財爺誠品聽歌 撞正......

橙色力量

......


【明報專訊】去年六四    20周年前夕，特首曾蔭權    喺立法會    發表「代表論」，結果畀人鬧到七彩，獨立樂隊my little airport嘅成員阿P，仲即刻作咗首Donald Tsang Please Die，喺網上傳誦一時。Emily一直好奇，究竟特區政府    嘅一眾高官有冇聽過呢首歌呢？估唔到，正在台灣    嘅財爺曾俊華    ，噚日喺機緣巧合下，有機會聽到呢首網上「金曲」，不過就嚇到雞咁腳走人。

為搞好台港關係，財爺曾俊華首次以官式身分訪問台灣，仲同其他香港旅客一樣，噚日去咗誠品書店「朝聖」。由於今次係香港歷來最高級官員訪台，兩地工作人員都事先做足準備工夫，但去到誠品竟然百密一疏，發生咗一件尷尬事。

話說噚日誠品大老闆吳清友，同埋佢個千金、誠品執行副總經理吳旻潔以東道主身分，帶鬍鬚曾去誠品旗鑑店四圍參觀。

起初過程都叫順利，但一行人去到唱片部後，吳旻潔唔知有心定冇意，竟然選咗隻獨立樂隊my little airport嘅大碟《介乎法國    與旺角    的詩意》畀財爺聽，咁就出事！

樂隊hit歌 鬧爆Donald林D9

如果大家唔記得呢隊樂隊，等Emily提醒吓你，呢隊band嘅成員阿P寫咗兩首hit歌，一首係鬧爆林D9「人工高無口野做」嘅《瓜分林瑞麟    三十萬薪金》，另一首叫Donald Tsang Please Die，都係諷刺政府嘅作品，紅透互聯網。

聽唔夠20秒即走

鬍鬚曾「不虞有詐」拎起聽筒，仲笑笑口咁同吳清友講話係廣東歌，對方就話純屬巧合。點知聽咗唔夠20秒，鬍鬚睇到大碟口的歌名，先知出事，唔夠20秒就除低聽筒，雞咁腳行開。

另外，鬍鬚曾噚日喺網誌話，今次台灣之行見到唔少老友，其中一個就係台中市長胡志強。鬍鬚曾仲大讚胡志強既有親和力，又有幽默感，所以兩個人見面分外愉快，仲祝賀對方獲英國    《Monocle》選為全球十大市長 ！

http://hk.news.yahoo.com/article/100829/4/jy8x.html

FlyingDonkey

係咪祝福鬍鬚曾可以提早頂當奴個空缺