|
|
第十一集
輸到2:0之後,彷彿覺得自己係球隊o既負累,中圈再開,鄭梓傑推左走右過左黃永強,之後o係右路狂推,落到底線,呀堅已經o係佢面前準備出腳,鄭梓傑好巧妙咁通左呀堅坑渠,呀堅轉身勁快,一轉身已經蝕晒身位,諗住讓守門員伍家峰出黎接波,但鄭先波一支箭標左上黎襯機截左個波,後腳將個波撞返後,我面對住一大個空門,黃金機會就o係我面前出現左,我快呀志一步右腳一射,個波竟然炒到勁高..............
"咁都唔入...."
我自言自語,雙眼張得好大,擺出一個難以置信o既表情........
呢一刻我真係唔信自己會空門不入.......
"#$%&^$(粗口),點護個波o架你...."
伍家峰笑笑口咁指住呀堅,作勢罵佢咁....
"你痴線o架,唔好話你出得慢..."
呀堅笑住咁回應....
我懷住好沉重o既心情,低著頭咁行返中圈,就好似一個囚犯咁....
"喂!家豪,唔緊要喎,呢次唔得,未下次o羅...."
鄭先波走過,拍一拍我o既肩膀安慰我,但我真係無辦法原諒自己,更加搵唔到任務藉口為自己辯護.....
我呢一腳就好似將自己踢落無盡o既深淵,好難至返到身.......
雖然我晒左個黃金機會同浪費左隊友好多好靚o既傳送,但好明顯我地o既攻勢係多左好多,可能輸緊兩球波,大家都放開左黎打.........
今場好活躍o既鄭梓傑一吸吸過左呀志,o係右邊以左腳傳中,可惜鄭先波唔夠呀堅頂,呀堅一頭頂出,禁區頂,咁o岩又係我,衝前第一時間右腳抽射,個波都算射得好勁,但無角度,伍家峰飛身接實左個波..........
"你當我流o架......"
伍家峰呢句說話當然係衝住我以黎啦....
我唔知點解佢咁講,更加唔知佢呢句說話係咩意思,但擺明係挑釁,我仍然無出聲,無理到佢,因為我再唔想為呢d小事黎傷身,諗下點踢好d仲好啦,今日踢得咁差......
比我地攻左無耐,佢地黎一個好快o既突擊,幾腳好清脆o既短傳,呀銘想用速度擺脫楊家樂,但楊家樂以身位死纏住佢,而o係自己禁區頂o既我準備出腳攔截,但呀銘好輕易就推過左我,而我仲同楊家樂撞埋一齊,呀銘將紀錄改寫成3:0,而呢球波又係因為我o既過錯而輸..........
入完呢球之後,佢地都唔再打算繼續踢落去,執野準備走....
"今日收夠籌啦,下次再踢過啦..."
黑仔好友善咁同我地講再見....
"咦,家豪呢?"
劉志峰換完衫之後,發覺唔見左我,其實我無聲無色咁衫都無換就走左,可能我唔知點面對佢地啦,今日佢地打得好好,但因為我呢個罪人而輸波,腦裏面不斷咁諗返頭先場比賽,呀銘好輕易推過我o既情境不斷o係我o既腦海重複咁播放....................
我行左入便利店,打開雪櫃o既玻璃門,拎左支野飲排隊比錢之際,我抬頭一望,排o係前面o既竟然係方紫瑩,見到佢本來我覺得開心至o岩,但今次係見到佢拖住另一個男仔..............
(待續) |
|
IP卡
狗仔卡
發表於 2004-2-8 18:21:40
提升卡
置頂卡
沉默卡
喧囂卡
變色å¡
顯身å¡
