陳少寶狠批新四大天王

rob_van_dam

前環球唱片總裁陳少寶重出江湖，是否會從此江湖多事？他不改直言本色，指阿倫提出新四大天王是好心做壞事，並點評四人不夠特色。

陳少寶自經歷了「舞影行動」衝擊，蟄伏了一年後，再度投入娛樂圈，開設「寶號」娛樂公司再戰江湖，他不諱言：「以前順風順水，有少少自視過高，經歷咁多事後，人成熟0左。」

離開一年仍要回歸樂壇，他自信說：「我不在時冇咁熱鬧，陳少寶做0既歌手，與其他人做0既係唔一樣，個樂壇非常悶。原因係大家一窩蜂做偶像歌手，近乎膚淺，見到新一代唔賣得，台灣歌手賣得好好，我個心唔舒服，始終自己生於斯，長於斯。以往寶麗金(環球前身)時代係我0地攻陷人0地市場，現在係人0地攻陷我0地市場。」

說到樂壇校長譚詠麟提倡新四大天王李克勤、許志安、古巨基、梁漢文，陳少寶直言：「阿倫係好人，以前輩身份提出好讓樂壇熱鬧一些，但最重要新四大天王係咪真係得到大家認同？以前四大天王各有特色，但現在四個人冇乜唔同，都只係唱歌，阿倫錯在熱心，唔夠深思熟慮。」

優劣逐個捉

陳少寶更點評新四大天王的優缺點：

李克勤形象入屋 ——— 他在四人之中較為成熟，優點係唱好功，形象入屋親切，但問題係唱親係0個種類型歌曲，好克勤式，建議佢一定要快馬加鞭推出國語碟，他有在海外走紅的條件。

古巨基拓展歌路 ——— 唔覺得他唱得好好，優勝是清楚自己成功的特色，歌路狹窄，聲底有限制，忠告係要拓展國語音樂市場，搵好拍檔做好佢。

梁漢文最需磨練 ——— 佢係四個人之中最需要再去磨練，仲係比較嫩，需要思考個人特色0係邊度，暫時睇唔到佢有乜0野特色。

許志安基礎最好 ——— 有點蒼天弄人，運氣唔好，國語歌唔差，基礎與歌路是四個中最好的一個，近期又多風風雨雨，忠告係要有番信心，佢真係得0架！

北倫敦之王

Originally posted by rob_van_dam at 2005-1-21 12:02:
前環球唱片總裁陳少寶重出江湖，是否會從此江湖多事？他不改直言本色，指阿倫提出新四大天王是好心做壞事，並點評四人不夠特色。

陳少寶自經歷了「舞影行動」衝擊，蟄伏了一年後，再度投入娛樂圈，開設「寶號 ...

都唔係狠批
D意見有唱開Cantoon Pop 的人都寫到

杰少仔

只收實力派?

宇多田光

聽其言, 觀其行
到時咪又捧一堆偶象垃圾