|
|
發表於 2007-1-23 17:33:59
|
顯示全部樓層
潛入慳皮婚禮 謝安琪擺酒賺奶粉錢
懷 孕 5 個 月 的 謝 安 琪 （ Kay ） ， 上 週 六 （ 20 日 ） 正 式 下 嫁 張 繼 聰 ， 名 正 言 順 做 謝 師 奶 。
一 對 新 人 在 樂 壇 剛 起 步 ， 本 身 非 大 富 人 家 ， 又 要 儲 定 小 聰 仔 的 奶 粉 尿 片 錢 ， 婚 禮 當 然 唔 似 得 李 克 勤 咁 玩 隆 重 ， 波 鞋 襯 裙 褂 ， 花 車 借 用 死 黨 座 駕 頂 檔 、 結 婚 禮 服 搵 朋 友 義 務 設 計 ； 婚 宴 擺 42 席 ， 不 過 食 西 餐 盛 惠 每 圍 $6,810 ， 計 埋 人 情 仲 有 賺 。
雖 然 主 人 家 婚 禮 慳 住 搞 ， 不 過 賓 客 一 樣 玩 得 high ， 好 姊 妹 薛 凱 琪 、 阮 小 儀 及 王 菀 之 仆 住 搶 花 球 。 而 大 住 肚 的 謝 安 琪 ， 在 婚 宴 中 宣 誓 註 冊 ， 跟 老 公 仔 深 情 一 吻 ， 雖 沒 有 千 萬 豪 宴 ， 不 過 一 樣 溫 馨 到 暈 。
婚 禮 有 錢 袋
今 次 謝 安 琪 同 張 繼 聰 擺 酒 ， 酒 席 、 印 帖 費 、 租 中 式 裙 褂 費 及 餅 咭 費 等 ， 約 花 費 $30 萬 ， 不 過 娛 樂 圈 人 情 出 名 做 到 足 ， 若 以 每 人 畀 1 千 元 ， 保 守 計 兩 人 有 11 萬 落 袋 ， 小 聰 仔 應 該 可 以 好 飽 。
支 出
酒 席 ： 42 圍 × 每 圍 $6,810 約 $286,020
婚 紗 禮 服 ： 朋 友 免 費 設 計 （ 布 料 自 付 ） 約 $2,000
印 帖 費 ： $10 （ 每 張 ） × 420 張 約 $4,200
男 女 中 式 禮 服 ： 日 租 $1,800 約 $1,800
餅 咭 ： $30 × 420 張 約 $12,600
約 $306,620
收 入
人 情 ： 420 賓 客 × $1,000 約 $420,000
淨 賺 約 $113,380
賓 客 玩 盡
雖 然 楊 千 嬅 、 關 淑 怡 、 鄭 中 基 同 林 海 峰 等 請 都 唔 到 ， 不 過 其 餘 有 到 一 樣 盡 興 ， 朋 友 貴 精 不 貴 多 ， 相 信 一 對 新 人 都 係 咁 諗 。
下 場 繼 續
Fiona 於 婚 宴 上 玩 得 盡 ， 不 過 她 仍 未 夠 喉 ， 密 密 send 短 訊 ， 原 來 約 埋 老 死 鄭 融 同 緋 聞 男 友 房 祖 明 再 夜 蒲 ， 認 真 爛 玩 ！
鬼 樣 婚 禮
成 班 年 輕 人 影 大 合 照 ， 當 然 唔 會 就 咁 棟 篤 企 咁 悶 ， 大 肚 新 娘 謝 安 琪 同 王 菀 之 玩 啜 啜 ； 新 郎 哥 個 鬼 臉 樣 就 勁 似 垃 圾 蟲 （ 小 圖 ） ； 至 於 小 儀 同 薛 凱 琪 個 豬 嘴 樣 亦 好 搞 鬼 。
當 晚 薛 凱 琪 好 活 躍 ， 婚 禮 開 始 前 不 時 捉 住 一 對 新 人 玩 自 拍 合 照 留 念
High 住 進 場
話 明 最 緊 要 好 玩 ， 所 以 一 對 新 人 入 場 時 ， 亦 不 似 一 般 人 咁 懶 溫 馨 隆 重 ， 阿 Kay 一 於 當 正 自 己 做 騷 咁 ， 向 現 場 賓 客 狂 揮 手 大 叫 ， 一 樣 好 開 心 。 |
|
IP卡
狗仔卡
顯身å¡
發表於 2007-1-20 15:42:09
