|
|
發表於 2007-1-29 05:41:03
|
顯示全部樓層
MU 賽後報告
COPY FROM MY XANGA 
唔記得較鬧鐘...爭d miss左場曼聯對樸次茅夫既足總杯比賽...特別鳴謝ROOMMATE叫醒我
今場波曼聯作出幾個調動, 以古斯錫代替雲達沙, 朴智星代替C7, 蘇斯克查代替朗尼, 但冇收起疲態盡現既史高斯同傑斯可謂一大敗筆...
拿臣 + 蘇斯克查雖然係我一直期待既FINISHING 爆燈組合...但面對住硬橋硬馬既樸次茅夫好明顯係出錯左佢地, 冇左c7同朗尼既衝刺同個人突破能力再加上傑斯,史高斯狀態明顯下降, 面對住樸次茅夫好似顯得老鼠拉龜...但曼聯上半場憑朴智星右路走動頻頻多次為曼聯搶回攻勢
維迪一球頭槌被由熱刺軓投既文迪斯白界線後擋出....令我想起文迪斯一球半場笠射被卡路爾白界線後撈出既情景....其後卡域克接應角球頭槌一頂仍被占士救出, 之後其中一球朴智星同拿臣既撞牆, 朴智星一射高出實在可惜
下半場曼聯表現有所改善, 但朴智星偏偏再次踢得較沉...拿臣走位接應加利佬既傳球, 殺入禁區抽射入網, 但被旁證舉旗判越位...慢鏡睇到拿臣只係隻手有嫌疑地越位, 應該判入球, 實在可惜...其後史高斯一球遠射仍被占士救出...久攻不下既曼聯隨即作出調動, 上場波費SIR 一個調動令曼聯由和變輸...今場既調動卻由和變贏...
費sir 以朗尼換入今場表現較差既蘇斯克查立即見效, 卡域克禁區頂橫傳俾上前既傑斯, 傑斯殺入禁區地波傳中, 朗尼門前輕鬆射成1-0
6分鐘後, 加利佬傳俾朗尼, 朗尼推順作出射門...當時我以為朗尼會射出一球有力既射門, 但卻相反, 朗尼以乖巧地將皮球笠過占士, 射成2-0
樸次茅夫落後兩球下仍無心反撲, 但文迪斯一球遠射省中簡奴改變方向射入失位既古斯錫, 令樸次茅夫追成1-2...最後曼聯仍成功晉級下一圈...雖然曼聯比分上只贏2-1, 但我心目中今場係贏4-1...
又係評分既時間...評分標準完全係我個人喜好~_~
龍門: 古斯錫 (6分): 多次接應回傳及出迎都為我提供無數驚險鏡頭
後衛: 艾夫華 (6分): 照舊助攻力強, 但出波有待改善
里奧費迪南 (6分): 今場波踢完相信佢唔使沖涼都得....冇咩野做
維迪 (6.5分): 同里奧一樣冇受太大威脅, 但頂入左一球被球證掠奪左既入球, 加多0.5分
加利佬 (7分): 冇C7 之下佢助攻威力更見明顯...一個速度慢既球員可以做到助攻助守真係唔錯
中場: 朴智星 (6分): 上半場表現十分活躍值7分, 下半場表現極沉只值5分, 最後拉平-.-
卡域克 (6.5分): 中場冇受壓之下可以從容向前作出傳送....表現仍都唔錯
史高斯 (6分): 上半場踢得極沉, 但下半場同傑斯齊齊回復狀態...希望費SIR及早俾佢地兩位老人家抖下....
傑斯 (7分): 上半場表現平平無奇, 攻勢多數由右邊去, 所以比較空閒, 下半場攻勢集中左路, 仍都交出功課
前鋒: 蘇斯克查 (6分): 心有餘而力不足....算係咁啦老蘇, 偏心地俾6分, 沙夏既話我會俾5分
拿臣 (6.5分): 表現較為活躍, 仍踢足全場, 其表現絕對值得有入球...但又被旁證掠奪左...
後備: 費查 (-): 冇咩野做...
朗尼 (7.5分) (MAN OF THE MATCH): 第一球時來運到, 第二球簡直福至心靈...第三球轉身靚, 但一射斜出較為可惜...今場曼聯控制大局, 朗尼有所表現係再正常不過...但當曼聯踢逆境波時...其表現比C7 就差得遠....
[ 本帖最後由 Hakkinen 於 2007-1-29 06:28 AM 編輯 ] |
|
IP卡
狗仔卡
顯身å¡
發表於 2007-1-29 01:44:05
