|
|
上回懶係激咁話瑪姬架車係3號風球下炒車, 跟住一下雷擊擊中隔離架旅遊巴!! 咁結果係點呢﹖
Story 11
一下雷擊擊中左架旅遊巴!!
蘇甘甘等人即刻飛身趴低!!
阿爆: 「 頂呀! 旺角咁多樓, d雷都劈到落黎既﹖」
冇辦法啦, 故仔就是這樣的。 
蘇甘甘: 「 大家有冇事呀﹖﹖」
個個都好神乎其技咁樣避開左!
但係火勢一路燒到瑪姬架車果度! 瑪姬身陷險景!
登勤: 「 瑪姬!!!!!!!!!!!!!!!!!!!!」
登勤係老遠大叫 ( 皆因佢上集比阿爆拖走左)
登勤即刻衝埋去架車度
蘇甘甘: 「 阿爆, 開喉!」
蘇甘甘叫阿爆開喉向住架私家車射水
航仔呢個時侯拎左d架生過黎, 準備救瑪姬出黎 (效率好慢下啵!)
登勤: 「 頂住呀! 瑪姬, 我地好快救到你出黎架啦!!」
終於, 經過一輪搶救後, 佢地救左瑪姬出黎!
救護員馬豬即刻同瑪姬進行急救
登勤: 「 馬豬, 你一定要想辦法救醒佢呀!」
馬豬: 「 好!」
接著馬豬送左瑪姬上救護車去醫院
登勤似乎想跟埋去, 但比蘇甘甘阻止左!
蘇甘甘: 「 你想去邊呀, 唔洗做呀﹖」
登勤心有不甘咁…想喊 
眾人上返車, 諗住返局, 點知控制室突然急call!
控制室: 「 今晚食乜送﹖~」
大家都打左個凸…
基羅斯: 「 旺角細搶calling fire control, 今晚有冇湯飲﹖」
蘇甘甘一拳打落基羅斯度!
蘇甘甘: 「 拎我個對講機﹖ 冇大冇細!」
控制室: 「 唔好意思…..禁錯制, over」
蘇甘甘: 「 咁樣…今晚食菜心炒牛肉啦  , roger」
~~消防局~~
登勤好失落, 航仔諗住埋去安慰佢
登勤: 「 好傷心呀….傷心到廁所都去唔到…」
航仔: 「 …唔好咁啦, 吉人自有天相既」
七狼: 「 你便秘咋下話﹖  」
登勤怒啤七狼!
蝦仔就行埋去七狼身邊同佢咬牙仔
蝦仔: 「 七狼, 佢啤你喎, 洗唔洗打壓佢﹖  」
七狼: 「 我都想, 不過而家咁o既時勢, 算啦~」
[ 特別新聞報道 ] 一則特別新聞報道, 我係媚媚, 歌手 “瑪姬” 乘坐o既私家車剛剛係旺角發生車禍, 消防員用左大約二十分鐘將佢救出, 其間另一架旅遊巴發生爆炸, 造成險象。 事件中造成一名司機死亡, 該司機為 “瑪姬” 經理人, 暫時未知 “瑪姬” o既情況。 風暴消息, 颱風 “團部” 現正集結係香港對出海面十公里, 天文台已經o係三分鐘之前改發8號風球, 請各位市民留意。 特別新聞報道完畢。
肥勤: 「 乜解究而家咁多特別新聞o既﹖」
航仔: 「 o拿, 而家唔知佢咩情況呀, 或者佢冇事呢﹖」
七狼: 「 或者…」
登勤再啤一啤七狼!
