|
|
發表於 2007-3-9 09:59:47
|
顯示全部樓層
搵黎搵去都搵唔到曼聯個TOPIC, 原來冇開...
11點半準時起身....曼聯主場迎戰利尼, 拿臣奧脫福最後一次以曼聯球員上陣....
費格遜今場收起傑斯, 將C朗拿度移往左路, 由朗尼擔任右翼...中場再起用史高斯,卡域克再加上雙紅會入球功臣奧沙, 由於沙夏受傷4個星期, 所以只有拿臣在前線孤軍作戰
今場波既焦點除左曼聯能否繼02 - 03 賽季之後再度晉身8強之外, 仍都係拿臣最後一場在奧脫福最後一次以曼聯球員上陣, 8分鐘史高斯中場一個過頭波, 禁區外既拿臣未能控定, 被龍門沒收
14分鐘, 拿臣妙傳走位中既史高斯, 後者帶入禁區後睇定傳中, 朗尼企圖球不著地抽射被守衛擋出, 其後既角球, 卡域克斬出, 奧沙一頂中楣未能先開紀錄...
21分鐘, Obraniak 開出罰球, 維迪頂漏之下, 馬干一頂之下皮球去勢甚弱, 被雲達沙沒收
26分鐘, 史高斯同加利佬撞牆後帶多幾步施射, 省中守衛後被龍門沒收
34分鐘, 史高斯企圖傳俾拿臣既波省中守衛彈出, 卡域克隨即起腳施射遠遠偏離目標
41分鐘, 朗尼禁區頂橫傳禁區既C朗拿度, C朗拿度企圖帶過查爾美但唔成功, 最後跌低, 被球證以黃牌懲罰佢插水既行為
45分鐘, 查爾美右路地波傳中, 可惜奧丹維治來遲一步, 未能將皮球送入網窩
由於曼聯主場既關係, 再加上雙方實力明顯有些少距離, 所以曼聯今場上半場大部份時間都作主動一方, 但由於打4-5-1 既關係, 拿臣前面苦無支援, 朗尼右路明顯無法為曼聯作出有威脅既攻勢, 左路C朗拿度面對住今場表現不俗既右閘既查爾美仍苦無對策, 曼聯進攻上顯得老鼠拉龜, 無從入手之勢
反觀利尼後場截到皮球後三番四次作出有威脅既反擊, 面對奧沙如隱形般既表現, 卡域克表現有下跌既走勢, 史高斯中場明顯獨力難支, 所以上半場曼聯除左一些快速將個波放上前場進攻之外, 造波既機會可以講係少之又少...
下半場2分鐘, 中場一個罰球斬入曼聯禁區, 卡域克禁區12碼點左右頂後, 利尼球員有意無意地將皮球頂向遠柱, 奧丹維治頭槌窄位一頂, 雲達沙未能救出, 可惜最後中柱...
其後比賽陷入膠著狀態, 曼聯球員傳送明顯失去準繩, 利尼球員又未能善用皮球組織攻勢, 就算在曼聯後場內取得皮球, 多數都遠射一腳草草了事...
72 分鐘, C朗拿度左路接得史高斯既傳送後, 個人突破快速盤球走向底線後傳中, 整場比賽苦無進攻機會既拿臣一鎚定音頂成1-0, 除左有賴C朗拿度既斬中既準繩之外, 拿臣既走位配合仍為人稱讚...相信同C朗拿度合作已久既朗尼同沙夏都好有可能未能準確地判斷皮球既來勢停步從而將個波送入網, 反而拿臣只來了三個月就做到了....
3分鐘後, 費格遜以阿倫史密夫入替入球功臣拿臣, 奧脫福既曼聯球迷理所當然地為這位前些路迪, 巴塞鋒將鼓掌歡送...
比賽較後階段, 朴智星同李察遜仍都分別入替C朗拿度同朗尼, 利尼雖然開始主攻, 但苦無入球機會之下, 曼聯兩回合以2-0 取得8強資格...
球員評分:
龍門: 雲達沙 (6分): 對利物浦一場既高水準演出後, 今場集中力明顯差左
後衛: 加利佬 (6.5分): 今場雖然好得閒, 但都有一兩記靚既攔截
里奧費迪南 (6.5分): 今場好少出鏡機會...
維迪 (6分): 上半場馬干一球爭d變輸波罪人
施維施達 (6分): 難得有得出...你又同我去傷...軒斯在望!!!
中場: 朗尼 (6分): 今場打右中場, 冇預過你會打得好
卡域克 (5.5分): 希望你星期六可以休息....
史高斯 (7分): 表現較高水平既中場中球員
奧沙 (5分): 你知道你在隱形嗎?
C朗拿度 (6.5分): 插水技術生疏左...練好d啦
前鋒: 拿臣 (7.5分): 把握唯一既機會製造唯一既入球...
後備: 阿倫史密夫 (6.5分): 上陣雖然只係15分鐘, 但表現比上場後備上陣SHARP左, 呢三個星期靠你啦
朴智星, 李察遜 (-): 星期六打好d
尚記得不久前摩連奴在訪問中話上帝與曼聯同在...但今場取得勝仗後既曼聯明顯要為未來3星期既排陣而擔心....沙夏, 蘇斯克查, 費查同時養傷, 史高斯被罰停賽三場, 再加上施維施達完場前同對方球員相撞引至膊頭脫臼, 相信仍都會缺陣一段時間, 拿臣仍都重返希爾星堡為這隊家鄉球會出賽, 對曼聯來說可以講係嚴峻既挑戰...但前途會唔會同另一隊紅軍一樣呢...
想睇圖自己去呢度 http://www.xanga.com/hakkinen0213/575549290/item.html |
|
IP卡
狗仔卡
發表於 2007-3-8 22:17:34
顯身å¡
