完結篇廣發英雄帖 《獎門人》無敵十年永別觀眾

文： 專題小組 24/06/2005



無《獎門人》系列不經不覺踏入10周年，據知下月1日錄影最後一集《獎門人十周年大典》完結篇後，三位主持會即場宣布，將此系列節目畫上句號，永別觀眾！



歷久不衰且屢創收視佳績的《獎門人》，在《繼續無敵獎門人》最後一集完結篇會以飲宴形式進行，現已廣發英雄帖，逾80名藝人包括王菲、劉嘉玲、陳慧琳與彭丹，以及第一代主持陳小春均獲邀請出席，屆時出席嘉賓會行星光大道進入錄影廠，同時亦會上台大玩遊戲。





頒榮譽紀念獎項


據知節目更會頒發6個獎項如「最好玩藝人」及「最爆笑場面」等，大派豐富獎品及獎金，而無為答謝主持人曾志偉、錢嘉樂及林曉峰，亦會頒發榮譽紀念獎項，誓要搞喊他們！該集將安排於下月10日播出。

本報昨日就此事聯絡身在北京的「獎門人」曾志偉，他說：「10年係好完結時候，我覺得好難得一個節目可以做咁耐，無論人事同電視台點變動都一直陪住觀眾成長，所以感情真係好深。（今次正式告別，以後觀眾咪好難電視見到你？）唔會，我對觀眾作出承諾，有節目一定會再做。」
嘉賓離世感觸大


至於「獎老」錢嘉樂亦坦言不捨得：「大家唔係唔想做，只係唔想《獎門人》做到冇人睇，都掙扎好耐，最終決定留個美好回憶畀觀眾，近日我開會時睇番之前片段，見到有嘉賓已經唔人世，令我好大感觸。」

另一「獎老」林曉峰則說：「梗係唔捨得，我諗晚實會喊，但10周年完結，係十全十美，我相信實有觀眾投訴，淨係我父母已經係，話以後冇飛派畀親戚。雖然冇《獎門人》，但我3個可能會諗新形式同觀眾再見面。」  

版權所有 © 2005 Orisun.com (HK) Ltd. All rights reserved.

銀公主

一早就應該完la
不過睇無線都係姣婆守唔到寡

chungundertaker

有無小春份
話曬都係第一代既獎老

傑夫仔

Originally posted by chungundertaker at 2005-6-24 11:54 AM:
有無小春份
話曬都係第一代既獎老

逾80名藝人包括王菲、劉嘉玲、陳慧琳與彭丹，以及第一代主持陳小春均獲邀請出席

MatthewChor

完完又完

AirKID

之前都完過次架啦