|
|
發表於 2008-6-18 04:40:42
|
顯示全部樓層
呢個係我記得球衣版既少少歷史...但只係至到07年9月,因為係我係嗰時寫的,希望新會員對呢度有所認識~
係球衣版討論區唔覺唔覺已經剛好過左5年, 由初黎步到乜都唔識, 由各版友係咁袋錢入我袋, 起碼令我對一般球衣常識都大概知道不少.....
記得剛去球衣版,版主係巴夫昇,chirswong ,chirs_webber.....大伙兒好多都係學生, 大部份都係討論fans版球衣, 但都已經有subside 團,係chirs同solari攪(我就係喺果時開始中毒), 咁出黎拎衫就識到佢地.........
到前期,版主變左巴夫昇,chirs_webber,solari.......chirs 同 solari每當開季前, 都會同某球衣舖合作, 給予各版友球衣優惠, 都好似做左兩年...後期solari去外國升學之後, 唔知點解討論區靜左好多...
中期...版主係chirs_webber,solari,奧古.......因巴夫昇退出, 大家選出奧古接任, 係呢期球衣版又有少少變化, 多左一d玩球員/落場版既會員出現,咁佢地出現令我可以接觸到球員版, 落場版呢d名詞....大開眼界~
後期,版主係chirs_webber,奧古,ThShevchenko.....thomas既來臨, 帶來好多唔同既訂購團, 等大家可以買到香港唔會搵到既波衫~呢期都多左幾多國內既版友留言....應該係球衣版最熱鬧既時期...
現在,版主係 奧古,ThShevchenko.......聽聞好多人都轉戰國內討論區, 但呢度冇靜過, 因為又加入左一批每事問既人, 跟本唔會睇人講乜, 通常都會離題, 每每只係問"邊度買 ?邊度有?邊度平?邊度印,幾多錢?" 呢d問題, 真係好討厭, 每每見到有"特價"呢個字, 呢d人一定會出現, 跟住不斷重覆"邊度買?邊度有?..." 雖則平野個個都想買, 但都唔係"係唔係"都問架? 可唔可以自已去搵吓料先, 唔好吓吓開個新tpoic, 仲要小小事講到"好煩惱" "救命" ...買咩衫, 印邊個都要問人, 唔係自已鍾意先買/印嗎?? 真係令人費解!! 所以我都冇乜回呢d post....因為真係好冇癮..呢d不過係極小數人啫~ 咁當然亦都好多好有心既版友啦, 佢哋熱心幫助各版友, 攪訂波衫團...辨別真假波衫...幫人搵衫/字.....各樣難題....
*2007/9/1更新:球衣版將交由管理團直接管理
以上歷史都係以我記憶所寫...可能時空有所丟亂....不過應該唔會爭太遠
註:d 粉人我唔會係度提....
[ 本帖最後由 vanhooijdonk 於 2008-6-18 04:43 AM 編輯 ] |
|
IP卡
狗仔卡
顯身å¡
咁係咪可以劏"田雞"？
