|
|
發表於 2007-6-16 06:43:43
|
顯示全部樓層
| 本週 |
| 比賽場數 | 勝 | 和 | 負 | 入球 | 失球 | 得失球差 | 總分 | | LEAGUE 1 | 老毛黨 | 3 | 2 | 1 | 0 | 11 | 6 | 5 | 7 |
| Kawaii 圓月彎刀黨 | 3 | 1 | 1 | 1 | 6 | 4 | 2 | 4 |
| 車神黨 | 3 | 1 | 1 | 1 | 9 | 7 | 2 | 4 |
| 嘍囉7星夢 | 3 | 0 | 1 | 2 | 1 | 10 | -9 | 1 |
|
|
|
|
|
|
|
|
|
| | LEAGUE 2 | 老毛黨 | 3 | 1 | 1 | 1 | 13 | 11 | 2 | 4 |
| Kawaii 圓月彎刀黨 | 3 | 0 | 1 | 2 | 4 | 17 | -13 | 1 |
| 車神黨 | 3 | 2 | 0 | 1 | 7 | 8 | -1 | 6 |
| 嘍囉7星夢 | 3 | 2 | 0 | 1 | 15 | 3 | 12 | 6 |
|
|
|
|
|
|
|
|
|
| | LEAGUE 3 | 老毛黨 | 3 | 1 | 0 | 2 | 5 | 9 | -4 | 3 |
| Kawaii 圓月彎刀黨 | 3 | 1 | 0 | 2 | 5 | 9 | -4 | 3 |
| 車神黨 | 3 | 3 | 0 | 0 | 12 | 2 | 10 | 9 |
| 嘍囉7星夢 | 3 | 1 | 0 | 2 | 7 | 9 | -2 | 3 |
| 總排行 | 黨派 | 比賽場數 | 勝 | 和 | 負 | 入球 | 失球 | 得失球差 | 總分 | | 1 | 老毛黨 | 99 | 47 | 13 | 39 | 252 | 222 | 30 | 154 | | 2 | 嘍囉7星夢 | 99 | 47 | 12 | 40 | 252 | 227 | 25 | 153 | | 3 | 車神黨 | 99 | 43 | 13 | 43 | 237 | 239 | -2 | 142 | | 4 | Kawaii 圓月彎刀黨 | 99 | 34 | 16 | 49 | 204 | 257 | -53 | 118 |
League 1:
本週評論:
本週賽果並冇令聯賽榜產生好大既變化, 有4場比賽既賽果都算係十分正常, 大叔帶領既大帝足球學院同TERRY既比賽中, 雙方都企圖以中路進攻取勝, 在邊路頹廢下雙方面對住對方既穩固防線皆未能入得多過1球, 最後賽成1-1 平手
上場大勝同黨黨員既奇哥, 面對住實力不俗既阿積士, 雖然保持較多時間控球在腳, 但未能好好把握機會轉化成入球, 眼看會 0-0 言和之際, 體能較強既阿積士完場前5分鐘連轟3球奠定勝局
至於上場被奇哥大炒既灰袍, 同YOT上演一場經典賽事, 灰袍以邊路進攻火拼YOT 既中出, 眼看灰袍將會被YOT 猛烈既中路炮轟落敗之際, 灰袍在84, 85分鐘各入一球, 搶回1分
馬田斯雖然實力大增, 為本週最佳進步球隊之一, 但面對住實力數一數二既卜公聯, 薄弱既鋒線未能為其帶來任何入球機會, 卜公聯面對對方軟弱無力既鋒線, 肆無忌憚上前進攻, 最後以4-0 大勝馬田斯
最後有友善王面對住嘍囉黨既魚腩CHILDHOOD FIELD, 談笑用兵下以5-0 大勝
本週焦點:
大水主場面對彎刀黨主席天天, 因為黨內士氣低落, 天天矢志要以勝利重振聲威, 誰不知落筆打三更, 在23分鐘先有中場 Hu Fanglin 傷出, 更慘既係冇後備可以入替, 天天被迫10人應戰, 雖然10人應戰, 再加上中場被對方壟斷, 但天天仍能在下半場中段反先2-1, 但可憎在82, 83分鐘被大水既中場球員Xia Tingfa 連入兩球反勝, 而Ma Fuyong 更要為3-2 一球負上全責, 賽後跌落聯賽榜第4位既天天表示對前景仍然樂觀, 並聲稱如果並非球員受傷, 大水絕對冇可能全取3分
下週焦點:
本週對賽球隊下星期將會主客對調再戰一場, 所以本週所選既青訓球員可以講係舉足輕重, 友善王同卜公聯相信都可以再勝一場, 而大水則需要再同天天決一高下, 究竟天天會復仇成功, 令大水領先優勢減少, 抑或大水可以再勝一場, 保持最少7分差距? 而灰袍, YOT, TERRY, 阿積士又誰能取得一勝進迫前列位置呢?
