|
|
發表於 2005-4-23 14:17:28
|
顯示全部樓層
以442為籃本既話(我認為以法國的防守力面對實力有距離既對手應該用兩前鋒)
以下係我既選擇
門將:
本來巴夫斯絕對係心目中既不二人選, 雖然法國隊係六月不需要踢外圍賽,所以佢即將被禁賽三個月對國家隊并沒有實質影響,但以佢既性格係今個夏天宣佈退休都唔出奇, 所以第二人選相對就變得比較重要.
不過其他人同巴夫斯比都有D不足既地方: 古柏技術上無問題,但好少出聲統領後防線, 與其他世界級門將相比明顯遜色; 籣迪奴實在太矮, 面對歐洲一眾高大前鋒(e.g. 高路斯)實在不感樂觀; 費爾同現任主教練不和,加上柏爾馬今年在意甲的成績不太好(杯賽同歐協沒有上場), 令他只曾入選法國隊一次而已; 至於其他人如PSG的Alonzo更加無可能.
綜合黎講, 以平均實力見稱的古柏仍然會係巴夫斯之後既最佳人選.
後衛:
本來加拿斯與保桑是我心目中的正選中堅組合, 但由於左後衛并沒有適合的人選, 因此加拿斯有時會像在球會般中移至左路, 而空缺以摩納哥的吉域代替, 用施維斯達踢左後衛也是一個辦法, 但前提是不能出現類似歐洲杯上的惡劣表現.至於右後衛方面的人選會是祖雲達斯的杜林與薜比拿. 其他人應該最多也只會以後備上場.
事實上門將與後衛也不需要多說, 因為法國隊的問題是出在攻擊球員身上.
中場:
既然係踢442既話, 咁中場中路應該只係得兩個人(否則就會係4132/4312)
由於法國仍然未有可以代替施丹既人材(米高特已經32歲, 麥希尼係博洛尼亞既表現仍然未可擔負如此重任, 波爾多的梅廉會係下一個嗎?), 所以中路將會由兩位攻守皆備既球員偉拉同柏達斯其同擔任. 無疑同上季相比兩人既狀態似乎有所下降, 但相對於其他人選黎講(如羅馬既達確治以及朗斯的A.迪亞拉), 兩人在確保防守的同時也可以不時助攻, 呢點係其他人所欠缺的. 另外梅廉既隊友馬武巴經過呢兩季既洗禮後很有可能係中場中路的第三名人選.
至於兩翼, 替法國足球在歐洲制做近十年來最大驚奇的摩納哥中的兩名主將-洛賓以及古利將會係法國隊係呢兩個位置的不二人選. 今年在歐冠有突出表現既里昂兩翼馬盧達以及高禾將會為成為佢地既後備.
前鋒:
前鋒可以話係法國隊最大既問題所在 - 雖然佢地有歐洲最強既前鋒之一亨利.
雖然亨利代表法國隊的比賽中住住表現不佳, 但無可致疑地亨利仍然係歐洲最具殺傷力既球員之一. 只要控腳在腳對手就住住感到壓力, 呢點係法國隊陣中其他人所不能及的. 所以亨利不能動.
亨利不能動的話, 就只好向另一個前鋒席位下手了. 在這個位置上, 施斯將會係我既第一選擇. 雖然他剛從斷腳的傷患中康復上場, 但他未受傷前的狀態以及在法國隊的潛力無疑優勝於他的競爭對手.
查斯古特近兩年係祖雲達斯既入球數字有每況愈下之勢, 而且上一場對以色列既比賽中不智地報復對手被球證逐出球場, 間接令球隊最後被追成平手, 因此現在的他井不適合出現在正選當中.
至於里昂的法拉奧以及偉托特, 里昂在歐聯的表現并不能否定他們入球能力低下的事實, 例如偉托特在對以色列的機會中便最少喪失了兩個半單刀的機會, 至於法拉奧, 在里昂中的地位連偉托特也不如, 也就不需再多說了. 安歷卡? 在土耳其流浪的前鋒是不會得到什麼機會的, 也許下年的歐聯(費倫巴治現在排名土耳其聯賽第一)將會是他的最後機會? |
|
IP卡
狗仔卡
防守力好好多...
顯身å¡
發表於 2005-4-23 02:36:18