唱片封套怪談

FlyingDonkey

http://hongkonghell.blogspot.com/2007/05/blog-post_22.html
唱片封套怪談
from Hong Kong Hell by 朋友
看見Dosss君談了點對本地唱片封套的感想，我有一些想補充。

本地唱片封套設計，其實一直都是接近styling和packaging多於設計本身，主因是唱片公司那班marketing一直覺得sell樣最緊要，又要顧形像問題，呢樣唔得果樣唔得，永遠只能在styling或graphic上攪花臣，所以我們永遠不可能得到像《平成風俗》那樣得個浴缸和樂器都做到主角、更不要題像SMAP或Franz Ferdinand那種齋字都有impact的唱片封套。

由於要顧及所謂形像問題，形像上不能玩得太盡，styling於是等同化妝set頭揀衫，最佳例子是股懼基咸魚翻生期的兩隻大碟《遊戲基》和《大雄》，兩者由碟名封面到內頁都分別大玩電玩和漫畫符號，但股生個造型...學Wyman話齋是完全無法子做到與周遭環境「佈下結界」，人景合一，不過話說回頭你又試吓叫股生扮瑪利奧或gel 王小虎頭睇下佢肯唔肯。再舉多一個例子就是最近冰島歌后的大碟《Volta》，康港歌手有誰夠薑笠入去那粒兩腳珍寶珠?王菲都唔夠膽抄啦!!就算有膽我都睇死班友諗唔到呢啲idea~!! 所以黃秋生幾年前的大碟《Bad taste but smell good》封套拿其他歌手的形像去惡攪，絕對是大快人心，記得當時黃在電台訪問中也質疑：點解要頭頂頂住個金魚缸？點解要揸住部中古相機/寶麗萊?點解無啦啦會有盤水兜頭兜面潑過去? 點解點解點解? 就是因為styling行先，而那種styling可以完全無動機無目的純粹為「好睇」，這不是packaging是甚麼？


-黃秋生明搞事大碟《Bad taste but smell good》，我承認我是因為很喜歡這個名字所以用了來做blog名

另一個引致唱片封套不夠有趣的原因就是那班叫自己做artist的歌手。要知道外國大部份歌手都極重視唱片封套，重視程度是一開始已經會跟art director一同構思及溝通，所以像變色老妖David Bowie或Bjork這類美藝人，就算單玩styling都一樣能夠玩到變經典，真係讓半臂都拗贏你。康港的情況則是歌手甚少參予封套構思，一則他們不重視，二則根本不懂，因為甚少歌手有art sense(就連股生sell到口臭的那手漫畫都是攪笑成份居多)。不過最慘是連明哥這類算叫做有sense的美藝人，都俾人捉到隻《若水》內的鑽石人造型是抄Bjork的，你話死冇?

所以細寶麥浚龍早陣子的《Chapel of Dawn》找James Jarvis畫封面，其實算做有心改變一下沉悶的現狀(實情是他真的不能sell樣呀)，不過，那個盒和內頁layout還是劣評如潮，康港唱片要有個像樣的封套，似乎天時地利人和缺一不可。

最後同大家玩競猜遊戲：



上圖Pulp的《We love life》(2001)封套你估埋單洗了多少錢？答案是我都不知道，但我知單是那幾隻中古字體的版權費已經用了三千英磅!!(一隻字母盛惠一千，名乎其實一字千金)還未計Peter Saville的切雞費。如果在康港你跟唱片公司要求用三千英磅買幾粒字，你應該會被人捉去做研究。三千英磅我飛去外國映相唔好~?!

相關聞漿：
-Peter Saville談唱片切雞(收錄一隻字母一千英磅的前因後果)
-封套
-化繁為間
-黃耀明 v.s. Björk

雲尼史釗活

李喂凸

明哥玩的造型
唔指Bjork了
K.K.


"一向在封面上都有創新意念的明哥, 特別和美術總監tomas chan設計了這個「水晶人」造型 ， 從頭到手共 貼滿了千多粒水晶膠片 。整個專輯概念是緣自第一首製作完成的歌曲"給你",因為大半年前曾為一個向電影大師 Jean Cocteau 致敬的展覽 , 翻唱了一首 Jean Cocteau 的好友 Edith Piaf 主唱 的《 L’hymne a l’amour 》成為新歌《給你》，在製作過程中看了很多Jean Cocteau的電影, 而他的電影都是很有濃重的玩倒影的意像, 所以有此概念形成。 明哥表示專輯名"若水"靈感來自專輯中其中一首歌"四大皆空"其中一句歌詞"上善若水", 而 "上善若水"是來自老子道德經其中,取其開放及包容性。"

納比

原帖由 雲尼史釗活 於 2007-5-22  11:27 PM 發表

咁佢起碼走向另一個極端,好過平平無奇