分享：和富大埔首季奪得雙料冠軍

fatsmall

今集小弟用和富大埔，貪佢有亞協盃打，一開始就將全部球員掛牌，賣得就賣，唔賣得就Release，唔理佢之前對球會有幾大貢獻(因為都唔關我事)，務球用最短時間建立本人班底及將班底年輕化。

限於財力問題，季初只簽入18人，貴精不貴多，華人球員有張春暉、魏釗、陳偉豪、劉全昆、林嘉良(Landon Ling)、麥基(Mckee)、徐德帥(Xu Deshuai)、鞠盈智(Ju Yingzhi)、凌琮(Ling Cong)、林學曦(Lam Hoi Hei)、Gianni Melwani、Chan Siu Kwan、馮繼志以及借用了陳肇麒。

外援方面，唔知點解喺西甲大球會掛咗牌出嚟既青年球員差唔多個個都肯嚟(而佢哋既質責相信可以喺任何歐洲球員落班)，所以一口氣簽入5人(但其中4人尚未夠18歲，要季中及來季先嚟到，暫時由巴塞來投既Thiago擔大旗)。所以搵住3個國援頂住當先(前中後各1人-Lu Jianjun、Shen Longyuan、Liu Weidong)，順便2年後可以成為本地球員，出戰亞洲賽。

陣型方面，為遷就球員特性，大打4-2-4進攻陣型。正選陣容如下：
門將：張春暉
後防：林嘉良、陳偉豪、劉全昆、Lu Jianjun
中場：Thiago、鞠盈智
進攻左右翼(AML、AMR)：徐德帥、Shen Longyuan
前鋒：凌琮、Liu Weidong
後備：魏釗、馮繼志、Gianni Melwani、Chan Siu Kwan、陳肇麒、林學曦、麥基

季初表現比預期好，聯賽首循環10戰8勝2負排榜首，銀牌賽決賽又以十二碼擊敗南華奪得冠軍。但由於兵源及財力不足，轉會市場重開後以15萬鎊將Shen Longyuan、Lu Jianjun賣走套現，然後免費簽入Mao Jianqing、Wan Houliang代替，並補充了白鶴及黎志星(Li Zhixing)，加上2名西班牙兵Keko、Koke亦滿18歲來投後，陣容漸趨完整。

雖然陣容比季初強，但亦難以兼顧多面戰線，唯有將注意力放在聯賽及亞協盃；先於聯賽盃決賽不敵南華飲恨，稍後足總盃於8強被晨曦淘汰出局，聯賽更由一度8分優勢被追剩至3分，形勢危急，幸好亞協盃首4輪全勝提早出線，季尾於5日內連須踢3場硬仗既情況下(3仗分別為足總盃8強對晨曦、亞協盃第5輪賽事及聯賽作客南華) ，為了集中火力對付南華，於首兩仗收起部份主力以致連敗2場，幸而榜首大戰最終該仗以3:1擊敗南華，領先6分下提早2輪宣佈奪得聯賽冠軍，亞協盃亦順利晉身8強，以雙料冠軍完成首季賽事。

由於班主唔肯開水喉，惟有向免費球員下手，卓卓約滿後來季加盟大埔，另外2名西班牙外援(Alipio、Marc Muniesa)亦已來投，吳偉超、高梵被球會掛牌，務求將佢哋帶來大埔球場，再簽多幾個本地球員，強化教練團，就可以迎接新球季來臨。

唔知點解Upload唔到file，惟有遲d先俾外援能力數值俾大家。