|
|
<注意>
由於”寶寶”這名字引來了不少讀者投訴, 引起觀眾不安, 更惹來forum中有基佬黨的疑雲, 故現由此章起, 寶寶將會改名成BoBo,不便之處, 敬請原諒。
-------
第五章, 好友的價值
其實……甚麼事也好像沒有發生過似的, 我為什麼會如此心緒不寧?就算沒有被BoBo看見我那副模樣, Godiva也不會喜歡我的吧……我噤木獨又怕醜…又唔識講野…又…
不要奇怪, 我就是這樣的了, 很容易就能拋出一些理由去說服自己放棄; 難聽點說, 就是一點毅力也沒有..
“喂, 夠竟你現在情況係點..?”自修室裡, 龜仔突向我發問
“咩點?溫書進度OK囉!”
“唔係呀…G小姐呀…咪扮聽唔明啦..”
“你傻啦?而家我地係咩人呀?應屆會考生呀!我呢D咁勤力既學生緊係要以學業為重啦, 男女私情呢D咁膚淺既野, 現階段係唔會唸架!You Know?!我懷內有既係崇高既理想, 追求既係為國家作出貢獻…XD$#@!”
“咪膠笠.. ”
係呢段對話入面我講了兩個大話…
第一..我溫書進度一D都唔OK..
第二..我仲係成日唸起Godiva……但除左掛住之外, 仲可以點丫..?
係咁既心情下..又叫我點溫書…唉。
終於…夏天來臨了….會考也真的來臨了…
其實會考都算係一係幾令人難忘既人生階段, 苦怒哀樂盡在其中, 苦怒於讀書, 哀樂於放榜, 而自己係會考都見過唔少趣怪事
例如考中史時, 有條友開考左唔夠15分鐘就加紙, 想加紙黎嚇人都唔該可唔可以唔好咁誇…仲有考eng listening果陣, 見到一個人帶左部超大部既收音機(家庭裝size)黎考場..笑到我爆咀..
不過人地話會考既日子係好難過既日子, 但我自己又唔係噤覺…可能呢D就係心態既問題掛!?眼看身邊同學朋友好勤力咁讀書, 特別係龜仔, 有時真係覺得自己好似一pat泥咁, 不過算了,. 考完最好就唔好唸咁多, 好好享受這個悠長假期吧!
-------
然而…所謂的享受, 都只是在家玩玩電腦而已, 想搵暑假工, 但放假的初期又懶,想休息下先, 到中期, 已經沒什麼工能給我做的了
o者……o者……….突然電話嚮起
“喂?!?”電話的另一邊又傳來一把熟識的聲音。
“呀龜, 又搵我乜事呀..”我不耐煩地說出一句..
“頂丫, 好唔想聽到我把聲咩..,星期六, 下午三時半, 九龍灣地恆等, 不見即散”
“阿哥, 我實得閒架?我呢D大忙人黎架”
“你呢D頽人搵唔到工, 有乜咁忙呀?仲有呀!我約埋Godiva同Bobo架,唔好遲到~”
“……..”呢個消息對我來說大突然了, 令我有點不知所措, 有喜但亦驚..
“咩丫, 你估我好似你咁咩?淨係識得係到呆想同亂估, 對件事基本一D作用到無, 我知你其實鍾意人, 咪行動囉, 做男仔要瀟灑一點, 你份人又被動到死, 畏首畏尾, 船頭驚鬼船尾驚賊, 優柔寡斷, 無主見, 所以我咪幫你約左佢地囉.”
雖然阿龜係講得岩, 但唔駛踩到咁盡呀…
“你用我個名黎約佢地呀?”
“小, 你又黎, .唔係呀, 就算係驚黎做乜!?, 其實我係會考之後既呢段時間已經同Bobo混熟左, 今次都係全靠我一手包辦先約到佢地出黎, 你今次唔好令我失望…”
“…..”我默言。
“樹葉, 我知道你唸緊乜, 有時有D野遲早都要面對, 唔可以話做隻縮頭烏龜就能了事, 其實你自己應該認真想清楚行動與結果這一個問題, 雖然愛情並唔係一盤算術, 但你必需要0係自己每一個行動裡搵出一個結論, 權衡利弊。 你害怕Godiva知道的是真正的你嗎?害怕她不會接受這一個你?即使你甚麼也不做, 能改變這個情況嗎?而你行動的話, 又會有什麼東西會輸掉?老實說, 你已經沒有任何“值錢“的東西可以輸給別人了, 就像在英超的賽事中, 輸1比0和輸3比0沒任可差別一樣, 都是失掉3分, 在落後的這情況下, 不如傾囊進攻, 為求反勝,總好過為了那份僅餘的”臉子”, 害怕大敗, 而顧步自封。”龜仔突然態度認真地說。
之前說過有喜有驚, 喜當然是可以再見Godiva, 而驚..是不知怎樣面對知道的我懦弱的Godiva, 而龜沒留下任何點子給我, 就掛了電話, 彷彿是叫我自己想想辦法, 是的, 自己的事, 還是應該自己解決, 龜仔幫我約了她出來, 已經給了我一個很好的機會了。不管如何, 我也十分多謝你..龜仔, 你咀裡雖然話我, 但其實很用心幫我這個沒用的朋友。
“唉..”我在無人的角落獨自抽了一口氣, 呆想了數小時, 仍然唔知自己應該點。設地而想, 她一定會覺得我是一個沒男子氣慨, 而且是一個沒出息的人。,有句說話好像是”要說服別人, 必先要說服自己”, 其實自己也曾經想了不下於數十個辦法去改變Godiva對我的印像, 然而, 連自己也不覺得可行, 因為, 我也有點相信”樹葉”是一個沒男子氣慨, 也是一個沒出息的人了。
時間仍然一天一天地過去, 沒有因為我想不通而暫停下來, 相反, 我亦除之日見焦急, 感覺就有如考試尚餘15分鐘, 但仍有半份卷未做一樣------等死..
心裡又暗罵了一句”噢, 我的神的屎！”
第五章 完
[ Last edited by ar U on 20-5-2005 at 02:19 AM ] |
|
IP卡
狗仔卡
發表於 2005-3-18 03:20:37
提升卡
置頂卡
沉默卡
喧囂卡
變色å¡
顯身å¡
發表於 2005-3-19 02:22:28