League 2:
本週評論:
本週賽果簡直充滿驚喜, 米蘭FC面對連敗5場既屯門FC, 果然能夠輕鬆取勝, 米蘭FC 大勝7-1 後已經帶開其他非嘍囉黨既球隊最少達7分之多, 相信只有黨主席秘密能夠將米蘭FC拉下馬
本週3大進步球隊有兩隊在LEAGUE 2出現, 射手可能大受NBA 死敵馬刺奪得NBA 總冠軍既刺激下, 以9-0 平HKCM紀錄既比數屠殺淫蕩軍團
而平仔雖然仍都大有進步, 但面對住上週贏波, 士氣高昂既老麥, 並佔不到十分多既甜頭, 雖然實力上有所差距, 但老麥憑前鋒Ding Jingyuan 大演帽子戲法為老麥同所屬既老毛黨搶回1分
榜尾大戰, 上週慘被反勝無聲火今週完成任務, 以5-1 輕勝拉科, 超過連敗6場既蝦仔升上第9位
而賽前聲稱有好大信心既贏波ONEFORALL面對住上週被主席點名批評既車神黨HEHE, 竟然陷入捱打狀態, 雖然後防十分穩健, 雙方爭持不下, 但最後HEHE 憑小將Wu Renqing 一箭定江山, 以呢球ONE FOR ALL 既入球全取3分, 進一步追近ONEFORALL同平仔
本週焦點:
榜首大戰當奇作客面對秘密, 成為一場一面倒既賽事, 賽前當奇聲稱如果今場落敗而米蘭FC獲勝, 其奪冠希望將會名存實亡, 而秘密既Cai Enwen 在上半場25 - 40分鐘內將當奇既奪冠希望完全摧毀, 上演帽子戲法協助球隊領先4-0, 下半場雖然Cai Enwen未有再度入波, 但另一前鋒Sun Jingkang 卻再毫不客氣地再在當奇守將面前上演帽子戲法, 最後秘密大勝 8-1, 呢個賽果仍都令到LEAGUE 2 既聯賽冠軍將大有機會落在嘍囉黨手中
下週焦點:
主客互換既下週賽事什有可能出現同本週完全相反既賽果, 無聲火, 射手同米蘭FC 在對手實力有限之下有機會再下一城, 而秘密在主場宰殺當奇後, 作客仍都希望以大勝證明其球隊有力同車神一拼, 連續兩週拎到分既老麥將會希望保持強勢, 再在平仔身上取得分數而回, 而本週不幸落敗既oneforall, 作客HEHE既情況下能否一雪前恥?
League 3:
本週評論:
本週較令人覺得詫異既賽果肯定係上週迫和榜首車神既首相, 作客面對住實力為彎刀黨之首既BJFC, 竟然毫不客氣地將5蛋送贈對手, 更驚奇既係7狼總數14.5星既鋒線竟然未能在首相2.5星既天體防線攻入一球! 而首相6.5星既鋒線卻在7狼13星既防線身上射進5球, 實在不可思議....
陷入多場入球荒既克萊楓丹面對住LEAGUE 3 魚腩Zpecial X, 雖然射入5球, 但美中不足既係其25星防線再一次失波, 而Zpecial X 雖然再一次輸波, 但並不代表球員質素差, 球隊星數都有26星, 但總積分為0分既原因只因主帥鐘意大玩古靈精怪既5-2-3...
嘍囉黨既內鬨, ICFC 再以3-4-3 殺敗另一黨員 -- 空氣小子, 殺上前4名之際仍都將空氣小子踢落第8名, 4週前空氣小子為榜首份子...但近4週1和3負既表現足以致命, 仍都直接斷送其爭標希望
以上週被ICFC殺敗既幼稚園FC, 今週再吃一場敗仗, 車神黨既北王勝利後升上聯賽第3, 只落後榜首車神2分, 而輸波既幼稚園FC仍都令嘍囉黨LEAGUE 3爭標路上再受打擊
榜首既車神今週主場迎戰另一隊榜下游球隊, 在上半場連入4球奠定勝局, 仍然以2分之差領先其他對手
本週焦點:
榜前列大戰, 閒王主場迎戰迷你紅, 雖然閒王在中場之爭稍勝對手, 但由於雙方都係守強於攻之下, 並冇太多入肉攻勢, 但今場波既賽果被閒王 Gan Huaikun 一手逆轉了, Gan Huaikun 在上半場初段先入一球, 再在下半場初段連入3球, 肥勤賽後坦言球隊在上下半場初段時間集中力不足為輸波主要關鍵, 希望在下週能捲土重來復仇成功
下週焦點:
今週輸波既球隊在下週當然希望復仇, 但有幾多隊能夠復仇成功, 在實力差距既大前題下, Zpecial X 同Giroro 要復仇成功可以講係難過登天, 而首相番到主場, 面對矢志復仇既BJFC 可以話係惡鬥難免, 而幼稚園FC, 空氣小子, 同迷你紅重返主場之下, 要復仇成功並非痴人說夢話
整體評論:
| TOTAL | 老毛黨 | 9 | 4 | 2 | 3 | 29 | 26 | 3 | 14 |
| Kawaii 圓月彎刀黨 | 9 | 2 | 2 | 5 | 15 | 30 | -15 | 8 |
| 車神黨 | 9 | 6 | 1 | 2 | 28 | 17 | 11 | 19 |
| 嘍囉7星夢 | 9 | 3 | 1 | 5 | 23 | 22 | 1 | 10 |
老毛黨持續穩定表現令佢地在本週升上榜首位置, 而上週表現最差既車神黨今週卻成為表現最佳, 雖然嘍囉黨只取得10分, 以1分之差緊隨於老毛黨, 但表現卻唔係本週最差, 本週最差係表現持續疲弱既彎刀黨, 主席一走之下唔通要取得好成績真係咁困難? (雖然未走之前都唔好得幾多...), 下週主客互換, 究竟本週既歷史會唔會重演?
[ 本帖最後由 Hakkinen 於 2007-6-16 02:38 PM 編輯 ] |
|
IP卡
狗仔卡
顯身å¡
發表於 2007-6-15 23:53:11
發表於 2007-6-15 23:53:28
發表於 2007-6-16 00:03:46
set唔到出場陣容
