|
|
風和日麗o既早上, 中五學生蘇甘甘穿上校服, 踢住佢心愛o既火車頭足球返學…
「「「 BUBUBBUBU~~~~!!!」」」
粗獷司機 : 「 小你呀死o靚仔!! 過馬路唔好踢波呀!! 仲要踩埋波車, 我差d就車撚扁你啦!!! 」
蘇甘甘拎起個波龜咁腳行開
蘇甘甘: 「 o shit!! 遲到添!!」
「 叮噹 」
蘇甘甘踏入校門之前一步剛剛打鐘
出名鐘意罰人o既禽獸楊主任即刻閃出黎!
禽獸: 「 蘇甘甘, 今次已經係你呢個月第二次遲到喇啵, 你又有乜解釋﹖」
蘇甘甘: 「 …呃…我頭先過馬路果陣差d比車撞死呀…所以遲左d…」
禽獸: 「 …呢個解釋幾新穎, 幾有創意…今日所有小息, lunch time 同放學後係教員室出面倒立!!」
蘇甘甘: 「 雖然我唔係主角姐…但係唔洗咁對我下話… 」
上到5A班房, 又見到全校惡霸阿爆係度鬧人…
阿爆: 「 快d拎返黎!!!!! 信唔信我打到你連鼻屎都飛埋出黎呀喇!」
原來係小西撻左阿爆心上人 – 茄雲o既巾.. ( 註: 係阿爆單方面戀人)
阿爆: 「 都未死過..夠膽拎茄雲塊紙巾去了鼻屎﹖!! 茄雲, 你條巾呀~ 」
茄雲: 「 唔該晒喎阿爆~」
小西除即比阿爆執左幾劑
班主任法蘭奇課室
法蘭奇: 「 大家靜d, 而家開始點名…」
==小息時間=
大家聚集晒係教員室外
學生甲: 「 嘩, 你睇下!!」
學生乙: 「 喔 」
學生丙: 「 啊 」
阿爆都黎臭下熱鬧, 由佢既跟班七狼同魯爾開路
七狼: 「 死開啦!!」
魯爾: 「 爆哥, 請~~」
阿爆: 「 咦喂, 蘇甘甘, 你算咩意思呀而家, 用下一代黎同我講野﹖﹖」
蘇甘甘好辛苦咁答
蘇甘甘: 「 阿…爆哥…我比…人罰緊呀…」
阿爆: 「 咁抵死﹖」
蘇甘甘: 「 幾…架..」
阿爆: 「 唔好用晒d力呀, 放學之後我地仲要同隔離BK學校踢返場衛生波架!! 唔衰得架 !! 你知唔知呀!!! 係唔衰得架!!!!!!!!! 」
阿爆好激動
七狼: 「 爆哥…冷靜d…冷靜d…」
阿爆: 「 我好肚餓, 有冇水﹖ 」
蘇甘甘: 「 …我左邊…褲袋…有張…金牛…」
阿爆二話不說就拎左去
阿爆: 「 好, 落去canteen食野!」
==放學後==
~~七人場~~
蘇甘甘冷下冷下咁行出場
阿爆: 「 小你! 行快d啦, 全場等你一個呀!」
BK學校靚仔前鋒麥基粉墨登場!!!
 麥基: 「 你地成班軟腳蟹咁, 點同我地連續七年全港學界冠軍比賽呀﹖」
阿爆: 「 踢落先知!!」
兩隊o既陣容
BK學校:
FW 靚仔麥基 無名小卒
MF 尼維特
DF 無名 希亞 小卒
GK 不詳
GNA學校:
FW 魯爾 阿爆
MF 七狼
DF 吳色 蘇甘甘 吳之
GK 肥勤
七狼行埋去同阿爆咬下耳仔
七狼: 「 阿爆哥呀…其實呢…我覺得你都係踢返後面好D…」
阿爆: 「 blow shit!! 茄雲佢地成班女係場邊睇緊, 我梗係要踢前面入波威下架啦!」
茄雲: 「 唔知佢地會踢成點呢﹖」
小西: 「 冇左我…好難講」
小西原本係5A班主力, 但係之前去廁所唔小心拉傷股溝, 所以冇得出場
開波啦!! 比賽時間為三十分鐘
麥基二話不說就帶球前進, 首先輕易地扭過阿爆同魯爾 , 七狼作出攔截!!
七狼: 「 看招!!」
麥基挑過七狼 , 面對住對方豆腐防線
尼維特: 「 交波!! 交波!!」
麥基醒目地傳球比尼維特
尼維特幾下插花就過晒班後防面, 對住肥勤
肥勤: 「 看我的!!」
尼維特突然傳橫, 原來麥基一早捕左係門前!!
1比0!! BK學校就咁領先一比零喇
十分鐘之後, BK學校已經領先到3比0
蘇甘甘: 「 嘩…班BK仔咁勁既…」
眼看GNA學校會大敗之際, 5B班同5C班o既人睇唔過眼走出黎幫拖!!
馬豬拖住女友阿嬌出場!
馬豬: 「 你地咁既質數就想代表我地GNA﹖ 等你地見識下咩叫足球啦, 登勤、 蝦仔, 落場hell一hell佢地! 」
5C班既阿B、玉酸雞同當奇坐係場邊睇下波, 吹下水
阿爆: 「 激氣呀…」
蝦仔: 「 阿爆, 你踢後面啦, 登勤會幫你手。」
阿爆: 「 你咩料呀, 夠膽咁樣同我講野﹖﹖ 信唔信我打到你連鼻屎都飛埋出黎呀喇﹖!!」
5A班同5B班不嬲唔o岩牙
蝦仔: 「 你知唔知…你頭先踢波果陣成個傻仔咁呀﹖ 你根本就唔係前鋒料, 踢返後面啦。」
阿爆成身震晒
七狼: 「 死喇…要爆啦…」
阿爆粒聲唔出轉頭行去後場
5A班成班人都呆晒!!
七狼: 「 爆哥..你冇乜野呀嘛﹖ 」
阿爆冇應佢…
蝦仔: 「 好, 開波!! 追返3球返黎!! 」
麥基: 「 睇下點 」
第一集完 |
|
IP卡
狗仔卡
發表於 2004-12-8 20:20:39
提升卡
置頂卡
沉默卡
喧囂卡
變色å¡
顯身å¡
發表於 2004-12-8 20:33:42
: