球員版亦不困難, 入手價亦很低, 連運費亦只與在街邊買一件最新款粉絲版波衫差不多價錢, 在皇宮搬遷前攪埋繡字順利將佢變成完全體。而不經不覺, 2008 至 2009 球季所採用的三件球衣的長袖歐聯球員版都先後入手, 都不約而同印了 C7, 一於來個合照吧。 |
|
IP卡
狗仔卡
顯身å¡
