無聊小故------第十四集

魯爾~小明

第十四集



第二日,我仍然好似平日咁,照常咁返工.....

"好倦呀,好彩咁快又到lunch..."
健威伸左個懶腰...

"係呀,點呀,今日去邊度食呀..."
"係喎,sorry呀,今日要陪人呀,最多聽日o個餐我o既..."
"哈!預左啦,聽日記住帶夠錢呀...."
"你同我定啦,係咁先啦,趕時間..."

當我正想自己一個去買飯盒之際...

"咇咇.."
一架黑色o既私家車o係我面前停低....

"李家豪,賞唔賞臉一齊食餐飯咁呀...??"
我望一望車裏面,原來係岑志輝...我望左佢一陣...唔識可以比咩反應佢...

"望咩o者,上車啦..."
我自己都解釋唔到點解我諗都無諗就上左佢o架車...

一路上,我只係望住車外....過左一陣佢終於主動開口撩我講野...

"係呢?想食d乜咁呀,想飲茶定食大排檔咁呀..."
我仍然保持沉默...
"唔出聲即係點呀,咁我話事o架啦,就飲茶啦,前面o個間d牛肉燒賣好正o架...."

我亦開聲將我心入面諗緊o既野講出黎....
"我係唔會返球隊o架,尋日未講得好清楚o羅..."
佢笑左一笑...
"我依家又唔係迫你返球隊,我只係嫌錢多想請你食餐飯,想同你做個朋友乍ma...."
"諗諗下都係唔好啦,過兩個街口o個間食米線仲正...."

我地簡左個角落頭位黎坐,呢間野雖然係細,仲坐得好迫添,但都有唔少人黎幫襯....

"老細,兩碗牛米(牛肉米線),少辣......."
"ok,收到.."

"呢度d米線好正o架,湯底又濃,唔夠再叫喎記住,唔洗同我慳o架...."
"哦!好呀,多謝先..."
話晒都係人地請食飯,點都要有句多謝o既....

"我真係好想同你傾下...."
岑志輝個樣突然變得好認真...
"我真係好想知道到底發生咩事令你對足球o既態度變得咁快,點解會放棄足球...."

既然係咁我亦都開門見山同佢好好地傾下,反正佢今餐飯o既目的都係想咁o者,如果唔係o既話,呢餐飯亦都變得毫無意義,而且直覺話我知佢係一個值得信任o既人.......

"自從我傷完之後,一直都踢唔返以前o既水準,而且仲踢得好差好差,我可以連波都控唔到,我可以空門都唔入,我可以比人好輕易咁推過,就好似變返一個唔識踢波o既人咁,所以我根本無能力做到你地球隊想要求o既野,我唔想入到去比人笑到臉都黃,我唔想累到你地,我覺得其實我真係唔o岩踢波o架,由細到大,好多人都講過話我手硬腳硬咁,我知o架,不過我格硬黎乍ma,因為我實在太過鐘意足球,真係好鐘意,佢係我生命之中一樣好重要好重要o既野..."

"就憑呢句說話,我覺得你應該返黎,你鐘意足球就唔應該逃避,係球員都會試過狀態低沉o架啦,有邊個未試過先,何況你仲咁後生,時間多的是,點解要放棄自己o既理想o者,你驚比人笑,咁未自己努力d去訓練o羅,你手硬腳硬,咁唔代表d咩o架喎,呢d根本就可以用訓練黎解決,只不過係是乎你有幾大o既決心同有無恆心o者,唔係人人都有機會去實現自己o既夢想o架,但你竟然貿貿然然就放棄,你點對得住你自己,點對得住足球..........."

聽完佢呢番說話之後,我的確成個人即刻醒晒,好慚愧...........

"對唔住,我之前咁o既態度,我仲可唔可以返去同你地一齊踢波呀....."
佢拍一拍我膊頭......
"後生仔一時諗唔通我見唔少,唔緊要o架,我就係想你講呢句....."

"家豪,你知唔知我o既夢想又係咩呀,我o既夢想就係可以親自裁培出一個世界級o既球員..."
岑志輝心諗..


(待續)

孫中謝拉特.奧雲

就由你去達成佢既夢想啦

FabioCanNaVaro