<<叮咚咚叮>> [ 特別服務 有人跳樓 旺角出細搶, 泵車, 救護車 長沙灣出鋼梯 地址係…]
~~跳樓現場~~
呢次又係蘇甘甘話事, 因為史談今日係升降台更
企跳者企係30樓, 全棟大廈得31層
基羅斯: 「 八號風球都跳樓﹖ 博上鏡咩」
蘇甘甘: 「 阿爆、航仔、登勤, 你地上天台準備游繩落黎救人。 其他人跟我上去 …基羅斯, call喉車同燈車黎! 快!」 ( 註: 救生墊係擺係喉車度, 而氣墊需要泵氣, 燈車有呢個功能 )[/COLOR]
蘇甘甘等人上到現場, 有兩個警察係度同個企跳者談判緊, 佢家人都係度
家人: 「 阿b~ 你唔好跳啦…有咩事你返落黎先講啦!!」
阿b家人喊住咁講
阿b: 「 你地全部走開呀... 我而家乜都冇架喇…!」
阿b好似有d酒意, 地上有幾個啤酒罐
蘇甘甘介入左
蘇甘甘: 「 阿b, 出面大風呀, 好危險架, 你返落黎先啦~」
阿b: 「 你係乜水呀﹖ 我都唔識你既, 你快d走開!! 搵個靚仔do既黎同我講!  」
蘇甘甘為左顧全大局, 不得已由較為靚仔d o既肥勤黎同佢傾 
此時, 阿爆佢地上左天台, ready 好晒啦
阿爆: 「 陣間我游落去, 航仔就拉實條繩, 登勤你…standby定先啦, 長沙灣個希亞果班人係下面準備接應架喇」
我地返返去阿b屋企
肥勤: 「 做乜事坐到咁出呀﹖ 發生左咩事呀, 話比哥哥聽~」
阿b: 「 … … 我唔見左粒水晶呀… 我個fd借左我兩蚊雞到而家仲未還呀……..咁樣我做人仲有咩意思呢﹖」
肥勤: 「 …其實好小事姐, 呢個世界仲有好多野值得留戀架… 但係你一跳落去…就乜都冇架喇… 你睇下你阿媽幾傷心﹖」
阿b有d想返落黎
肥勤: 「 係囉, 返落黎先啦先生~」
阿b: 「 先生﹖﹖ 我係女人黎架!!!!!!!!!!  」
在場所有人眼都凸埋… 因為阿b的的確確有晒男人應有o既特徵…
阿b即刻一個後手番彈左出去 
就係阿b跳起果一刻, 蘇甘甘即刻用對講機叫阿爆action!!!!!!
阿爆即刻極速游落去!!
阿爆: 「 等我施展我o既壁虎神功啦!」
阿爆好似隻壁虎咁衝落去, 但佢似乎唔記得左壁虎係怕水o既.. 
話咁快阿b已經飛到落去23樓! 阿爆亦趕到!
阿爆施展一招 “奪命交剪腳” 夾住阿b!!!
呢個時侯喉車先趕到, 希亞等人立即打開氣墊, 用燈車吹漲佢
呢個時侯阿爆仲夾住阿b係半空中!
但現場落緊好大雨, 兼且8號風球緊, 阿爆顯得有d吃力
阿b不停掙扎!!
阿b: 「 你同我死開, 我要死呀!!!!!」
阿爆死都夾實阿b
阿爆: 「 唔好咁啦先生! 生命可貴呀!!」
阿b: 「 我都話我唔係先生囉!!」
阿b說罷就一腳倒掛金勾申落阿爆個屎坑度!
「啊!!!!!!!!!!!!!!!!!!!!!!!!!!!!!!!!!!!」 阿爆慘叫一聲  , 終於夾唔實阿b啦!!
阿b即刻極速飛落樓!!
希亞: 「 咪住呀!! 未吹漲個墊呀!!」
阿b一野飛左落個墊隔離…粉身碎骨…
阿爆: 「 damn it!!!!!」
阿爆非常後悔
八號風球中, 又多一名死者…
11集完 |
|
IP卡
狗仔卡
發表於 2004-9-1 16:30:04
提升卡
置頂卡
沉默卡
喧囂卡
變色å¡
顯身å¡
