熱刺對曼聯

ken809

珍藏版

Hakkinen

雲達沙將會缺席週中荷蘭既友誼賽, 留係曼聯接受治療

nakata710

原帖由 Hakkinen 於 2007-2-6  03:24 AM 發表
雲達沙將會缺席週中荷蘭既友誼賽, 留係曼聯接受治療

想佢傷住踢

Hakkinen

賽後報告

張氣墊床漏氣...搞到訓唔到...WTF....唯有捱夜捱到睇曼聯作客熱刺一戰
由於熱刺週中先大戰於阿仙奴120 分鐘...所以今場我對曼聯贏波充滿信心...但熱刺上半場初段成功壓制曼聯中場, 仍都憑馬白蘭基多次左路發動攻勢企圖製造驚險鏡頭但無功而還...同時艾朗連農多次同李榮杓合力看管C7, 令熱刺進攻能力大減...

今場球證執法水平一早成為我既焦點之一....加利佬助攻被索高拿踢跌...3分鐘後維迪踢跌迪科爾卻換來一張黃牌...

同時史高斯最少兩次較礙眼既攔截最少需要吹罰下球證無動於衷...(好運-.-)

大約23分鐘, 傑斯左路邊線傳入禁區走位既拿臣, 拿臣企圖再橫傳中間卻被多遜擋出底線, 隨後卡域克接應維迪既頭槌二槌一頂彈地被羅賓遜救出, C7近門一射炒波底高出...

5分鐘後, 拿臣禁區頂接應角外球轉身入禁區被加特拿踢跌...

另一邊廂貝碧托夫禁區接應直線, 被里奧力追之下射遠柱被雲達沙救出, 2分鐘後占幫達禁區企圖接應罰球被加利佬拉跌但球證仍然冇吹12碼...

完半場前, C7 接回其傳中被頂出既波, 晃過李榮杓, 殺入禁區, 馬白蘭基回後防守舉腳時C7 應聲倒地..球證直指12碼點, C7主射12碼射成1-0, 最後重播番C7 搏得12碼, 原來係插水插番黎...令我腦海中浮現河畔球場C7 在舒華沙面前插水既情景...其插水迫真程度仍都唔可以怪球證錯判...

下半場開波曼聯憑第一波攻勢取得入球, 先有C7 爆過李榮杓底線前向羅賓遜一射被救出成角球, 隨後角球被解圍, 但朗尼禁區外傳俾禁區內既卡域克, 卡域克第一時間傳俾峨嵋月頂既維迪一射被羅賓遜擋出...其後再一次角球攻勢, 卡域克遠柱接應, 係索高拿身後一頂, 被羅賓遜再次救出....但隨後一次角球, 卡域克斬出, 維迪在多遜稍一走失既情況下衝頂頂成2-0

領先2-0 既曼聯, 憑一次C7 個人突破再拉開紀錄, 拿臣傳俾右路既C7, 面對住李榮杓, 再一度爆落底斬中, 李榮杓今場先後被C7 晃過切入禁區, 爆過落底, 好明顯心理質素受到影響, C7 底線前最後一步將波傳出, 羅賓遜未能將個波擋出, 被史高斯白界線前射成3-0

同時雲達沙多番撲救仍都為曼聯力保不夫, 尤其當貝碧托夫先後禁區內接應直線同傳中一射都先後被雲達沙擋出....

但之後曼聯一個反攻就造成入球, 史高斯截到加利既傳球, 沙夏拎到後被兩個球員力追下帶幾步, 一個直線傳俾冇越位既傑斯, 傑斯面對羅賓遜射成4-0...

4-0 後比賽焦點本應係熱刺如何射破雲達沙十指關...但雲達沙一次同羅比堅尼既衝撞下鼻骨受傷離場...拿臣不願踢龍門, 又要保後防完整下....接替雲達沙任門將一職既係場上忍者 -- 奧沙

奧沙先有接應熱刺角球手槌搞笑地打出, 再有龍門球準確地傳俾中前場既沙夏...最後里奧費迪南半場一記直線傳俾羅比堅尼 (?!) 單刀面對出迎既奧沙, 羅比堅尼面對奧沙, 雖然奧沙臨時擔當門將一職...但羅比堅尼忘記奧沙係踢後衛出身...奧沙毫無選擇地一訓...竟然將羅比堅尼腳下波擋出...

