|
|
發表於 2007-3-1 13:11:20
|
顯示全部樓層
曼聯今場"強"陣出擊, 中場係李察遜, 奧沙, 費查 , 朴智星, 呢個中場組合再加上右閘仍然用番布朗, 中堅起用施維施達代替維迪, 令到我覺得曼聯有可能行人止步, 好彩左閘係愛將軒斯, 情況都冇咁悲觀
點知開波唔夠2分鐘, 費查同奧沙右路一個撞牆, 奧沙 "極速" 落底, 地波傳出小禁區邊既李察遜, 點知後者同雷丁守衛相撞, 皮球碌向禁區外, 軒斯衝前起腳一射, 個波o係費特列斯格肋底入網, 1-0
都未進入睇波狀態既我, 唔夠2分鐘後, 里奧費迪南大腳傳前, 沙夏禁區頂難得地心口控前, 之後踏前幾步順勢將個波射遠柱入網, 咁就2-0 -.-...
以為雷丁會大舉反擊, 點知又唔到2分鐘, 李察遜中場截到皮球, 一腳斬向右路既蘇斯克查, 點知成為單刀之勢, 蘇斯克查禁區面對龍門既費特列斯右腳片遠柱射成3-0...
5分鐘後, 費迪南再一個長傳, 沙夏面對龍門右腳施射柱邊出界
雖然未能將比分擴至4-0, 但都以為今場大炒在即, 點知雷丁開始入局, 另一方面曼聯一眾二線球員開始夢遊球場...
13分鐘, 費查禁區左邊傳個波去中間既沙夏, 沙夏有意無意之間將個波漏左去後面...
20分鐘, 沙夏左路被厄瓜多爾國腳迪拿告斯踢跌, 蘇斯克查罰球網頂出界
2分鐘後, 奧斯達角球斬中, 根拿臣前柱跣後, 里奧費迪南走甩遠柱既傑臣被後者一頂入網, 追成1-3, 仍都間接令阿內史密夫出場機會降低一半...
27分鐘, 雲達沙龍門球開出, 沙夏左路一路壓住比基帶向中間右腳施射軟弱無力被接實...
之後曼聯開始無以為繼, 到雲達沙表演時間....完半場前, 軒斯解圍罰球失誤, 奧士達右路傳中, 雲達沙近門TIP 走個波
下半場雷丁一直佔住優勢, 可惜臨門一腳較差, 相反曼聯方面李察遜禁區外施射被費特列斯擋出...
之後雷丁換入列達, 比賽開始緊張, 曼聯一班後防頻頻解圍不遠被雷丁前場就重新組織攻勢, 傑臣禁區內轉身勁射被雲達沙撲出已經響起警號最後84分鐘, 又一次解圍不遠, 迪拿告斯傳中, 列達無人看管之下+奧沙目送之下頂成2-3
企圖追和既雷丁瘋狂地進攻, 費sir 繼早前換入朗尼之後再換入C7, 為有可能既加時賽作好準備, 誰不知布朗解圍傳左落雷丁球員腳下, 再傳俾根拿臣, 根拿臣一射中楣...為雷丁今季足總杯旅程劃上一個休止符...
今場比賽如果唔係6分鐘入3球, 如果唔係雲達沙守龍門, 曼聯可能已經輸左....
但如果唔係沙夏, 李察遜將自己化成皮球黑洞, 費查接近隱形, 奧沙下半場後段回復街態, 布朗, 施維施達多次解圍不遠的話, 曼聯都唔會捱打成咁
又係評分既時間啦...
龍門: 雲達沙 (8分): 繼星期六既比賽之後, 今日再一次成為曼聯贏波功臣
後衛: 軒斯 (6.5分): 好耐都冇出場既佢今場2分鐘就以一個入球慶祝自己回歸 (希望係長久!!!)
里奧費迪南 (7分): 有兩三球非常到位既長傳, 雖然失第一球佢有責任, 但係今場最後階段都係憑佢力保不失
施維施達 (5.5分): 今場表現係全個後防之中第三好 (第二差)
布朗 (5分): 你前面助攻傳送唔好我唔怪你, 但你都唔好o係後防成日解圍俾左個波人地好喎
中場: 李察遜 (5.5分): 你冇C7 咁好波, 唔好扭咁多, 唔該你傳波
費查 (5分): 比奧沙上身了....隱形
奧沙 (5分): 傳左兩三腳靚波唔代表你可以三番四次o係禁區入面做VIP 觀眾
朴智星 (7分): 相對於其他三個人, 你既表現可以講係世界級既好
前鋒: 沙夏 (5分): 場場第一腳都俾到人好大期望, 包括今場, 之後控到波一味自己去, 你去唔到我唔怪你, 但唔該你俾人踢傷, 可以嗎?!
蘇斯克查 (7分): 個人喜好, 今場再一度證明佢係FINISHING 20 既前鋒
後備: 朗尼 (-): 一球半單刀, 入唔到...
C朗拿度 (-): 你出場既時間長d, 定係你要行入更衣室既時間長d呢
 求其打左篇野出黎 |
|
IP卡
狗仔卡
發表於 2007-3-1 04:54:33
顯身å¡
發表於 2007-3-1 13:26:06
