本人正式參選s20-21 u21國教

KevilS

大家好~~我係hk 3.12 Ultimate Offence既領隊,12季季尾開始玩bb,當時乜都唔識又唔上論壇~~行左唔少冤枉路(下刪10萬字)..廢話唔多講

本人從來冇u21教練團既經驗~~亦都冇乜後台~~不過有既係對港隊既熱誠同大量既空閒時間~~亦都對練苗有一定既認知~~
雖然唔敢話係頂尖既練苗好手~~不過亦都出產過Wa Li Zhu呢個u21港隊首席射手~~可惜受潛力同埋技能配合唔到大國手既戰術而被摒棄於港隊門外
不過已經捲土重來希望可以訓練出可以幫助港隊而唔止係幫到u21既球員~~呢個亦都係我參選u21國教既主要原因--希望集中於真正國苗既訓練而唔係只著眼係u21既訓練
希望我既一d方法or政策可以幫助到有心為港隊訓練人才既玩家

當然我都知道冇乜人認識我~~不過都希望有一d有經驗既玩家可以加入我既團隊幫助我..即使當選機會渺茫,如果當選者有意邀請我或者我既團隊我地都非常樂意接受呢個任務
大家選既唔止係我~~而係我既整個團隊同埋樂意幫助有可能當選既我既香港玩家~~即使唔投我亦都希望大家慎重咁使用自己既一票~~做出對港隊有利既選擇
要講既野係咁多~多謝晒

教練團隊
D3.12 Ultimate Offence
D3.14 柴灣喪頭
D3.2 上環喪歪
D3.12 西營盤喪龍
D3.8 堅尼地城喪聰

po_21

新賽季有得改名XDXD團長改個合群的名啦

聰蔥

新賽季有得改名XDXD團長改個合群的名啦
po_21 發表於 2012-5-15 23:43

KevilS

回復 2# po_21


    團長財困~~冇得改住~~要甩手到賣緊既人先得

冰子彈

頂!!!!!!!!!!!!

KevilS

回復 5# 冰子彈


    hi~~喪龍

eric951003

你覺得自己有咩比其他對手優勝既地方呢?

KevilS

回復 7# eric951003


    正如我喺篇文入面提到，我對幫助港隊有極大嘅熱誠同埋相信自己有比一般人更多嘅時間去處理u21嘅事務
另外亦都認為團隊內嘅人對訓練球員都有不俗而且全面嘅認知，希望可以為大國手提供更加實用同埋多類型嘅頂級球員，當然半成嘅時候自然都可以幫助u21爭取佳績
除咗上述所講，我自己亦都留意緊一啲有關訓練上嘅嘢，不過由於資料並唔太齊全所以短期內都分享唔到住
多謝你嘅提問，不過以我球隊嘅情況都好難好大口氣咁話自己嘅能力比其他參選者優秀，不過我哋絕對係充滿熱誠嘅團隊，亦願意嘗試去幫助港隊以及喺練苗方面遇到問題嘅玩家，希望大家可以支持我哋

chunistry

目前香港聯既BB玩家集中地依人數排係M群最多, HKD次之, HKCM最少...但暫時未見閣下同你既團隊有係M群/HKD出現過，如果你當選U21，我希望你地會多D時間上M群/HKD交流心得，因為好多玩家問練苗既問題都會選擇係M群/HKD問, 直接, 而且有多方面意見; 請問一下你有否打算在BBMAIL/HKCM之外都會參與其他論壇/M群既討論?因為以前都有主教試過從來唔上M群從來唔多同玩家交流, 我希望做得主教既, 真係有心有力去玩, 而唔係自己行埋一邊自己玩

KevilS

回復 9# chunistry


    如果我成功當選，自然應該提供更多直接聯繫嘅方法，當中絕對包括m群，同埋喺各大論壇對bb作出推廣同宣傳，多玩家係令少啲神苗流入電腦隊嘅方法，而活人隊嘅苗係港隊成績嘅根本，當選後絕對唔會只係收埋自己而唔同其他玩家交流

fred_yau

回復  chunistry


    如果我成功當選，自然應該提供更多直接聯繫嘅方法，當中絕對包括m群，同埋喺各大論壇對bb作出推廣同宣傳，多玩家係令少啲神苗流入電腦隊嘅方法，而活人隊嘅苗係港隊成績嘅根本，當選後絕對唔會只係收埋自己而唔同其他玩家交流
KevilS 發表於 2012-5-16 10:31

本身已經有m群...同埋hkd都有做promotion...
但當然仲有好多論壇冇宣傳過ge...

