估波朋友小圈子吹水區 12 之 歐國杯神射手攻略＠#1872

孫中謝拉特.奧雲

原帖由 Hin13 於 2008-5-24  10:44 發表

咁冷門都有人印?
咁費查有冇?

你咁都要問既.....

孫中謝拉特.奧雲

原帖由 無聲火 於 2008-5-24  10:45 發表
有冇人會買歐國盃衫?

有
hin13個問題真係好好笑呀可~火火

ytosie

想訓都冇覺好訓
晨咁早就鑽野
想點

無聲火

原帖由 孫中謝拉特.奧雲 於 2008-5-24  10:54 AM 發表

有
hin13個問題真係好好笑呀可~火火

你搵湯馬士搞定點?

孫中謝拉特.奧雲

原帖由 無聲火 於 2008-5-24  11:17 發表




你搵湯馬士搞定點?

會搵佢搞架喇~生意上既朋友
諗緊買咩同印邊個

無聲火

原帖由 孫中謝拉特.奧雲 於 2008-5-24  11:23 AM 發表

會搵佢搞架喇~生意上既朋友
諗緊買咩同印邊個

help me

孫中謝拉特.奧雲

原帖由 無聲火 於 2008-5-24  11:30 發表


help me

冇問題
你比個list我先啦

Blackburn_Owen

原帖由 無聲火 於 2008-5-24  10:45 發表
有冇人會買歐國盃衫?

拿臣

無聲火

原帖由 孫中謝拉特.奧雲 於 2008-5-24  11:34 AM 發表

冇問題
你比個list我先啦

你明我點解要咁呀何?

孫中謝拉特.奧雲

原帖由 無聲火 於 2008-5-24  11:37 發表


你明我點解要咁呀何?

梗係明啦

無聲火

原帖由 Blackburn_Owen 於 2008-5-24  11:36 AM 發表

拿臣

大佬買左啦,差字咋嘛

ytosie

原帖由 孫中謝拉特.奧雲 於 2008-5-24  11:23 AM 發表

會搵佢搞架喇~生意上既朋友
諗緊買咩同印邊個

呢位生意上既朋友
佢會唔會比特別offer比你

孫中謝拉特.奧雲

原帖由 ytosie 於 2008-5-24  11:42 發表

呢位生意上既朋友
佢會唔會比特別offer比你

冇

孫中謝拉特.奧雲

各位同學
今日課題 : 神射手
請大家先睇睇個list
1 高路斯         9.00
00 其他         10.00
2 基斯坦奴朗拿度11.00
3 費蘭度托利斯  12.00
4 東尼          13.00
5 韋拿          14.00
6 雲尼斯達萊        16.00
7 亨利          17.00
8 馬里奧高美斯  22.00
9 普多斯基        22.00
10 伊巴謙莫域   25.00
11 賓施馬        25.00
12 波歷克        35.00
13 亨特拉爾        35.00
14 古蘭爾        35.00
15 巴路士        40.00
16 迪比亞路        40.00
17 卡斯辛奴        40.00
18 尹佩斯        40.00
19 列貝利       40.00
20 梅度         40.00
21 紐奴高美斯   40.00
22 柏歷         40.00
23 軒歷拿臣        50.00
24 迪拿達利        50.00
25 安歷卡        50.00
26 真高拿        50.00
27 尼赫治        50.00
28 雲達華治        50.00
29 古爾沙        50.00
30 阿歷山大費爾 50.00
31 曉高艾美達   50.00
32 奧歷         50.00
33 大衛施華        70.00
34 史奈達        80.00
35 艾文達        80.00
36 基卡斯        80.00
37 柏夫里約真高 80.00
38 洛賓                100.0
39 古積特        100.0
40 沙保沙        100.0
41 端基                100.0
42 查列斯迪斯   100.0
43 卡蘭積卡        100.0
44 普格恩耶克   100.0
45 馬高史達拿   100.0
46 施莫拿歷克   100.0
47 舒切夫        100.0
48 希斯寧基        125.0
49 柯碧克        125.0
50 哈利艾天托普 125.0

