|
|
其實唔知道應唔應該post響呢一版啊, 不過見係講有關足球嗎...
大家有冇d經驗可以分享下呀? 例如居住地方, 飲食, 球會設備, clubshop呀, 球會d staff, 球迷, 球員同埋領隊對球迷的態度, 仲有消費! 當然仲有去過咩野球會啦...
我自己呢, 其實諾域治打過乜波, 我就跟住去睇, 不過由於諾域治只係打過一屆英超, 所以都唔大部份都係英冠球會, 睇波就分別去過雷丁的Madejski Stadium (當時佢地係仲未升班), 葉士域治的 Portman Road, 西布朗的 The Hawthorns 兩次, 波士頓聯的 The York Street, St. James Park, 伯明翰的 St. Andrews 都兩次, QPR的 Loftus Road又兩次, 盧頓的 Kenilworth Road, 史篤城的 Britannia Stadium, 維爾港的 The Vale Park, 仲有非聯賽球會京士利恩, Kings Lynn 的 The Walks 兩次, 另外去參觀過劍橋聯的 Abbey Stadium, 諾定咸森林的 City Ground及諾士郡的 Meadow Lane, 行過下啦...
唔, 球會clubshop方面, 我覺得伯明翰個clubshop就唔係太掂呀,又黑又暗, 仲要d野好貴! 至於QPR的clubshop, 無論係執野, 收錢的staff都真係好索呀! 波士頓聯同劍橋聯的clubshop都係響一個貨櫃箱入面, 而劍橋聯的仲要係只可以響一面入, 另一面出.
記得睇葉士域治對諾域治呢場打比, 令我深刻印象既係d騎警! 你知唔知佢地用咩野去分隔d球迷? 係用d馬既...便便! 真係臭到呀...d球迷點攪事呀?
我都有去諾域治個球場同埋訓練場參觀, 球場就唔駛錢呀, 因為clubshop個manager帶周圍行, 連home changing room都入埋, 而訓練場自由出入啦, 有得操就自己去睇.
見過既球星相信大家只會認識亨格比(Darren Huckerby), 行mall撞過佢兩次, 仲要係佢叫我添, 當然仲有杜利(Adam Drury)同賀治(Gary Holt)啦, 佢地有上網所以都知道我係邊一個.
好, 講球會既野就講左好多啦, 不如又講下居住地方, 同埋飲食啦!
我去到諾域治朝聖, 都只係住 Bed & Breadfast, 其實都係人地一間屋咁啦, 只不過由於佢地既屋實在太大, 有成6, 7個房, 所以咪分咁d房做B & B. 25鎊一晚, 不過最正既都係我一行出去間房門口去toilet(因為每一間房只有一張床, 一個衣櫃及一個洗面盤, toilet係公家要share)時, 就會見倒半個卡諾路球場(Carrow Road), 真係幾正架! 而行去火車站就只係兩分鐘, 行去卡諾路球場, 就只需十分鐘之內, 真係方便都爆, 所以我日日起身都行去卡諾路球場, 當晨運囉! 有時撞岩有工作人員做緊野剷草, 而球場門開左, 仲可以入去行個圈, 真係...嗰種感覺真係唔識形容啊!
不過我最鐘意我住嗰間B&B, 係因為佢地有埋Sky TV, 即係英國既cable tv, 同埋一張大梳化呀! 原來英國的免費台, 同香港一樣都只係得幾個, 有BBC1, BBC2, ITV1, ITV2及 Five. BBC 就有 Match of the Day 1及2, 星期六,日晚十點左右做, 做番當日英超比賽的精華, 有成一個鐘頭三個字左右, 呢個節目除左係連由前英格蘭名將連尼加主持之外, 仲有其實退休球員做嘉賓, 特別留意係呢個節目, 係完全冇廣告時間, 所以係連廁所都唔可以去, 真慘! 星期日早上7點左右重播一次; ITV就有一d歐聯, 同埋星期日早上10點左右有英冠精華! Five就有歐協直播; 至於Sky TV, 真係乜野波都有, 英超, 英冠, 英甲, 英乙, 英非聯賽, 當然仲有大部份歐聯, 足總盃, 聯賽盃及西甲, 就有時連16歲以下的國際賽比賽都有. 總之Sky Sports 1, Sky Sports 2及Sky Sports 3同埋Sky Sports Extra, 真係鐘意睇波既人朋友, 只要對住個電視就已經足夠, 都唔駛點樣周圍去架啦! 當然佢地都有英冠精華, 同埋香港有線的EPL preview啦! 係呀, 香港有「無敵比亞路」, 不過每個星期日踢完尾場, 即晚上6點半左右, 都係前足球名將 Andy Gray 會響 The Final Words 呢個節目, 響個電腦戰術板上傾番d入波, 佢地講既巳戰術同埋每一個球員應該點樣企d位置都好清楚, 令自己得益唔少.
不過最令我煩惱飲食呢個問題, 我雖然去左英國5次架啦, 但係都仲未解決得倒! pizza同KFC係我主要依靠的食糧, 點解? 因為呢兩間鋪頭, 係最近我嗰間Bed & Breadfast, 有次我睇場諾域治預備組的比賽, 7點9開波, 我7點3就響KFC買野, 之後拎個球場一路睇一路食! d pub實在幾貴, 冇十幾鎊都落唔倒樓, 但係我自己覺得佢d食物, 又真係唔值呢個價先至慘! Fish & chips都食過, 不過梗係覺得佢地係chips好大舊, 不過都ok好食既! 至於唐餐館就真係好少幫親囉, 因為又貴又唔太好食, 而buffet呢, 13鎊加drink, 都要15鎊呀! 不過佔90%的食物都係油炸啊! 哈, 但係近卡諾路球場有一間Chinese buffet又唔錯, 佢地有一個係比你自己夾d料, 好似chicken, beef, pork同埋蝦, 加埋米粉或面, 之後比佢響你面前炒, 有d好似鐵板燒, 又幾好食啊! 可能我自己鐘意食炒米粉啦
大家有冇野分享下呀? |
|
IP卡
狗仔卡
發表於 2007-5-16 12:52:07
提升卡
置頂卡
沉默卡
喧囂卡
變色å¡
顯身å¡
