|
|
發表於 2007-2-12 12:03:51
|
顯示全部樓層
曼聯今場有C7 因感冒, 卡域克鼠蹊有小傷之下, 曼聯中場排出傑斯, 史高斯, 費查, 朴智星, 龍門方面古斯錫代替上場受傷既雲達沙, 前鋒方面有沙夏再擔任正選...
開波30秒左右, 朴智星接應界外球, 禁區外轉身抽射遠遠飄離目標...
查爾頓一開波就向曼聯施壓, 賓特,.岩布斯等球員紛紛在曼聯中後場追波, 實行波到人到, 令曼聯感到不少壓力, 雖然5分鐘, 戴卓爾頭槌解圍失誤, 朴智星推順後禁區邊一射為今場帶黎第一個射門, 但被卡遜撲出...
隨後既角球攻勢, 傑斯迎接番其被解圍既角球, 傑斯帶過岩布斯落底右腳傳中, 沙夏12碼點左右一頂被卡遜沒收...
查爾頓上半場前半段仍都不乏有威脅性攻勢, 羅美度接應橫傳推順一射中網側, 大約10分鐘, 岩布斯迎接隊友傳中波頭槌一頂被古斯錫拍出底線, 12分鐘後, 岩布斯禁區外轉身一射被古斯錫沒收, 查爾頓打左23分鐘好波, 曼聯一直苦無對策
但岩布斯射門後曼聯既攻勢, 傑斯左路經朗尼傳俾助攻既艾夫華底線傳中省中對手守衛SANKOFA, 個波從高而落, 小禁區內戴卓爾未能搶佔先機下被朴智星搶前一頂頂成1-0
其後曼聯仍冇乜有威脅性既攻勢, 球賽持續膠著狀態, 直至37分鐘, 傑斯大腳吊入禁區, 朗尼巧妙地控低後挑過迪亞華拉令後者同後面既戴卓爾相撞, 小禁區邊再控低一射柱邊出界...
7分鐘後, 加利佬傳中, 保格拿解圍落在, 沙夏一控, 再射中網側....
下半場初段持續上半場般既膠著狀態, 但查爾頓後防開始多漏洞, 4分鐘保格拿未能有效地將個波解圍反而落在朗尼腳外, 朗尼帶橫一射省番保格拿高出, 10分鐘後, 朗尼左路傳中, 傑斯禁區頂靠右無人看管下第一時間施射柱邊出界....
隨後費sir以拿臣換入今場左右兩邊都有佢出現既傑斯, 曼聯仍然毫無起色, 賓特76分鐘接應羅美度罰球頭槌跣後柱邊出界...
2分鐘後曼聯將查爾頓角球解圍, 沙夏同朗尼策動快攻, 朗尼右路準確地傳到禁區外既沙夏腳下, 但後者一射軟弱無力被卡遜接實...
5分鐘後曼聯終於將比分拉開...朗尼同拿臣禁區外一個撞牆, 朗尼殺入禁區帶過對方守衛後一射被卡遜擋出, 朗尼巧妙地將個波傳中, 費查衝前頂入卡遜已經完全失位既龍門, 頂成2-0
今場曼聯主場只係對查爾頓, 加上周中國際賽, 發揮好明顯水準之下, 但憑兩球近門頭槌, 曼聯再全取三分...
但再下一次曼聯聯賽主場作賽時...已經係3月17迎戰保頓既一戰...在此之前曼聯要作客富咸同利物浦....
球員評分:
GK: 古斯錫 (6.5分): 一場冇咩受威脅下CLEAN SHEET仍都無可厚非, 全場只需救出岩布斯上半場兩次中龍射門
後衛: 加利佬 (6.5分): 慣常工作, 助攻助守
艾夫華 (7分): 第一球助攻應記一功, 今場波上前助攻仍都有貢獻
里奧費迪南 (6.5分): FM PREFERRED MOVE: GETS FORWARD WHENEVER POSSIBLE
維迪 (7分): 繼續穩定, 英超今季表現最佳中堅之一
中場: 傑斯 (7.5分): 左右都見佢出現同製造攻勢
史高斯 (7分): 今場中場較靜既一個, 但都有數次有質素既傳球
費查 (7分): 上半場偏向於禁區外徘徊, 無甚貢獻, 但下半場有所進步, 參興攻勢多左, 最後仍繼第一循環之後射破查爾頓大門
朴智星 (7.5分): 表現活躍, 仍都與以往般一樣勤力, 曼聯今場開齋球員
前鋒: 沙夏 (6分): 今場有幾次射門都中龍...不過可唔可以向下一步 -- 入波 進發呢?? 其腳下功夫差, 令控球在腳時經常失掉控球權...
朗尼 (8分) (MOM): 多次為隊友製造機會, 2-0一球應記一功, 未能入波實在可惜
後備: 拿臣 (7分): 出場後既控球, 傳球技術應該可以令到沙夏自卑
李察遜 (-): 一出黎就同費查慶祝...
 |
|
IP卡
狗仔卡
發表於 2007-2-11 00:53:46
顯身å¡
發表於 2007-2-12 14:09:05