以下幾個post我會分析一下各人形勢 , 請留意

孫中謝拉特.奧雲

首先由尾十個分析
40 沙保沙 - 睇番分組形勢，其實對手唔算話太強，但都有一定既實力；以葡萄牙前鋒一向唔夠力黎講，中場就成為佢地既入波泉源。沙保沙(即係森馬奧啦)佢o係國家隊既正選位置其實都幾穩陣，面對住瑞士同土耳其應該會有D表現，入球黎講就真係都幾睇當然情況，個人覺得葡萄牙通常都係開細既貨仔，入波唔會多得去邊，而森馬奧本身亦都唔係多產既球員，所以極其量都係一兩球貨仔。
41 端基 - 分組黎講基本上都係爭次名出線之後比人淘汰果堆；個人黎講真係睇唔出佢有咩能力成為神射手，你話佢頭搥勁又唔係，射術精又唔及拍擋尼赫治，可以不理。
42 查列斯迪斯 - 上屆希臘冠軍主要功臣之一，老左四年既佢已經唔會o係國家隊場場打足，以佢既身高同能力要o係同組對手入波應該唔係問題，不過由於佢地陣中既入球能力分佈得好散，所以即使佢地能夠殺入八強都唔太睇好呢位２８歲前鋒。
43 卡蘭積卡 - 克羅地亞要出線應該唔難，克羅地亞既主要射手達施華因傷不能出席，入球重任應該會落o係多蒙特前鋒柏歷身上，遠射不俗既卡蘭積卡應該會拎到一至兩球，但一定唔會係神射手。
44 普格恩耶克 - 辛尼特拎歐協冠軍既主要功臣(艾沙雲呀)，係俄羅斯既主要keyman，但係分組賽佢入球不多加上頭兩場要停賽，要成為神射手應該係冇可能。
45 馬高史達拿 - 瑞士光頭佬前鋒，個人實力平平，而且唔算係射手果類，唯一暗湧係有主場之利，不過瑞士出唔出到線都成疑問。
46 施莫拿歷克 - 波蘭翼鋒施姆拉域，個人能力不俗，但礙於球隊整體實力不及同組對手，都係最多兩球貨仔；如果入到次圈，可以扒冷
。
47 舒切夫 - 俄羅斯奧雲，外圍賽表現平平，以出線機會平平黎講，入到次圈睇情況再買佢都未遲。
48 希斯寧基 - 荷蘭第五前鋒，有得出先算。
49 柯碧克 - 入選左咁多年大賽都未見過佢有好表現，今年既出場機會都唔會多得去邊，可以不理。
50 哈利艾天托普 - 土耳其中場，射術不俗，球隊只有一個尼赫治比較主力，入到次圈可以扒冷諗下佢。

[ 本帖最後由 孫中謝拉特.奧雲 於 2008-5-24  04:38 PM 編輯 ]

孫中謝拉特.奧雲

繼續分析
30 阿歷山大費爾 - 瑞士主力射手，有主場之利，個人能力不俗，不過球隊實力平平，個人估計最多都係八強止步，所以可以唔買。
31 曉高艾美達 - 葡萄牙唯一一個可靠少少既射手，頭搥上佳，把握能力都可以，球隊出線機會大，係扒冷既好選擇。不過要考慮既係葡萄牙一向入球量都唔多，會成為暗湧之一。
32 奧歷 - 克羅地亞首席前鋒奧歷，由於達施華既受傷令到佢呢次大賽可以擔正成為前線頭號殺手，今屆o係漢堡踢到曉飛，再加上球隊出線機會上佳，扒冷要諗下。
33 大衛施華 - 近年西班牙冒起得好快既翼鋒，入球量一向不俗，不過要o係射手&入楔高手林立既西班牙做到入球最多果位就未必得喇，可以不理。
34 史奈達 - 荷蘭進攻中場，應該會係必然正選，但係狀態就真係麻麻，不過遠射好得人驚，分組面對法國同意大利既防守分分鐘就靠佢遠射破密集，不過要入到成為神射手，機會不大。
35 艾文達 - 態沉既圖盧茲射手，球隊出線機會一般，入球相信都唔會多，賽事不多情況之下機會不大。
36 基卡斯 - 上年德甲神射手，今年表現平平，o係希臘國家隊入波都唔多，賽事不多情況之下機會不大。
37 柏夫里約真高 - 俄羅斯首席前鋒，外圍賽入球量不俗，要同瑞典同希臘爭出線，同樣係賽事不多情況之下，機會不大。
38 洛賓 - 荷蘭左翼，季尾個態番左九成，如無意外佢應該要同雲佩斯爭正選，一向入球量唔多既佢成為神射手機會不大。
39 古積特 - 荷蘭右翼，入球量一向唔多，選得佢入去應該有正選，加上分組對手甚強，就算入到八強都入唔到咁多波，可以不理。

[ 本帖最後由 孫中謝拉特.奧雲 於 2008-5-24  05:08 PM 編輯 ]