3分鐘後, 球證仍都將充滿娛樂性既補時階段吹停, 曼聯以4-0大勝熱刺完場

又一場大勝...今次評分又一次手鬆...
GK: 雲達沙 (7.5分): 多次撲救令貝碧托夫望門輕嘆,勇戰受傷, 應記一功
後衛: 加利佬 (7分): 今場助攻次數較少, 一係就俾人壓到得個守字, 一個就C7 一個去哂....較搶鏡既係禁區攬跌占幫達....
艾夫華 (6分): 前幾場先讚完你, 今場又要插...多次擔當觀眾一職被對方突破越位陷阱...
里奧費迪南 (6.5分): 感謝你令奧沙大顯身手, 奧沙入替後一個角球攻勢, 倒掛解圍仍見功架
維迪 (8分): 兩球射門都命中目標, 繼續成為曼聯最實而不華既中堅球員
中場: 史高斯 (6.5分): 除犯規外既場上表現本應值更高分...但多次顯眼既犯規...
卡域克 (7分): 兩次取得頭槌攻門機會....實屬難得..
傑斯 (7.5分): 今場初段踢得較沉, 但隨後都多次發動攻勢, 最後仍都為曼聯埋齋
C7 (8.5分): 曼聯所入頭三球都關佢事...第一球插水12碼...第二球爆過李榮杓搏到角球...第三球傳中俾史高斯
前鋒: 拿臣 (7分): 拎到一張黃牌實屬無辜....
朗尼 (6.5分): 番去飲杯涼茶啦...咁燥火
後備: 沙夏 (7分): 冇控球出界, 冇近門失機, 有助攻, 有攔截, 仲想點?!
朴智星 (-): 出到黎之後曼聯大部份時間都防守, 只係負責協防
奧沙 (10分) (MOM): 最後10分鐘為曼聯把守獨木關, 力保不夫, 出鏡次數頻頻, 再救羅比堅尼單刀, 理應成為全場焦點 (請好好珍惜...呢D機會可一不可再..)

O'SHEA

[ 本帖最後由 Hakkinen 於 2007-2-6  04:48 AM 編輯 ]

傑夫仔

原帖由 Hakkinen 於 2007-2-6  03:24 AM 發表
雲達沙將會缺席週中荷蘭既友誼賽, 留係曼聯接受治療

雲達沙唔係不樓唔踢友賽架咩？

Hakkinen

原帖由 傑夫仔 於 2007-2-6  06:16 發表

雲達沙唔係不樓唔踢友賽架咩？

官網係咁講

rob_van_dam

曼聯的中場及後防球員奧沙對於自己能夠在客串守門員時保持不失感到榮幸。

由於三名換人名額已經用盡，當雲達沙受傷後，奧沙被迫充當守門員十分鐘。

李奧費迪南首先脫下球衣準備更換守門員球衣，但最終卻由奧沙充當此任。

「我感到非常驕傲﹗」奧沙笑說。

「我事後問雲達沙如果他力保不失會否有額外獎金，因為我希望分到一半﹗」

「當我準備當守門員的時候，領隊叫我向隊友說要確保不失球，最後我十分高興可以完成任務。這是我職業生涯一次特別的經歷，我將來還會回看。」

「事實上我的確有一點膽怯，尤其熱刺獲得角球後。」

「每當熱刺的球員控得皮球，我便聽見他們的球迷不停叫『射門﹗』。而羅比堅尼單刀的時候，我認為他會射我『大細龍門』，幸運地我化解了那個攻勢。」

「隊友們在上半場踢得不錯，而下半場很快便奠定勝局。」

而費格遜也讚賞奧沙︰「我們都叫他做貓﹗我想在我執教生涯都未遇過這種情況。我當球員時試過一次，那次我要客串守門員但最終輸了零比四，不過我作出了兩次精彩的撲救。」

「約翰 (奧沙) 做得很好。開頭李奧想擔任守門員、加利 (尼維爾) 也想去。不過我卻希望留住一條完整的後防線，因此最終叫了奧沙客串。」

「他第一句便向我說︰『我不能接到皮球的。』。那麼我就問拿臣，但他也不想。」

「事實上奧沙都預計了自己最終都要守龍門，他做得十分出色。出迎化解了羅比堅尼的單刀，並且一次迎接角球將皮球打走。他保留了那件守門員球衣，所有隊友都簽上了名。」

chungundertaker

原帖由 rob_van_dam 於 2007-2-6  07:29 AM 發表
曼聯的中場及後防球員奧沙對於自己能夠在客串守門員時保持不失感到榮幸。

由於三名換人名額已經用盡，當雲達沙受傷後，奧沙被迫充當守門員十分鐘。

李奧費迪南首先脫下球衣準備更換守門員球衣，但最終卻由奧 ...

我不能接到皮球的

joekjen

原帖由 rob_van_dam 於 2007-2-6  07:29 AM 發表
「約翰 (奧沙) 做得很好。開頭李奧想擔任守門員、加利 (尼維爾) 也想去。不過我卻希望留住一條完整的後防線，因此最終叫了奧沙客串。」

明顯費sir都知奧沙對防守冇用

Gianni Rivera

其實
如果唔係evra 唔知係邊到係到睇波
唔跟人.....

可能我地都無好野睇

疾峰

http://www.youtube.com/watch?v=vIDKKGhqQPk