無聊小故----第八集

魯爾~小明

第八集



呢幾日的確好煩,究竟我應唔應該去澎馬流浪預備組o個邊報到,定還是退隊,思緒極之混亂,而我開始感覺到自己
迷失左方向,一個就黎二十歲o既青年,中五畢業,又無書讀,又無搵唔到野做,但眼前就有一個大好o既機會,但自己竟然無能力去接受,呢一刻o既我只係識得o係街上流連,一個人食飯,一個人睇戲,一個人亂諗野.........
好清楚呢一刻o既自己已經係咩信心都無晒,至於劉志峰話星期日踢波o個件事我根本無放o係心,況且伍家峰同呀銘o個班人都未必會黎,黎咁又點,本身我地都唔夠佢地踢,仲要加埋黃永強,同佢地踢未盞繼上次輸十球之後,今次可能比佢地送夠一打蛋比我地添,哈............

唔經唔覺又到左黃昏,不經不覺我竟然行到返黎屋企樓下,雖然行左成日,但我一d都唔覺倦,諗諗下都係唔返屋企住,自己一個人走左落球場度坐,腦裏面只係諗住一個人-----------方紫瑩,每次唔開心o既時候,都總會自自然然咁諗起佢,可惜我始終都係得個"諗"字,愈係諗,就愈唔開心.........

呢個時候有把熟識o既聲o係後面叫我...

"喂,家豪,做咩一個人坐o係度呀,個樣咁頹o既..."

原來係劉志峰,著住校服,拎住一個個又重又厚o既file行緊過黎我呢邊.....

"哦,無咩野,想靜下乍ma,係呢,咁夜至放學o既...."
"唉,o岩o岩至同幾個同學o係學校做份報告,依家都未攪得掂,今晚又要涯夜趕埋佢..."

之後我無應到佢,因為呢一刻我真係無心情o係度吹水,而劉志峰佢亦都睇得出...

"喂,真係無野ma,仲煩緊澎馬流浪預備組o個邊d野呀?其實你唔需要咁,佢選得你入去就證明左你夠資格成為佢地其中一份子,點解你成日係都要諗埋一邊o架..."

我依言無應到佢半句,一來唔想應,二來係自己唔識點應佢....但佢仍然繼續...

"由細識到你大,你份人成日都係咁,咩都話自己唔得,咩都話自己唔掂,好多野係要爭取o架,機會已經擺o係你面前啦,你仲要諗咩,你唔爭取機會好快就溜走o架啦,兩年前你話自己鐘意私校o個個女仔,好啦,成年同班竟然可以一句野都無講過,到依家見都無得見,你就成日o係度諗人,有咩用o者,怪就怪你自己唔爭取,感情你已經係咁,你係唔係想連足球都係咁呀............."

我仍然都係無理到佢,冷冷同佢講左句..

"夜啦,走先,你都早d抖..."

之後轉過身離開球場....

"喂,我未講完o架,心魔係要靠自己去衝破o架,你一日唔爭取你呢一世都無機會,呢一世你都注定失敗....家豪
家豪......喂.."

無論佢點嗌,我都係無回過頭,但佢o既關心,佢o既好意其實我係完完全全明白,完完全全咁收到,只不過我唔識表達出黎o者............

-------------------------------------------------------------------------------------------------
好快就到左星期日,劉志峰佢地成班已經到左球場,只係我未到..........

"喂,家豪點o架,佢唔係唔黎呀下話..."

鄭先波先開口....

"睇黎我估佢都唔黎o架啦...."

劉健威回應...

劉志峰對眼一路都無離開過球場門口,心諗.."佢一定會黎o架,一定會.........."

而我真係出現左,我都唔知點解自己今日會黎,劉志峰終於有笑容...

"我都估到你會黎,而且仲好肯定你會黎添...."

我望一望佢...

"點解咁肯定..?"
"因為我知道你仲係好鐘意足球...."

我沉思左一陣,回頭望左佢一眼....

"可能係啦...."

呀銘同伍家峰已經準備好晒,仲主動撩我地鬥波,呢場波好快就會開始,對我黎講,新仇舊恨係時候一次過算清,
我同伍家峰o既恩怨,對黃永強o既仇恨,對呀銘o既妒忌,今日一次過計清.........

(待續)

FabioCanNaVaro

出得好快

魯爾~小明

[QUOTE=FabioCanNaVaro]出得好快 [/QUOTE]