孫中謝拉特.奧雲

再繼續講下
20 梅度 - 羅馬尼亞主力射手，外圍賽表現不俗，但礙於同組對手實在太強，可以不理。
21 紐奴高美斯 - 零零年起朵既射手，到而家都仲有得入選，狀態同實力都大不如前，可以不理。
22 柏歷 - 多蒙特主力射手，克羅地亞國腳，由於達施華傷左所以佢要揹起入球重責；球隊出線形勢樂觀，有望成為爭射手一份子，扒冷可選。
23 軒歷拿臣 - 瑞典國寶，退完又再復出既射手，今屆應該都會係同艾文達爭正選位；球隊攻力不俗，機會不俗。
24 迪拿達利 - 鄧納東尼麾下既必然正選，O係東尼開路之下應該會有一番作為，球隊出線機會算高，入四強機會都頗大，佢好可能係黑馬之一。
25 安歷卡 - 最Ｘ街既球員之一，應該冇正選既情況之下做神射手機會不大。
26 真高拿 - 捷克長人，友誼賽表現上佳，不過近季開始走下坡，成為防守焦點之下機會不大。
27 尼赫治 - 土耳其射手，射術出眾，同組對手實力均等，個人認為最有可能在分組賽爆出既前鋒，想大包圍既一定要買埋。
28 雲達華治 - 荷蘭進攻命脈，不過要同史尼達分一個波用，以分組形勢黎講要出線都幾難，要成為神射手機會不大。
29 古爾沙 - 當紮西甲神射手，成隊馬略卡比佢一個人帶到上爭歐協席位，不過國家隊有韋拿同托利斯在陣之下就應該冇乜機會出，機會不大

[ 本帖最後由 孫中謝拉特.奧雲 於 2008-5-30  05:44 PM 編輯 ]

孫中謝拉特.奧雲

10 伊巴謙莫域 - 瑞典前鋒殺手，岩岩傷好狀態未明；同組對手實力均等，以佢個人能力要入波應該唔難，神射手機會唔大。
11 賓施馬 - 如無意外應該係今屆法國隊既正選前鋒，本年度法國最佳球員，但未打過大賽之下發揮成疑；同組對手實力強橫，成為神射手機會唔大。
12 波歷克 - 季尾強勢復甦既多亞王，國家隊必然正選+主力，後上攻力特強，出線形容樂觀，必選！
13 亨特拉爾 - 各強旅虎視眈眈既阿積士射手，頭頂腳踢都不俗，不過冇正選打之下都幾難做到神射手，可以不理。
14 古蘭爾 - 德國頭搥王之一，勤力有餘既佢今屆應該會同馬利奧高美斯爭另一個正選位，同組對手甚弱，但個人把握力所限，我覺得佢唔會係神射手。
15 巴路士 - 上屆爆大冷以81倍成為神射手，今屆捲土重來，自從離開左里昂就一直都冇乜波踢乜滯，狀態成疑之下難以再爆冷。
16 迪比亞路 - 應屆意甲後上神射手，詢眾要求之下入選大軍，問題係會否搶得一席正選位置，三箭頭之中東尼同迪拿達利已佔其二，剩番就得佢同卡斯辛奴，哥利亞列拿，波里路搶一個位，正選席位難以確認既情況下唔揀。
17 卡斯辛奴 - 上屆最矚目既新星今屆又再番黎，o係森多利亞既表現十分可人，但同樣o係不能保証正選之下，唔揀。
18 尹佩斯 - 荷蘭4-3-3之下擔任可左可右既前鋒，射術及個人突破能力不俗，不過今季傷得太耐，狀態成疑之下信唔過。
19 列貝利 - 拜仁攻擊泉源及應屆德甲最佳球員，法國隊之中主要突破者，但要佢入幾球成為神射手似乎唔多似樣。

[ 本帖最後由 孫中謝拉特.奧雲 於 2008-5-30  06:01 PM 編輯 ]

孫中謝拉特.奧雲

1 高路斯 - 今屆o係拜仁表現有所滑落，但由於分組形勢大好，入四強機會甚濃既情況下，大熱門都要買。
2 基斯坦奴朗拿度 - 如我之前所講，葡萄牙每場都係一兩球貨仔，攻力疲弱之下要揹飛既C朗拿度要成為神射手機會不大。
3 費蘭度托利斯 - 西班牙主力射手之一，頭頂腳踢都上佳，點熱都唔可以錯過呢個球員。
4 東尼 - 德甲神射手，今屆表現搶得好緊要，亦都係意大利必然正選，必買！
5 韋拿 - 射術走位爆發力狀態都fit，唔買唔得。
6 雲尼斯達萊 - 荷蘭主力射手，把握力特強，o係荷蘭咁強大既攻力之下入球量應該會高，不過同組對手強，冷敲可選。
7 亨利 - 狀態沉對手強，加上不嬲國家隊都腳軟，唔要
8 馬里奧高美斯 - 新晉德國射手，能力同狀態都幾好，不過要同古蘭爾搶正選，冷敲可選。
9 普多斯基 - o係拜仁雪到硬哂，有得出既時候表現都係一般，狀態不足之下可以唔揀。

[ 本帖最後由 孫中謝拉特.奧雲 於 2008-5-30  06:13 PM 編輯 ]

ytosie

對於神射手
我唔會選擇任何一個C組既球員作投注