|
|
~~11人場~~
蘇甘甘: 「 嘩, 咩料呀﹖ 阿倫譚、克勤李、謝檸檬、阿叔、菜肉如…」
七狼: 「 咁大派頭既﹖」
法蘭奇: 「 冇錯, 由於你地o既姓楊, 五十歲禽獸訓導主任既關係, 所以我地請到呢隊 “明蒸足球隊”黎同你地切磋切磋。」
沙基: 「 唔好講咁多啦, 快d熱身, 然後聽我發up風! GOGOGO!!!」
==熱身中==
玉酸雞: 「 同咁多明星踢波, 真係有d淆低添…」
蝦仔: 「 車, 咪好似果套乜春四藥草咁集集搵d明星黎串一串佢咋﹖ 」
沙基: 「 熱完身未﹖ 熱完就過黎。」
大家走埋去坐低聽沙基發up風喇
沙基: 「 人地今日會以 “左麟右李” o既組合係前線攻堅…登勤, 蘇甘甘, 你地兩條負責打中堅mark住佢地…小心d, 話晒人地年年廿五歲, 氣力絕對唔會輸比你地班蛋散! 所以呢…醒定d喇」
登勤: 「 哦 」
沙基: 「 阿B守龍, 阿於同當奇就係登勤同蘇甘甘前面掃蕩…阿爆同豬莎踢兩閘, 玉酸雞同蝦仔踢兩邊, 七狼踢中間, 魯爾踢最前啦!!」
阿爆: 「 阿sir…咁即係咩陣呢﹖﹖」
沙基: 「 咁都睇唔出﹖﹖ 我地踢防守足球, 901, 玩穩守突擊!!」
蝦仔: 「 唔係嘛…」
沙基: 「 你唔明咩係穩守突擊﹖ 所謂o既穩守突擊呢…就即係穩守左先, 然後再…」
球證吹雞示意雙方球員出場
由於GNA班友仔冇波衫著, 所以佢地全部除晒衫出場
七狼: 「 痴線架…咁涷要我地唔著衫… 」
魯爾: 「 咪係…咦喂!! 阿U, 你邊度搵兩塊乳貼出黎架﹖」
阿U: 「 我係場邊執架~ 」
七狼: 「 咁都得﹖」
阿U: 「 梗係啦, 個個都露晒點咁, 陣間禁播咁點算﹖」
魯爾: 「 咁又係呀…到時比人打壓就唔好啦, 七狼呵﹖ 」
七狼: 「 exactly! 」
比賽分為上下半場, 半場踢30分鐘, 冇換人限制
開波啦!! 明蒸足球隊開波先
皮球落左係曾志偉度, 蝦仔走上前
蝦仔: 「 你咁肥, 我唔洗兩三下手勢就搶到你個波啦!」
曾志偉兩下插花扭過左蝦仔!!
蝦仔: 「  」
曾志偉立即橫傳比阿叔, 阿叔離門三十碼怒ban射成1比0!!!
阿B: 「 …搞錯呀…」
接著GNA繼續挨打, 不消三十分鐘已經輸到3比0…
蝦仔: 「 豈有此理!! 仲打乜鬼901呀, 我地進攻啦, 入返一球先!!」
阿叔控定皮球, 立即有幾個GNA球員衝埋去!!
沙基: 「 你地做乜野呀﹖﹖ 我叫左你地穩守突擊呀!! 做乜全部人上晒去呀﹖﹖」
阿叔一腳長傳比空晒o既阿倫譚, 阿倫譚怒射!!
阿B: 「 弊!!」
皮球彎過阿B!! 好彩阿B個朋友-門柱救左佢一命, 上半場完
沙基: 「 你班蛋散…我上半場同你地講過咩架…我話要穩守突擊嘛!! 」
蝦仔插咀
蝦仔: 「 妖你!! 我地輸緊3球呀, 仲穩守, 守都守唔到啦, 仲點突擊呀﹖」
沙基: 「 小你!! 你咩態度呀!! 我而家係你地阿sir呀, 係球場上面, 球員永遠要聽教練指揮, 如果唔係既話只係一隊雜排軍!! 你地繼續唔聽我講既話只會原地踏步!!」
大家頓時開竅
沙基: 「 …你地想追返既…唔係冇可能, 不過要睇下你地有冇心, 同埋有冇聽我講野姐」
阿爆: 「 快d講啦阿sir, 我上半場冇掂過波咁滯呀, 我想掂下個波呀.. 」
沙基: 「 喇, 我比多次機會你地, 嬴唔嬴到就要靠你地自己喇, 我地下半場踢451..」
下半場展開!!
GNA班球員明顯積極左, 壓迫亦都緊左
下半場3分鐘, GNA右路得到一個角球, 由玉酸雞開出, 蘇甘甘黎一招泰山壓頂頂嬴菜肉如!!
1比3!! GNA下半場開始冇耐就追返球
沙基: 「 咦…角球戰術洗得喎…」
下半場13分鐘
當奇中路截到個波, 大腳送前比空晒o既魯爾, 年事已高o既菜肉如同阿叔只好望塵莫及…
魯爾單刀面對住謝檸檬, 謝檸檬立即出迎, 諗住以一招 「無聲仿有聲」嚇七魯爾, 點知魯爾乖巧地將皮球挑過檸檬, 射成2比3!!
魯爾: 「 o shit! 冇帶介指添…」
之後戰況一直膠著…
場邊突然黎左一個人…
沙基: 「 咦… 你貴姓呀﹖」
華頓: 「 …阿蛇…喎…喎叫華頓呀…喎本來腩住考姣隊…典之要流糖…所以慈度…」
沙基: 「 …咁…咁你想點﹖」
華頓: 「 喎…喎想踢波…喎踢錢瘋…」
沙基: 「 又好, 係時侯睇下其他球員…」
於是沙基就作出一連串調動
肥勤on for阿B
44 on for 當奇
謝拉特 on for 阿U
冬之子on for 蝦仔
藍天尼 on for 玉酸雞
華頓 on for 魯爾
桉桉 on for 阿爆
下半場28分鐘
沙基: 「 仲差一球呀喂!! 冇時間啦!」
GNA又係右路得到個角球, 由藍天尼開出
皮球直飛登勤頭頂, 誰不知登勤溜頂, 然後中間黎一個大混戰, 最後皮球溜左比後上o既謝拉特!
就係謝檸檬想出又唔出、欲拒還迎之際, 謝拉特怒ban破網!!
3比3!!!
謝拉特: 「 yeah!!!!!!!!!!!!!!!!!!!!!!!!!!!!!!! 」
謝拉特開心到通街走, 典知球證阿叻眼見老友比人追平, 老羞成怒而比左張黃牌謝拉特!!
謝拉特: 「 唔係嘛球證﹖ 你吹咩呀﹖」
球證阿叻: 「 國際足協定明入波後唔准除衫慶祝, 遺例者要食牛肉乾一塊!」
謝拉特: 「 痴線架, 都唔知邊條友食飽飯冇野做, 諗d咁既條例出黎!! 搞到我次次都冇得睇懷斯果六舊腹肌!! 」
補時階段, 明蒸足球隊班老鬼冇晒氣, 所以溜左好多空位出黎
藍天尼諗住從右路轉邊比左路既44, 點知佢撻q, 結果益左前面o既華頓!!
華頓面對住大大個龍門!!
華頓: 「 看喎的!! 衝力射球!!!」
謝檸檬驚到雙手掩頭, 跪地痛哭(條褲仲濕濕地添!)
謝拉特: 「  」
桉桉: 「 」
冬之子: 「 」
肥勤: 「 」
44: 「 …個波呢…﹖」
結果兩方握手言和 |
|
IP卡
狗仔卡
發表於 2005-1-13 21:26:47
提升卡
置頂卡
沉默卡
喧囂卡
變色å¡
顯身å¡
咁全隊咪先食塊菠蘿．．．．
