薛凱琪呻辛苦吳卓羲嘴藐藐

cmh_2002

【東方日報專訊】吳卓羲(Ron）和薛凱琪(Fiona）在拍攝《學警雄心》期間曾傳出不和，昨日兩人首次為劇集宣傳即再度擦出「火花」！當Fiona在台上發牢騷，大嘆拍劇辛苦時，吳卓羲即嘴藐藐說：「你身嬌肉貴！」令她十分尷尬。



無兩線新劇《學警雄心》和《同撈同煲》將於今晚播出，昨日兩劇演員吳卓羲、薛凱琪、郭晉安、胡杏兒(新聞 - 網站 - 圖片)等出席在尖沙咀某酒店舉行的誓師儀式，當Fiona在台上講到拍劇時的辛酸史時說：「拍劇真係好辛苦、好辛苦，我做每樣工作都辛苦唔過拍劇，就算拍廣告要浸水面十幾個鐘頭，但一諗起拍《學警》就唔覺得係乜！」在旁的吳卓羲即時嘴藐藐說：「咁你身嬌肉貴！」令Fiona尷尬不已，連最後眾演員影大合照，身為女主角的Fiona寧願靠邊站亦不敢再行近吳卓羲身邊。

Fiona爆經常被人寸

事後Fiona表示已經習慣被人寸，她說：「佢（吳卓羲）好鍾意寸人。（你成日畀佢寸咩？）唔係，佢係好鍾意講笑同玩人，人寸你都係希望你有反應，自己朋友之中我都係成日畀人寸個，可能大家知我玩得啦，不過，我亦唔會因為咁而唔開心。」雖然Fiona口說不介意，但卻意有所指地說：「其實擺明寸你總好過有人表面有禮貌，背後先講你，佢咁多人面前講，應該無傷害性。」

Fiona並透露日前與其他學警聚會獨欠吳卓羲和陳鍵鋒但Ron解釋只因有工作在身故未有出席，並否認與Fiona不和，他說：「我話佢身嬌肉貴並唔係寸佢，而係讚佢，要好命先可以咋，我都想啦！我係演員唔同佢，可能佢真係未拍過劇，所以覺得好辛苦。」