仲有...你個班底加埋你自己u21經驗嚴重不足...有咩方法解決先

jeffreyching

目前香港聯既BB玩家集中地依人數排係M群最多, HKD次之, HKCM最少...但暫時未見閣下同你既團隊有係M群/HKD出 ...
chunistry 發表於 2012-5-16 06:10

應該係HKCM最多的
但好多人長期潛水

KevilS

回復 11# fred_yau


    凡事都總有第一次~~若然大家真係對我有信心最好選左我做u21國教~~我地當然會向各位有國教經驗既玩家求教~~要搞好u21唔係話幾個人就可以做到既事~~相信即使落選,各位都唔會因為冇左個銜頭就拒絕協助國教~~經驗總需要透過實踐去累積~~假若真係咁好彩當選都希望各位前輩多多協助

po_21

你的熱誠是我欣賞的
好難有人真係練個球員只係為左u21
Wa Li Zhu 人工貴成咁,你都肯去練
其實香港最大問題絕對唔係教練,助教,青訓團隊
最大問題係我地自己
大家  有苗,高聯的又要顧戰績好難練得好
低聯又無錢買trainer
d4 為左買trainer 連成副身家都無埋的,我真係自己都唔好意思
因為到最後我真係唔敢講一定入到u21
d2/d3 聰明的各位 又鍾意炒苗,貴賣
到頭來,大約得20-30個真係有訓練過的球員
有d玩家 難得收到我地的bbmail,但係永世唔回...又唔聽人講


或者我地需要的其實係更多傻仔玩家肯去無私咁練球員

KevilS

回復 14# po_21


    呢隻只係一隻遊戲~~球會上面既野自己可以控制晒...好多時候大家都只係炒半成苗~~有為左賺錢既..亦都有養唔起..都有為左戰績著想而去賣左d苗~~但係自己覺得練一隻苗出黎幫港隊打波更加有意思..更加有滿足感~~好似wa li zhu咁..我覺得佢係u21既成績幾令自己自豪~~但係因為佢我都意識到潛力的確係障礙~~可能7潛8潛練得好or生得好都可以係u21賽場上面打出一片天..但係的確好難勉強佢地去打大港手...其實有時真係覺得u21既戰績並唔係太重要...我反而希望u21開始改革..盡量多d使用有潛質成大器而玩家又有意欲強練至廿四五歲為港爭光既苗~~可能初頭會令到u21戰績變差..但係最終必然令大港隊獲益..從而引誘更多人去練港苗...到時u21既選擇都會變多..相信戰績都會有相當既回升~~我有個諗法係希望呢d有巨大潛質既苗可以受到6訓既培養..而港隊可以回饋俾玩家既就係選佢地訓練既苗入隊從而提升佢地既商品收入...當然呢少少補助係微不足道..但我認為或者咁樣可以令到多少少人有心去練好一隻苗幫助港隊..不過只屬個人yy..對於可行性完全無掌握...只係推想only

當然上面係一個長期既計劃~~同埋係配合上面都需要好多既時間同有心為港隊出力既玩家~~但係我自己更喜歡一群唔識既香港人為左港隊集結去努力既感覺而唔係自己玩到球會好勁但係睇住港隊淪落~~港隊的確有少少不進則退既感覺~~趁住呢個時間係咪應該嘗試下一d新諗法~~以上只係我自己既諗法..一隻game每人都有自己鍾意既玩法~~我絕對唔討厭任何一種玩法~~所以不喜勿插

KevilS

回復 14# po_21


    btw~~我都發現有玩家唔知點解唔覆bbmail...明明係睇左...但係少少野都唔回下...仲要唔係一兩次~~其實一隻遊戲收埋玩好玩咩...唔係一大堆朋友同埋論壇咁多人討論...我可能都已經冇玩呢隻game

po_21

你ge睇法都不錯
我同意 將目光放遠d 去國家隊層面
或者可能放棄u21成就nt,可能可以 副技練好d再去主技


其實突然收到bbmail,我覺得都幾驚喜幾開心
雖然試過收到係gm扣錢-.,-

KevilS

另外有關6訓果度可能需要有少少補充~~可能有一部份人都知我依家練緊一隻10潛既苗...為左令佢有更好既成長我早幾個星期換左隻6訓返黎...由於手頭上冇乜錢只係用1000蚊入左隻高人工6訓..但係明仔竟然以20歲既高齡同6尺7既身高連升外防而且並唔係話d1升到3,,3升到5果種咁低既技能~~可能係偶然..但的確打破左一d我個人目前對訓練外線技能既認知~~所以暫時黎講個人非常推崇6訓既能力~~所以先會有上面話對使用6訓練苗既球隊而選入隊提供補助既諗法..但係明顯地我對於相關既資料並唔充足...冇辦法提供更多既資訊俾大家..唔好意思

KevilS

回復 17# po_21


    我每次on bb第一時間都係睇下bbmail右邊會唔會有個紅色括號

po_21

另外有關6訓果度可能需要有少少補充~~可能有一部份人都知我依家練緊一隻10潛既苗...為左令佢有更好既成長我 ...
KevilS 發表於 2012-5-18 00:15

    其實我有一個lv 7 練人的record 係個excel檔