|
|
第十集
我雖然好嬲,但仍然沉住氣,無任何還拖o既行動,老實講,其實我只係唔知人地係咩底,更加唔想惹咁多麻煩,如果我要還拖,早就已經還左,我認我係拗底,我認我內弱,但社會就係咁現實.....
記得初初o係呢個球場踢波,我第一個對手就係佢,佢o個陣唔係打龍門,而我o個陣仲係打緊清道夫,o個陣自己咩都唔識,技術又幼嫩,有o既就只係一份衝勁,有好多時自己都唔會點收腳,記得有一次.....
"痴線o架你,你想斷腳我唔想斷腳呀...#@%x!%(粗口)..."
呢句就係佢同我講o既第一句說話,我諗係因為咁佢對我好反感掛,但講真我對佢亦都無乜好感,更加愈黎愈憎呢個人.......
場波已經踢左一段時間,佢地亦都開始入局,再唔係懶懶閒咁搓波,尢其係呀銘,幾次快放同插花,對我地黎講係一個警號,呢次又係佢,對住鄺浩楠,幾下假身,鄺浩楠以為佢o係左邊去,估唔到佢右腳一"初","初"左個波去右邊,呢下動作佢做得好快,鄺浩楠失左重心,成個"扇"低左........
楊家樂成個飛剷落個波度,但呀銘o既速度實在太快,呢一下睇黎應該剷到波o既攔截變左剷到腳,呀銘比楊家樂剷到成份飛起,咁係因為佢o既速度太快o既關係........
"#@%x!%(粗口)..."
呀銘以一個好兇o既眼神望向楊家樂,對住楊家樂係咁罵,嬲到成塊臉紅晒,但楊家樂無理到佢,仍然保持佢一貫o既冷靜............
呀銘好明顯因為呢次o既攔截而變得好燥,上腳多左好多,下下自己去,但佢過到一個,過到第二個,過唔到第三個過到第三個,都過唔到第四個,縱使佢o既速度有幾快,插花有幾叻,但足球始終唔係一個人踢,佢咁樣只會更加有利我地去防守,加下好明顯我地比起上次o係保安道場波踢得好左好多,雖然都係無乜攻勢,但人人走多步,防守暫時黎講都唔係問題,而我總係好擔心會久守必失................
黑仔o係中圈組織攻勢,鄭梓傑埋去拍佢,一撞之下,鄭梓傑比黑仔撞開左,好明顯鄭梓傑o既身位係輸晒比黑仔,黑仔雖然矮細,但佢成身都係好結實o既肌肉,身位方面絕無問題,好多大隻過佢高過佢o既人身位都未必夠佢勁...
黑仔斜線放左個波去左邊,呀俊大步推落底線,左腳第一時間出波,近柱呀銘衝前溜過,引開左劉志峰,遠柱呀堅街上前壓住鄺浩楠一頂,個波勁到好似用腳射咁,劉健威反應好快,單手一拍,但仍然阻止唔到個波入網,1:0,我地先輸一球........................
中圈再開,同我o既諗法一樣,久守必失,人地攻左咁耐,終於都打開缺口,對佢地黎講就更加易打,而我最擔心o既就係我地會唔會好似上次咁一球又一球咁輸落去...........
鄭梓傑o係中圈將個波搓返後,劉志峰接應,大步一推推過左呀俊,好淡定咁轉邊比左鄺浩楠,鄺浩楠輕輕一印,將個波印左比我,我波都未控定,呀堅已經埋到黎,我荒失失咁大腳將個波踢左上前,個波好輕易落返對手腳下,展轉之間回返比伍家峰,佢大腳踢個波出黎已經到我地禁區頂,鄺浩楠頂出,楊家樂控左個波落黎,好冷靜咁放一下直線,個波o岩o岩好o係佢前面o既黑仔同呀銘兩個人之間溜過,我衝前接應,正想控個波之際.......甩腳,竟然毫無壓力之下自己推甩腳...........我徹徹底底咁破壞左自己隊友呢下咁靚o既直線......
黃永強襯住我甩腳,一下長傳,呀銘背住劉志峰,後腳腳跟推右走左過左劉志峰,窄角度起腳,個波遠柱死角入網,
佢拗腰射完呢個波之後,成個訓左o係地,就係咁我地輸緊兩球波,而且仲係輸我添......
"呢球輸我....."
我不斷咁同自己講....不斷咁怪責自己....!
(待續) |
|
IP卡
狗仔卡
發表於 2004-2-1 15:01:34
提升卡
置頂卡
沉默卡
喧囂卡
變色å¡
顯身å¡
