|
|
序
火, 可能係人類最大o既敵人。 你永遠唔知佢會幾時出現… 而總會有人要面對呢個無情o既敵人。 佢地就係 - - - 消防員。
Chapter 1
呢一日風和日麗, 剛剛出班o既登勤被派往旺角消防局。 登勤係一位熱血青年。  今朝早佢好早起身, 一早準備好返消防局。
登勤: 「 阿媽, 我返工啦。」 登勤拜別佢母親之後就出門口。
登勤: 「 今日真係好好天呀, 心情特別開朗。」 登勤一幅傻仔o既面孔望住個天, 突然間, 佢feel到頭上有d野。 
登勤: 「 嘩, 真係太好天啦, 連雀仔都忍唔住要舒暢一下。」 冇錯, 登勤就係一個天真兼性格開朗o既二十歲青年。 即使中左招都樂觀面對。
登勤行下行下, 終於到左旺角消防局。 佢一入到去, 只係見到有個大肥佬企o係度流緊口水。 
肥佬: 「 喂喂喂, 你睇下出面果條女著得幾少布!  」 佢同隔離果位人兄講。
登勤: 「 唔好意思, 我係新調o黎o既登勤呀, 唔知…」
肥佬: 「 哦哦, 你好呀, 我叫做奇連士勤, 個個都叫我肥勤架。我隔離呢個就係姜圍。」
「o即o即o即」 佢地講講下聽到d好核凸o既聲 
姜圍: 「 容司機, 你成日咁抹, 架車都比你抹爛啦。」
容司機: 「 我愛車黎架, 唔抹容乜易壞呀。 …呀, 你係新調o黎果個下話﹖ 我叫做容斯基呀, 英文名係YOSHIKI。  」
突然之間有個人破門而出, 好有氣勢咁行過去登勤面前。
史談: 「 你就係新o黎果個登勤下話﹖ 我係史談, 高級消防隊長, 你可以叫我做史sir。」
登勤諗: 「 d 對白唔好咁行得唔得﹖  」
史談: 「 我隔離呢個係蘇甘甘, 係見習消防隊長。 你由而家開始跟細搶車, 我帶你去見下d同事。」
出到操場, 見到成班人o係度做緊運動, 當中有幾個衣衫不整…
史談: 「 o拿, 衣衫不整果兩個就係關雨同張輝, 佢地好好老友架。 佢地同埋加雲, 航仔都係跟泵車o既。 同你一樣跟細搶o既就有白賴仁, 姜圍同肥勤。 至於升降台o既就有迪比, 趙云同王忠。 企o係果邊丘緊褲o既係莫拉度, 佢係消防隊目黎, 負責睇住你班友仔, 我地個個都叫佢做阿爆架, 佢o係呢間局o既年資就最耐o既。 至於救護方面, 由蘇甘甘帶你去啦。」
蘇甘甘: 「我地呢間局呢, 救護人員就得3個架姐, 不過有個救護之花o係度。」
登勤頓感興奮: 「 救護之花﹖  」
蘇甘甘: 「 係呀, 佢叫阿嬌, 好省鏡架, 不過阿叔都成四十歲人囉, 唔o岩我, 睇下你有冇本事啦, 後生仔。」
登勤: 「 有靚女做野都精神d啦。 」
講下講下, 佢地行到去操場o既另一邊( 個操場唔係好大架姐)
蘇甘甘: 「o拿, 果兩個就係救護員馬豬同奧益喇, 阿嬌今日放假。」
登勤感到好失望
蘇甘甘: 「 唔洗失望喎, 來日方長。 不過你要小心d, 呢間局好多人o侯住佢, 好似肥勤咁喇, 佢出左名咸濕架喇, 你要小心提防佢, 另外仲有阿爆, 你咪睇佢成三十幾歲人呀, 個樣仲keep得幾好架, 身材又fit。  」
登勤: 「 唔係嘛, 我好有信心啵咁樣。」
蘇甘甘: 「wtf…」
史談: 「 你地傾咩咁好傾呀。 登勤, 換制服做野啦, 你以後就跟team a。 所有人十五分鐘後咩ba(煙帽) 跑 4800米」
登勤好驚訝: 「 一黎就咁激﹖」
蘇甘甘細細聲咁話: 「 佢出晒名變態架, 你千奇唔好激嬲佢呀, 唔係死得好慘….」
登勤: 「 會點架﹖」
蘇甘甘: 「 比人ban囉。  」
登勤: 「 o下﹖」
蘇甘甘: 「 輕則比佢用獲鏟ban頭, 重則難以想像…」
登勤聽完之後打晒冷陣: 「 死啦, 會唔會亂咁ban人架﹖ 」 |
|
IP卡
狗仔卡
發表於 2004-7-19 01:38:27
提升卡
置頂卡
沉默卡
喧囂卡
變色å¡
顯身å¡
發表於 2004-7-19 15:23:41
